HPAJI NINGLI 8:10 - Jinghpaw Common Language Bible 2009

¹⁰ Rai sa, n hkru ai masha ni shanhte a lup sung hku ni hta lup makoi da hkrum nga ma ai hpe ngai mu ni ai; rai ti mung, lup wa de na bai nhtang wa ai masha ni gaw n hkru ai amu galaw shapraw ai shanhte a mare hta sha shanhte hpe shakawn ma ai. Dai mung kaman lila rai nga ai.

Jinghpaw Hanson Version Bible

¹⁰ Shing rai, tara n lang ai wa gaw, makoi mayang hkrum nna, masha ni shi a lup de sa de ma ai; tengman ai amu galaw ai ni hpe chyawm gaw, chyoi pra ai shara de na pru ngut jang, mare hta e malap mali di kau hkrum ma ai, ngai mu nngai: dai mung kaman lila rai nga ai.

HPAJI NINGLI 8:10 ပူးပေါင်းရင်းမြစ်များ

YOBA 21:18

nbung e shapoi kau ai yihku zawn mung, nbung laru e ahpawt shapoi mat wa hkrum ai ga nhpu zawn mung shanhte hpe ari jaw na ra ai n rai ni?

SHAKAWN KUNGDAWN 31:12

Ngai hpe si mat sai wa zawn, kadai mung malap kau masai; kabai kau ai shanut shanaw hte maren rai mat ni ai.

GA SHAGAWP 10:7

Mai kaja ai masha ni gaw shaman chyeju langai zawn, matsing da ai hkrum nga ma ai; tara n lang ai masha ni chyawm gaw, loi hkring mi rai jang, malap kau ai hkrum na mara ai.

HPAJI NINGLI 1:11

Kadai mung lai sai aten ni hta hpa byin lai wa sai hpe n dum nga ai, htawm hpang de du sa wa na ni kadai mung ndai prat hte hpang na aprat lapran hta hpa byin na lam dum na n rai.

HPAJI NINGLI 2:16

Kadai mung hpaji rawng ai ni hpe dum ai n rai; kadai mung angawk angak ni hpe dum ai n rai. Anhte yawng gaw htawm hpang prat e malap kau hkrum na ni hkrai rai nga ga ai. Anhte yawng gaw hpaji rawng ai wa hte angawk ai wa zawn maren sha si ra na ga ai.

HPAJI NINGLI 9:15

Dai mare hta matsan mayan re ai wa langai mi nga nga ai, rai ti mung shi gaw grai myit let ai rai nna dai mare hpe hkye la lu wu ai. Rai ti mung, shi a lam hpe kadai mung n myit dum ma ai.

HPAJI NINGLI 9:5

Rai sa, hkrung nga ai ni gaw shanhte si na hpe chye nga ma ai, rai ti mung si mat sai ni chyawm gaw hpa n chye ma ai. Shanhte gaw hpa shabrai mung n hkam la lu ma ai; shanhte gaw tsep kawp malap kau ai hkrum na ma ai.

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

LUKA 16:22

“Shaloi dai matsan wa si mat wa nna, lamu kasa ni shi hpe sumsing lamu na lusha poi hta Abraham a makau e dung nga na matu woi bang da mu ai, sahti wa mung si wa nna lup makoi hkrum nu ai.

KASA 6:13

Dai hpang shanhte gaw masu ai sakse ni hpe shaga shawn dat mu ai rai nna shanhte gaw, “Dai wa, ndai Chyoi Pra ai Nawku Htingnu hte Mawshe a Tara hpe jahpoi asawng ai ga atsun nga ai.

HEBRE 10:38

Nye a ding hpring ai masha ni chyawm gaw, kam sham ai hte hkrung nga na mara ai. Rai ti mung shanhte hta na langai ngai sit htingnut htak mat wa a yang gaw, ngai shi hta sharawng awng na nngai n rai,” nga nna tsun nga ai.