HPAJI NINGLI 8:1 - Jinghpaw Common Language Bible 2009

¹ Hpaji rawng ai wa chyu sha arung arai a lachyum hpe teng teng chye lu nga ai. Hpaji byeng-ya gaw shi hpe mani shangun nna n ju ai myi hte yu ai nsam hpe jahkoi kau ya nga ai.

Jinghpaw Hanson Version Bible

¹ Hpaji byeng-ya rawng ai wa kadai rai ta? Sumtu ga lachyum kadai chye shapraw a ta? Hpaji byeng-ya gaw, masha a myi man jahtoi ya nga ai; shi myi man a ahpraw nsam galai mat nga ai.

HPAJI NINGLI 8:1 ပူးပေါင်းရင်းမြစ်များ

NINGPAWT NINGHPANG 40:8

Shan gaw, “An yup mang langai hpra mu ga ai. Rai ti mung, dai yup mang a lachyum hpa rai nga ai hpe htai dan lu na masha kadai mung ndai yang e n nga nga ai,” ngu nna htan mu ai. Yosep gaw, “Yup mang ni hpe htai na marai atsam ni hpe Karai Kasang jaw ya nga ai. Dai rai nna nan a yup mang ngai hpe tsun dan yu mi,” ngu nna tsun wu ai.

YOBA 33:23

Anhte a lit hpe shadum ya ai Karai Kasang a lamu kasa hkying mun hta na langai mi gaw shanhte hpe sa karum la mai nga a dawng.

PRU MAT 34:35

shanhte gaw shi a myi man ahpraw htoi kabrim nga lu ai hpe mu nga ma ai. Dai hpang dai Madu hpe ga shaga na matu bai shang sa ai aten du hkra, shi a myi man magap hte man magap da da di wu ai.

GA SHAGAWP 1:6

shing rai, shanhte gaw ga shagawp a makoi magap da ai lachyum ni hte hpaji rawng ai masha ni san ai manghkang ni hpe chye na lu ma ai.

GA SHAGAWP 12:8

Nang zai byeng-ya hpaji hpe chye nga ai wa rai yang, shakawn shagrau ai nang hkrum na ndai; nang angawk ai wa rai yang chyawm gaw masha ni na a ntsa e yu kaji kau na mara ai.

GA SHAGAWP 17:24

Zai byeng-ya rawng ai masha gaw shamu shamawt lam hpe hpaji rawng ai hku yu shading nga ti mung angawk ai wa chyawm gaw man ang ai de rawt sa wa nga ai.

GA SHAGAWP 21:29

Ding hpring ai masha ni gaw shanhte hkum hpe kam lu nga ma ai; tara n lang ai masha ni chyawm gaw shanhte hkum shanhte dang lu ai made kaja htum ai hku hpyi hpun shatsawm da nga ma ai.

GA SHAGAWP 24:5

Hpaji rawng ai wa gaw n-gun ja ai wa hta grau kaja nga ai; rai sa, machye machyang gaw n-gun atsam hta grau ahkyak nga ai.

Daniela 2:22

Shi gaw sung ai hte makoi magap da ai arai ni hpe shapraw dan nga ai; shi gaw nsin kata hta makoi magap da ai arai ni hpe chye nga ai, shi hkum nan hpe chyawm gaw nhtoi hte gawan shinggrup da nga ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

MAHTE 17:2

Shaloi, shanhte a man e shi a ahpraw nsam galai mat wa ai hte, shi a myi man gaw, jan zawn htoi kabrim wa nna, shi a hpun palawng ni nhtoi zawn hpraw tu wa lu ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 4:29

Madu e ya yang shanhte a jahkrit shama ahkrim ai lam ni hpe mu mada ya mi, Madu a shangun ma ni hpe nden ja ai myit hte tsun dan lu hkra karum ya mi law.

KASA 6:15

Shaloi dai hpawng shingra e dung nga ai nlang, shi hpe jawm azi yu mu yang shi a myi man gaw lamu kasa langai mi a myi man zawn rai nga lu ai hpe shanhte mu ma ai.

ROMA 13:5

Dai rai nna nang gaw Karai Kasang ari jaw na hpe hkrit ai majaw sha n rai, dum chye ai myit e hkang ai hku mahtang ahkang aya lu ai ni a npu e taw lu na rai myit dai.

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

TARA JAHPRANG 28:50

Shanhte gaw gumshem nga ma ai rai nna, asak kaji kaba n nga, kadai hpe mung matsan dum ai myit madun dan nga ma ai n rai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

2 PETRU 1:20

Rai ti mung, kadai wa mung tinang dai myit ra ai hku Chyum laika ni hta na myihtoi ga langai mi a lachyum n hta la lu ai hpe yawng a shawng e matsing da ra nga ai.