HPAJI NINGLI 7:9 - Jinghpaw Common Language Bible 2009

⁹ Na a myit hkang u; masin kahtet ai gaw angawk angak amu rai nga ai.

Jinghpaw Hanson Version Bible

⁹ Pawt sindawng hkra myit hkum gadun et; kaning rai nme law, pawt sindawng ai gaw angawk ai wa a kraw hta e de nga ai.

HPAJI NINGLI 7:9 ပူးပေါင်းရင်းမြစ်များ

NINGPAWT NINGHPANG 4:8

Dai hpang Ka-in gaw shi a kanau Abela hpe, “Pa hkan e hkawm chyai ga,” ngu nna tsun wu ai. Pa hkan e shan nga hkawm nga yang, Ka-in gaw shi a kanau hpang de kayin sa nna shi hpe sat kau wu ai.

2 SAMUELA 13:22

Absalom chyawm gaw shi a kajan Tama roi kau hkrum sai a majaw Amnon hpe grai yu n dawng mat ai rai nna shi hpe galoi mung ga n shaga mat wu ai.

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

2 SAMUELA 13:32

Rai ti mung, Dawi a kahpu Shama a kasha Yonadab chyawm gaw, “Madu hkawhkam e, shanhte gaw na a shadang sha ni yawng hpe n sat sharu kau nga ai. Amnon chyu sha sat kau ai hkrum nna si mat nga sai. Amnon mahtang shi a kajan Tama hpe roi kau ai shani kaw nna dai zawn galaw na shi myit daw dan da nu ai gaw, Absalom a sat yu nna nang tsun lu na rai nga ndai.

2 SAMUELA 19:43

Israela masha ni mung, “Hkawhkam wa gaw nanhte a hpu nau langai mi rai nga tim Hkawhkam Dawi hte seng ai amu hta anhte grau nna htam shi sha n-ga, seng nga ga ai. Nanhte gaw anhte hpe hpa majaw yu kaji nga myit ni? Hkawhkam wa hpe woi nhtang wa na matu anhte shawng bawng jahkrup saga ai hpe hkum malap kau ya mi!,” ngu nna tsun htang wu ai. Rai ti mung Yuda masha ni gaw shada da tsun jahpra ai lam hta Israela masha ni hta grau nna ja la nga ma ai.

GA SHAGAWP 14:17

Myit kahtet ai masha ni gaw mana bu ai amu galaw nga nna; hpaji grau rawng ai ni gaw dai hta atsin sha rai nga nga ma ai.

GA SHAGAWP 14:29

Nang atsin sha nga ai rai yang, nang hpaji rawng nga ndai; rai ti mung, nang masin kahtet nga ai rai yang, nang gade angawk ai lam hpe chyu sha, nang madun nga ndai.

GA SHAGAWP 16:32

Daru magam myit rawng ai hta hkam sharang ai myit rawng ai gaw grau kaja nga ai; mare ting a ntsa e up hkang hpareng ai hta tinang a hkum hpe up hkang lu ai gaw grau nna kaja nga ai.

GA SHAGAWP 25:8

Lama ma byin ai hpe nang mu hkrup yang tara rung de sa tang na hkum tin. Nang shut ai lam hpe hpang e kaga masha wa sakse hkam yang, nang kaning di na ngu n ta?

HPAJI NINGLI 7:10

“Moi prat hta pru ai arai ni gaw hpa majaw grau kaja a ta?,” nga nna galoi mung hkum san et. Dai gaw zai byeng-ya hte seng ai ga san n rai nga ai.

YONA 4:3

Ya chyawm gaw, Madu e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

YONA 4:8

Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

YONA 4:9

Rai ti mung Karai Kasang gaw shi hpe, “Dai tauba ru a majaw, nang hpa masin pawt shara nga a ta?,” ngu nna shi hpe tsun wu ai. Yona gaw, “Ngai gaw pawt na ahkaw ahkang lu nngai- si ai du hkra pawt sindawng na mai nga ai!,” ngu nna htang tsun wu ai.

MARKU 6:19

Dai majaw Herodia gaw Yawhan hpe n ju da wu ai hte sat kau mayu wu ai, rai ti mung Herod a majaw shi hpa n di lu wu ai.

MARKU 6:24

Dai rai nna dai numsha pru wa nhtawm, shi a kanu hpe, “Ngai hpa hpyi na we ta?,” ngu nna san wu yang, kanu gaw, Hkalup Sara Yawhan a baw hpe hpyi u,” ngu wu ai.

YAKU 1:19

Nye a tsaw ra ai hpu nau ni e, ndai lam matsing tawn da nga mu! Nanhte langai hte langai gaw na la na mahtang lawan nna tsun shaga na hte masin pawt na lam hta hkum tin nga mu.