HPAJI NINGLI 7:7 - Jinghpaw Common Language Bible 2009

⁷ Hpaji rawng ai wa marai langai ngai hpe masu hkalem yang, shi gaw angawk ai wa zawn galaw nga ai. Mayun kumhpa la sha ai rai yang, na a arawn alai hpe jahten kau nga ai.

Jinghpaw Hanson Version Bible

⁷ Gaja wa, lawhpa myit gaw hpaji rawng ai wa hpe mana shangun nga ai; sake manawn mung, chye chyang ai myit hpe jahten kau lu ai.

HPAJI NINGLI 7:7 ပူးပေါင်းရင်းမြစ်များ

PRU MAT 23:8

Mayun kumhpa hkap la mai na n rai, dai kumhpa a majaw, masha hpe ding man ai amu hta myi n mu shangun ai hte mara n kap ai ni a amu hpe sharun jahten kau ya nga ai.

GA SHAGAWP 17:23

Gumhpraw marin ai tara agyi ni gaw mayun kumhpa hpe la sha ai majaw; tara malang ai amu hpe n galaw ya nga ma ai.

GA SHAGAWP 17:8

Mayun kumhpa la ai amu gaw lawng mandan hpaji zawn lawan ai hku amu shabyin ya lu nga ai nga nna masha nkau mi myit la nga ma ai; dai gaw kaning re ai lam hpe rai tim, shabyin ya lu nga nna, shanhte dai hpe kam nga ma ai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

HPAJI NINGLI 5:8

Up hkang ai ni gaw matsan mayan ni hpe dip gamyet zingri zingrat ai hte teng man rap ra ai tara hpe ningdang kau nna shanhte a ahkaw ahkang ni hpe shanut kau ai hpe nang mu yang hkum yu mau et. Du shagu gaw shi a ntsa na wa a makawp maga la ai hkrum nga ai. Shan lahkawng mung grau tsaw ai du ni a makawp maga la ai naw hkrum nga ai.

HPAJI NINGLI 8:9

Ndai mungkan ga hta byin nga ai amu ni a lam ngai myit sumru yu yang, masha nkau mi daru magam n-gun rawng nna nkau mi mahtang shanhte a npu hta nni nkri hkrum sha nga ai mungkan rai nga ai hpe ngai mu se ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 33:15

Nanhte gaw jaw ai amu hpe tsun nna galaw ai rai yang nanhte asak hkrung lu na myit dai. Matsan mayan masha ni hpe masu hkalem na matu na a daru magam n-gun hpe hkum lang et; mayun kumhpa ni hkum hkap la et. Masha sat amu galaw maw mawn ai ni hte kaga n hkru ai amu galaw ai ni hte hkum kanawn et.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

TARA JAHPRANG 28:65

Nanhte gaw ngwi pyaw sim sa lam hpe kanang e mung mu lu na myit dai n rai; nanhte hpe shaga ai shara kanang e mung nga na n rai; dai Madu mung nanhte hpe masin kahpra ai, myit mada shara n nga ai hte myit daw myit hten ai lam jahkrum na rai wu ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 21:14

Dai rai nna Ahkisha gaw shi a du salang ni hpe, “Yu yu mu! Dai wa gaw mana she rai nga a hka! Ngai kaw hpa rai jashawn dat myit ta?

1 SAMUELA 8:3

Rai ti mung shan gaw kawa a kasi hta n hkan ai sha, gumhpraw marin ai amu hta chyu sha myit lawm shajang ma ai; mayun kumhpa ni hpe shan hkap la ma ai majaw amu ni hpe teng man ai hku n daw dan ya lu ma ai.