HPAJI NINGLI 7:6 - Jinghpaw Common Language Bible 2009

⁶ Angawk ai masha wa mani ai shaloi, dai gaw wan kata e ju hpun hkru kahpre ai hte bung nga ai. Dai gaw hpa lachyum mung n pru nga ai.

Jinghpaw Hanson Version Bible

⁶ Kaning rai nme law, angawk ai wa a mani ai gaw, dibu npu a ju hpun hkru kahpre ai hte bung nga ai: dai mung kaman lila rai nga ai.

HPAJI NINGLI 7:6 ပူးပေါင်းရင်းမြစ်များ

SHAKAWN KUNGDAWN 118:12

Shanhte gaw lagat ni zawn, ngai hpe ginjup shatsang nga ma ti mung; ju hpun hkru ai wan zawn, shanhte tin tin hkru krawp mat nga ma ai. Dai Madu a n gun atsam hte ngai shanhte hpe shamyit kau nngai.

SHAKAWN KUNGDAWN 58:9

Shanhte dai lam hpe garai n tan chye lu yang, tsingdu ni hpe zawn, shanhte dan kau ai hkrum nga ma ai; shanhte gaw asak hkrung nga yang pyi, shi a pawt singdawng ai hta, Karai Kasang gaw shanhte hpe shapoi kau na ra ai.

GA SHAGAWP 29:9

Nyan let ai masha wa gaw angawk ai wa hte ru hka amu tsun ndang hkat ai shaloi, angawk ai wa gaw mani chyu mani nna marawn matsa nga ai.

HPAJI NINGLI 2:2

Mani ai wa gaw angawk angak re ai wa rai nna sharawng awng hpa lam gaw nang hpe mai kaja lam n shabyin ya lu nga ai hpe ngai sawk tam lu ni ai.

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

LUKA 16:25

“Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.

LUKA 6:25

Ya hkru kat nga ai ni, nanhte hkrithpa dingnye lu myit dai; hpa majaw nga yang nanhte kawsi ai hkrum na marin dai. Ya mani nga ai ni, nanhte hkrithpa dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.