HPAJI NINGLI 7:5 - Jinghpaw Common Language Bible 2009

⁵ Myit n su ai masha ni nang hpe shakawn kungdawn ai nsen hpe hkam la na hta hpaji rawng ai masha ni nang hpe daru sharin shaga ai hpe hkam la na gaw grau kaja nga ai.

Jinghpaw Hanson Version Bible

⁵ Angawk ai wa a mahkawn mangoi ga madat na hta, hpaji rawng ai wa a daru sharin ai ga madat na, grau mai nga ai.

HPAJI NINGLI 7:5 ပူးပေါင်းရင်းမြစ်များ

SHAKAWN KUNGDAWN 141:5

Mai kaja ai masha wa gaw ngai hpe ari jaw u ga, shawang myit kaba hte ngai hpe daru sharin nga u ga, rai ti mung, shanhte a n hkru ai sat lawat ni hpe ninghkap na, tut nawng e, ngai akyu hpyi nga nngai majaw, n hkru ai masha ni a shagrau sha-a ai lam hpe galoi mung ngai hkap la na n rai.

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

GA SHAGAWP 13:13

Nang lama, mai kaja ai hpaji jaw ga hpe, ningdang kau ai rai yang, ru yak tsin-yam hkrum na ndai; nang dai hta hkan sa ai rai yang chyawm, gaw nang shim nga na ndai.

GA SHAGAWP 13:18

Sharin achyin n hkam ai wa gaw matsan mayan hte kaya kahpa hkrum na ra ai; shading sharai ai ga hpe madat mara ai wa chyawm gaw hkungga lara ai hpe hkam la na ra ai.

GA SHAGAWP 17:10

Zai byeng-ya rawng ai masha wa, kalang mi daru hkrum ai kaw na sharin la ai gaw, angawk ai wa shingna lasik latsa lang kayat hkrum sha nna sharin la ai hta grau nga ai.

GA SHAGAWP 25:12

Madat mara hkam la mayu ai wa hpe, mahkrum madup nga ai wa hku nna shadum jahprang ga tsun dan ai gaw, ja lachyawp hte mung, ja jet hte galaw da ai ja lung seng rai hta grau nna manu dan nga ai.

GA SHAGAWP 27:6

Jinghku ni gaw nang hpe machyi shangun tim pyi, na a ntsa e kaja ai myit rawng nga ai, rai ti mung; gumlau hpyen wa na a lahpa sa ahpum ai shaloi dai hpe maja u!

GA SHAGAWP 6:23

Shanhte a sharin shaga ai ga ni gaw htoi tu ai nhtoi rai nga ai, shanhte a shading sharai ya ai lam mung nang gara hku asak hkrung na lam hpe sharin ya lu nga ai.

GA SHAGAWP 9:8

Gumrawng gumtawng ai masha wa hpe galoi mung hkum shading sharai nga et; dai lam a majaw, shi nang hpe n ju n dawng wa na ra ai. Rai ti mung, hpaji rawng ai masha wa hpe nang shading sharai ai rai yang, shi nang hpe hkungga lara rai na ra ai.

HPAJI NINGLI 12:11

Hpaji rawng ai ni a ga ni gaw sagu ni hpe lam woi na matu sagu rem ni lang ai majawn hte bung nga ai rai nna ka mahkawng da ai ga shagawp ni gaw dit jung da ai hpri masen zawn grin nga ai. Dai ni gaw anhte yawng a sagu Rem ai Wa, Karai Kasang a lata hku jaw ya ai ni rai nga ai.

HPAJI NINGLI 7:4

Kabu gara ai lam hpe tut nawng myit aru yu nga ai wa gaw angawk angak re ai wa rai nga ai. Hpaji rawng ai wa chyawm gaw si hkrung si htan a lam hpe myit aru yu nga ai.

HPAJI NINGLI 9:17

Angawk ai ni a kongsi hpawng hta mungdu wa jahtau tsun ai ga madat na hta hpaji rawng ai wa a ga hpe asim sha madat na gaw grau mai kaja nga ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.