HPAJI NINGLI 7:26 - Jinghpaw Common Language Bible 2009

²⁶ Ngai gaw si hkrung si htan hta grau ahkup ahka nga ai arai lama mi mu se ai, dai gaw mahkam zawn re ai numsha rai nga ai. Shi nang hpe nawng ya ai tsaw ra myit gaw sumgawn zawn nang hpe rim la na ra ai; Shi a lata lahpum gaw hpri saidawng zawn nang hpe gyit hkang la na ra ai. Karai Kasang hpe awng sharawng ai wa hprawng lawt lu ti mung, yubak kap ai wa hpe chyawm gaw shi rim la lu nga ai.

Jinghpaw Hanson Version Bible

²⁶ Shing rai, mahkam hte sumgawn rai nna, shi a lata yan sumri hte bung ai numsha a myit masin gaw, si hkrung si htan hta grau yak la ai hpe, ngai mu hkrup nngai: Karai Kasang myi man shapa ai wa gaw, dai num a lata na lawt lu na ra ai; yubak kap ai wa chyawm gaw gyit hkang ai hkrum na ra ai.

HPAJI NINGLI 7:26 ပူးပေါင်းရင်းမြစ်များ

NINGPAWT NINGHPANG 19:35

Dai rai nna shan gaw dai shana e, shi hpe jaw shanang da nhtawm kanau jan shi hte kanawn wu ai. Shi mung grai nang nga ai majaw shing re ai lam hpe shi n chye wu ai.

NINGPAWT NINGHPANG 39:9

Ndai nta hta shi lu ai daru magam ahkang aya zawn ngai mung lu nngai. Nang hta kaga hpa mung ngai hpe shi hkum shingdang da ai n rai; dai re ai mi, dai zawn n hkru ai amu hte Karai Kasang hpe ngai kaning di shut hpyit lu na rai nga a ta?,” ngu nna tsun wu ai.

PRU MAT 10:7

Dai hkawhkam wa a du salang ni gaw shi hpe, “Ndai wa galoi du hkra anhte hpe ru yak jam jau jaw na rai wu ta? Israela lasha ni hpe dat dat ya ga, shaloi shanhte a Madu Karai Kasang hpe nawku lu na mara ai. Ya Egutu mung hten za mat sai gaw nang n chye n ni?,” ngu nna tsun ma ai.

GA SHAGAWP 2:16

Hkalem ai ga hte nang hpe lau la na matu shakut ai n shawp ai num kadai kaw na rai ti mung,

GA SHAGAWP 22:14

Num shaw la shaw ai amu gaw mahkam rai nga ai. Madu a masin kahtet hkrum ai ni, dai mahkam hta lu taw nga ma ai.

GA SHAGAWP 6:23

Shanhte a sharin shaga ai ga ni gaw htoi tu ai nhtoi rai nga ai, shanhte a shading sharai ya ai lam mung nang gara hku asak hkrung na lam hpe sharin ya lu nga ai.

GA SHAGAWP 6:24

Dai gaw nang n kaja ai numsha ni hte, masha jan ni a lau la lu ai n-gup aga ni kaw na, nang hpe makawp maga la lu nga ai.

GA SHAGAWP 9:18

Dai num a nta de shang sai masha ni gaw, Katsan ga a krung sin wa de, rai nga masai hte shi a nta de shang sa wa ai masha ni gaw si hkrum nga ai hpe, shi e lau la lu ai ni dai lam hpe n chye nga ma ai.

HPAJI NINGLI 2:26

Karai Kasang gaw shi awng sharawng ai ni hpe hpaji byeng-ya, machye machyang hte kabu gara ai lam jaw nga ai, rai ti mung shi gaw mara kap ai ni hpe amu galaw shangun ai, asak kan bau shangun ai hte mahkawng da shangun nga ai, shaloi shanhte lu ai arai gaw shi awng sharawng ai ni a lata de jaw ya lu nga ai. Dai yawng mayawng mung kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 7:27

Rai sa, Myit Sumru Ninghkrin wa gaw dai mahtai ni hpe ngai naw sawk tam yu nga yang, dai lam hpe lang mi kachyi chyi rai mu hkrup nngai, nga nna tsun ai.