HPAJI NINGLI 7:25 - Jinghpaw Common Language Bible 2009

²⁵ Rai ti mung ngai nan chyawm gaw hpaji machye machyang hte sharin achyin ai hta myit jung nga nngai, hpaji byeng-ya tam ai hta mung, nye a ga san ni hpe htai na lam hta mung, tara n lang ai hte myit n su ai gaw kade sha angawk angak re ai amu ni hpe sharin la na matu mung, ngai myit daw dan da nngai.

Jinghpaw Hanson Version Bible

²⁵ Hpaji byeng-ya hte nga yawng nga pra a npawt nhpang mung, tara n lang ai lam gaw angawk ai lam, myit n su ai lam gaw mana bu ai lam, rai nga ai hpe, chye na lu hkra, ngai gaw lam shagu sagawn yu nna, nye a myit masin gaw dai hpe chye na lu na sawk yu nga ai.

HPAJI NINGLI 7:25 ပူးပေါင်းရင်းမြစ်များ

NINGPAWT NINGHPANG 34:7

sa shaga na nga pru sa wa nga yang sha, Yaku a shadang sha ni mung pa de na du shang wa ma ai. Dai lam hpe shanhte na ma yang, Shehkem galaw kau ai dai zawn re ai amu hte Yaku a shayi sha roi kau hkrum ai a jaw e, Israela amyu masha ni n kaw n law di kau hkrum sai hpe na kajawng nna ja ja pawt bu nga ma ai.

2 SAMUELA 13:12

Tama gaw, “N rai, Ndai zawn sari jahpoi ai amu galaw na ngai hpe atik anang hkum shadut et! Dai gaw grai n hkru ai amu she rai nga a hka!

GA SHAGAWP 17:12

Angawk ai magam bungli hpe galaw nga ai masha angawk langai mi hte hkrum na hta, kasha shamat kau ai tsap kanu hte hkrum na gaw grau mai kaja nga ai.

GA SHAGAWP 26:11

A gwi gaw shi a nhpat bai nhtang sha ai zawn angawk ai wa gaw shi a angawk ai amu hpe bai nhtang galaw nga ai.

HPAJI NINGLI 10:13

Shanhte gaw angawk ai ga ni hte tsun hpang nna mana bu ai ga san hte hpungdim dat nga ai.

HPAJI NINGLI 2:12

Hpang jahtum gaw, lai sai hkawhkam ni galaw kau sai amu hpe chyu sha hkawhkam wa galaw lu nga ai. Dai rai nna, hpaji byeng-ya chye ai, myit n su ai hte angawk angak re ai ni gaw kaning re ai lachyum rai nga ai hpe ngai myit sawn sumru hpang wa nga nngai.

HPAJI NINGLI 2:15

Ngai gaw nye a kraw kata e, “Angawk ai ni hta byin wa ai sha, ngai hta mung byin nga ai. Dai re ai majaw hpaji byeng-ya grau rawng ai hta na hpa baw lu la sahka?,” ngu nna tsun ni ai. Ngai chyawm gaw, “Kaman lila hkrai rai nga ai, arai langai mung n rai nga ai,” ngu nna htan we ai.

HPAJI NINGLI 2:20

Dai rai nna, ngai grai shakut shaja let galaw kau ai amu a majaw yu lahpawt dum kau nngai.

HPAJI NINGLI 7:27

Rai sa, Myit Sumru Ninghkrin wa gaw dai mahtai ni hpe ngai naw sawk tam yu nga yang, dai lam hpe lang mi kachyi chyi rai mu hkrup nngai, nga nna tsun ai.

YAWSHU 7:13

Rawt u! amyu masha ni hpe jasan jaseng u. Shanhte hpe nye a man de pru sa na matu jin jin di da u. Dai Madu, Israela a Karai Kasang ngai gaw ndai lam hpe tsun ra nngai majaw, hpawt de jin jin rai nga na lam shanhte hpe tsun u; dai rai nna Israela e, jahten kau na matu ngai nanhte hpe hkang dat ai arai nkau mi nanhte a lata hta madu da nga myit dai! Dai arai ni hpe nang seng kau ai aten du hkra nanhte a gumlau hpyen ni hpe lu ninghkap lu na myit dai n rai.