HPAJI NINGLI 7:23 - Jinghpaw Common Language Bible 2009

²³ Ngai gaw dai lam yawng mayawng hpe chyam dinglik yu na matu nye a hpaji byeng-ya lang yu ni ai. Ngai gaw hpaji chye na matu myit daw dan da ti mung dai amu hpe ngai n dang di lu nngai.

Jinghpaw Hanson Version Bible

²³ Ngai gaw dai lam yawng mayawng hpe hpaji hte dinglik yu se ai; ngai gaw, Ngai hpaji hparat hkum n ga, ngu timung, dai gaw ngai hte tsan nga ai.

HPAJI NINGLI 7:23 ပူးပေါင်းရင်းမြစ်များ

NINGPAWT NINGHPANG 3:5

Dai asi hpe nan sha ai shaloi Karai Kasang zawn nan tai wa nna kaja ai hte n kaja ai lam hpe nan chye ginhka wa na hpe shi chye ai majaw Karai Kasang tsun da ai re,” nga nna bai htan wu ai.

HPAJI NINGLI 1:17

Machye machyang hpaji hte angawk angak re ai lam hpe mung, hpaji byeng-ya hte myit n su ai lam hpe mung chye ginhka la na matu, ngai daw dan da ni ai. Rai ti mung, dai mung nbung hpe shachyut ai sha rai nga ai hpe ngai mu nngai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

HPAJI NINGLI 7:22

nang nan masha kaga ni hpe law law lang jahpoi asawng kau nit dai hpe nang nan bai chye lu na rin dai.

HPAJI NINGLI 8:17

Karai Kasang hpa galaw ai hpe galoi mung n chye na lu nga ai. Nang kade wa shakut shaja ai rai tim nang galoi mung mu tam shapraw lu na n rai. Hpaji rawng ai ni gaw chye na mai nga ai, rai ti mung shanhte chye ma ai n rai.

ROMA 1:22

Shanhte gaw shanhte a hkum hpe hpaji chye ai ni rai ga ai ngu nna tsun ma ai rai ti mung shanhte gaw angawk angak re ai ni rai nga ma ai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?