HPAJI NINGLI 7:16 - Jinghpaw Common Language Bible 2009

¹⁶ Dai rai nna nau wa hkum kaja dum et; nau wa mung hpaji hkum rawng dum et-hpa majaw na a hkum hpe sat kau na rai ta?

Jinghpaw Hanson Version Bible

¹⁶ Ladu lai hkra hkum dinghpring dum et; ladu lai hkra hpaji hkum rawng dum et: hpa majaw tinang hkum a akyu hpe jahten mayu n ta?

HPAJI NINGLI 7:16 ပူးပေါင်းရင်းမြစ်များ

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

YOBA 11:12

Lawze nhprang ni hpe hku shani la lu ai shaloi, myit n su ai masha ni hpaji rawng wa na mara ai.

YOBA 28:28

Karai Kasang gaw dai masha ni hpe, “Nanhte gaw hpaji rawng na matu dai Madu hpe hkrit hkungga lu na rai myit dai. Nanhte gaw chye na hkawn hkrang na matu n hkru ai kaw na kayin mat wa lu na rai myit dai,” ngu nna tsun wu ai.

GA SHAGAWP 23:4

Sutsu wa lu hkra, na hkum nang hki si ba si hkum galaw et, dai hta hpaji rawng nga u.

GA SHAGAWP 25:16

Nang ra ai hta jan nna, lagat ntsin hpe galoi mung hkum lu et; lu lai ai gaw nang hpe madawn shangun chye nga ai.

HPAJI NINGLI 12:12

Ngai sha e, ndai lam ni hta kaga, sadi na lam langai naw nga nga ai; laili laika ka da ai gaw n htum hkraw nga ai; law law sharin la ai gaw nang hpe hki ba shangun na ra ai.

MAHTE 23:29

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw myihtoi ni a lup ni hpe gaw shatsawm da mu ai hte ding hpring ai ni a lup jarawp ni hpe mawn ya nhtawm,

MAHTE 23:38

Dai majaw, na a Nawku Htingnu hpe Karai Kasang e katsi katsang di nna kabai shakram kau na ra ai.

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

MAHTE 9:14

Shaloi Hkalup sara Yawhan a sape ni Yesu kaw sa du nna, “Anhte hte Hparishe ni, ya sha ya sha lusha gam gam rai ga ai mi, na a sape ni hpa majaw lusha n-gam nga ma hka?,” ngu mu ai.

LUKA 18:12

Bat mi hta lahkawng ya lusha gam nngai; ngai lu la ai yawng hta na htam shi hta na htam mi alu jaw nngai,’ nga nna hpyi nga ai.

ROMA 10:2

Hpa majaw nga yang, shanhte gaw Karai Kasang hta grai myit maju jung ai ni rai nga ma ai hpe ngai sakse hkam nga lu nngai. Rai ti mung shanhte a myit maju jung ai lam gaw teng man ai machye machyang hte n rai nga ma lu ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

1 KORINHTU 3:20

Bai kaga chyum ga hta mung, “Hpaji rawng ai ni a myit ai lam ni hpa manu n rawng nga malu ai gaw, dai Madu chye ya nga ai,” nga nna ka da nga ai.

HPILIPI 3:6

Myit lawm shakut sharang ai lam hpe tsun ga nga yang ngai gaw hpung hpe zingri zingrat ai wa rai nngai. Masha langai mi gaw jep ai Tara hpe hkan sa shadik nna ding hpring ai hpe lu la lu ai nga yang ngai hta mara n kap ai.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

KOLOSE 2:23

Ndai zawn re ai tara ni gaw adip arip rai lamu kasa ni hpe naw shangun ai, n teng n man ai hku shagrit shanem shangun ai, hpaji amyu mi re ngu nawn da ai tinang a hkum hpe shagyeng shakyet ai lam ni hpe sharawt ai lam ni, rai nga ma ai. Rai ti mung dai tara ni gaw masha a hkum shan a ra gasit kayut ai myit hpe dip hkang ai lam hta akyu majing hpa mi n rawng nga ai.

1 TIMOHTI 4:3

Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

SHINGRAN 18:19

Shanhte gaw tinang a baw ni hta ga nhpu hte bun nna, “Dai galu kaba ai mare gaw, dingnye lu a hka! Dingnye lu a hka! Panglai sanghpaw li madu ni hpe shi a sut gan hte lu su shangun ai mare gaw, hkying hkum mi laman lu malu sum hkrum mat sahka!,” nga nna hkrap ngu hkrap ngoi ai hte sharung shayawt let jahtau ma ai.