HPAJI NINGLI 7:14 - Jinghpaw Common Language Bible 2009

¹⁴ Nang ngamu ngamai wa ai shaloi, kabu gara nga u; ru yak tsin-yam tsindam hkrum ai shaloi, Karai Kasang gaw kabu gara ai hte ru yak tsin-yam tsindam lahkawng yan hpe dat da nga ai hpe dum u; hpang e, hpa baw bai byin wa na hpe nang galoi mung n chye nga ndai.

Jinghpaw Hanson Version Bible

¹⁴ Ngamu ngamai ai aten e kabu gara nga mu; matsan mayan hkrum ai aten e sumru yu nga u; gaja wa, shinggyim masha gaw, tinang a hpang e hpa byin na ra ai hpe, n chye sawn lu hkra, Karai Kasang gaw dai lam lahkawng hpe kapyawn tawn da wu ai.

HPAJI NINGLI 7:14 ပူးပေါင်းရင်းမြစ်များ

1 HKAWHKAM 8:47

na a amyu masha ni a akyu hpyi ga ni hpe madat ya u. Shanhte gade wa yubak mara galaw nna n hkru n hkra rai nga ma ti mung, dai mungdan hta shanhte myit malai lu nna nang kaw akyu hpyi let mara hpyi nem mu ai shaloi, O Madu e, shanhte a akyu hpyi ga hpe madat ya u law.

YOBA 2:10

Yoba gaw, “Nang gaw ga laban shaga nga n hka! Karai Kasang anhte hpe arai kaja lama ma jaw ai shaloi dai hpe anhte hkam la chye ga ai; shi anhte hpe ru tsang jahkrum ai shaloi anhte kaning rai aput angun lu na rai ga ta?,” ngu nna htan wu ai. Dai rai nna ndai nni nkri yawng mayawng hkrum sha tim pyi, Yoba gaw Karai Kasang hpe ninghkap na ga hpa mung n tsun nga ai.

SHAKAWN KUNGDAWN 119:71

Ngai hkrum sha ai ari gaw nye a matu kaja nga li ai; hpa majaw nga yang, dai gaw ngai hpe na a hkang da ai ga ni hpe sharin la shangun nga ai.

SHAKAWN KUNGDAWN 40:3

Shi gaw ngai hpe mahkawn ga nnan mahkawn shakawn na matu sharin ya ai, dai gaw anhte a Karai Kasang hpe shakawn ai mahkawn langai mi rai nga ai. Law law wa dai hpe mu nna hkrit maja let, Madu hpe shanhte kam hpa nga ma ai.

HPAJI NINGLI 10:14

Angawk ai wa gaw ga tut tut atsun nga ai. Hpang e hpa byin wa na ra ai hpe kadai mung n chye lu nga ai; anhte si mat ai hpang, hpa byin wa na lam kadai mung anhte hpe n tsun dan lu nga ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

HPAJI NINGLI 12:8

Kaman lila, kaman lila, nga nna Sumru Ninghkrin wa tsun ai. Dai yawng mayawng gaw kaman lila hkrai rai nga ai.

HPAJI NINGLI 3:22

Dai rai nna, anhte galaw lu sai amu hta kabu gara nga ai gaw anhte galaw lu ai kaja htum ai amu rai nga ai hpe ngai dum chye nngai. Anhte galaw lu ai amu hpa mung n nga nga ai. Anhte si mat ai hpang hpa byin wa na lam hpe anhte a matu chye na na lam hpa n nga nga ai.

HPAJI NINGLI 3:4

Shi gaw yawn hkyen ai aten hte kabu gara ai aten hpe mung, hkrap ngu hkrap ngoi ai aten hte ka manawt ai aten hpe mung,

HPAJI NINGLI 5:17

Anhte gaw nsin kata e nga nga ga ai rai nna yawn hkyen ai, myit ru myit tsang ai, masin pawt ai hte machyi makaw hkrai hkrum sha nga ga ai.

HPAJI NINGLI 8:7

Anhte kadai mung hpa byin wa na lam n chye ga ai; anhte hpe tsun dan na masha kadai mung n nga nga ai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

SHARUNG SHAYAWT 3:38

Mai kaja ai hte n mai kaja ai mung shi a hkang da ai ga kaw nna maren sha byin pru nga ai.

MIHKA 6:9

Dai Madu hpe hkrit hkungga ai gaw hpaji byeng-ya rai nga ai. Shi gaw dai mare hpe jahtau tsun nna, “Mare kata hta hpawng nga ai amyu masha ni hte dai hpe san da ai ni e, madat mu!

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

TARA JAHPRANG 26:11

Dai Madu nanhte a Karai Kasang nanhte hpe jaw ya ai mai kaja ai amu a majaw, na a dinghku masha ni hte mung, shing re ai poi hta shang lawm ai nang hta shanu nga ai Lewi masha ni hte maigan masha ni rau chyeju jawm shakawn lu na rai myit dai.

TARA JAHPRANG 28:47

Dai Madu gaw nanhte hpe lam magup shaman ya manit dai; rai ti mung nanhte shi hpe kabu gara ai myit hte n daw n jau myit dai.

TARA JAHPRANG 8:3

Shi gaw nanhte hpe kawsi jahkrum nhtawm nanhte hte nanhte a nji nwa ni galoi mung garai n lu sha yu ai Manna nanhte hpe jaw nu ai. Masha gaw muk hte sha asak hkrung nga lu ai n rai; lam magup hta dai Madu tsun ai mungga hte sha asak hkrung lu nga ai hpe sharin la lu myit ga nga, ndai lam shi galaw nu ai.

TARA JAHPRANG 8:5

Kawa gaw shi a kasha ni hpe tara hte sharin shaga ai zawn, dai Madu nanhte a Karai Kasang mung nanhte hpe ari jaw nna shading sharai la manit dai hpe adum nga mu.

YAKU 5:13

Nanhte hta na langai ngai ruyak jam jau hkrum nga myit ni? Shi akyu hpyi nga u ga. Langai ngai myit pyaw nga a ni? Shi mahkawn shakawn nga u ga.