HPAJI NINGLI 7:13 - Jinghpaw Common Language Bible 2009

¹³ Karai Kasang galaw nu ai amu hpe myit yu mu. Karai Kasang magaw da sai arai hpe kadai wa malan lu nga a ta?

Jinghpaw Hanson Version Bible

¹³ Karai Kasang a magam amu hpe sumru yu nga u: shi hpan tawn da ai magaw chyalu hpe, kadai wa malan lu na rai ta?

HPAJI NINGLI 7:13 ပူးပေါင်းရင်းမြစ်များ

YOBA 11:10

Karai Kasang nang hpe rim la nna tara rung de woi shadu ai rai yang, shi hpe kadai hkum da lu a ta?

YOBA 12:14

Karai Kasang run hpya kau ai shaloi, kadai wa bai de da lu nga a ta? Karai Kasang sharen da ai wa hpe kadai shalawt dat lu a ta?

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

YOBA 37:14

Yoba e, hkring mi hkring nna madat u; Karai Kasang galaw ai mauhpa amu ni hpe myit sumru yu u.

YOBA 9:12

Shi ra ai arai hpe shi la nga ai, kadai mung shi hpe jahkring lu ai n rai; Kadai mung shi hpe, “Nang hpa galaw nga n ta?,” ngu nna san gwi nga ai n rai.

SHAKAWN KUNGDAWN 107:43

Hpaji rawng ai ni ndai amu ni a lam hpe myit sawn yu nga mu ga; shanhte gaw dai Madu a dinggrin tsaw ra myit hpe myit yu nga mu ga law.

SHAKAWN KUNGDAWN 8:3

Nang hpan tawn da ai lamu hpe ngai mada yu ai shaloi; nang gaw shata hte shagan ni hpe shanhte a shara ni hta tawn da nga ndai.

HPAJI NINGLI 1:15

Nang gaw magaw nga ai hpe malan lu ai n rai; dai yang e n nga ai arai ni hpe nang n hti lu nga ndai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

HPAJI NINGLI 8:17

Karai Kasang hpa galaw ai hpe galoi mung n chye na lu nga ai. Nang kade wa shakut shaja ai rai tim nang galoi mung mu tam shapraw lu na n rai. Hpaji rawng ai ni gaw chye na mai nga ai, rai ti mung shanhte chye ma ai n rai.

ESAIA 14:27

Chyahtum Chyalai N-gun rawng ai dai Madu gaw ndai amu galaw na matu daw dan da nga ai. Shi gaw ari jaw na matu shi a lahpum hpe ladawn da nu ai, kadai mung shi hpe jahkring da lu ai n rai.

ESAIA 43:13

Ngai gaw Karai Kasang rai nga nngai, tut nawng arai nga na nngai. Kadai mung nye a daru magam n-gun kata kaw na lawt lu ai n rai; kadai mung ngai galaw ai amu hpe galai lu nga ai n rai,” ngu nna tsun ai.

ESAIA 5:12

Na a lusha poi ni hta dawraw tingse, dumbu, sumpyi, larung sumhkran, hte sabyi ntsin ni lawm nga ai. Rai ti mung nang gaw dai Madu hpa galaw nga ai hpe n chye nga ndai,

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

LUKA 12:26

Kaji htum ai lam langai mi hpe pyi n di lu myit dai rai yang, kaga lam ni hpe hpa rai myit tsang nga myit ta?

ROMA 9:15

Hpa majaw nga yang, shi gaw, “Ngai matsan dum mayu ai wa hpe matsan dum na we ai; ngai chyeju galaw mayu ai wa hpe chyeju galaw na we ai,” nga nna Mawshe hpe tsun dan nu ai.

ROMA 9:19

Rai ti mung nanhte hta na marai langai ngai, ngai hpe, “Dai rai yang gaw, Karai Kasang gaw masha hpe gara hku mara tam lu na rai ta? Karai Kasang a myit ra ai lam hpe kadai wa ban hkum lu a ta?,” nga nna san mayu ai nga na nhten!

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.