HPAJI NINGLI 6:8 - Jinghpaw Common Language Bible 2009

⁸ Hpaji rawng ai wa gaw angawk ai wa hta kade wa grau kaja nga a ni? Asak hkrun lam hpe kaning rai hkrum kadup na chye na na matu matsan mayan wa gaw mai kaja ai amu hpa hpe galaw nga a ta?

Jinghpaw Hanson Version Bible

⁸ Dai rai yang, hpaji rawng ai wa gaw, angawk ai wa hta hpa akyu grau rawng a ta? Masha ni a arawn alai pyi chye hkan ai matsan mayan wa mahtang, hpa akyu lu la a ta?

HPAJI NINGLI 6:8 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

SHAKAWN KUNGDAWN 101:2

Nye a sat lawat ni mara n kap na ra ai. Nang ngai kaw galoi aten e, du sa wa na n ni? Ngai gaw nye a nta hta san seng ai asak hkrun lam hte shanu nga na nngai;

SHAKAWN KUNGDAWN 116:9

Dai majaw, hkrung nga ai ni a mungkan hta dai Madu a man e, ngai hkawm nga na nngai.

GA SHAGAWP 19:1

Hkalem hkalau ga tsun nna angawk ai wa hta, myit malang nna matsan mayan rai nga na gaw, grau nna kaja nga ai.

HPAJI NINGLI 5:11

Nang sut su wa magang, nang jaw sha na n-gup grau law magang rai nga ai. Nang hkam la lu ai arai yawng mayawng gaw machye machyang hpaji rai nga ai.

HPAJI NINGLI 6:9

Dai mung kaman lila rai nga ai; dai gaw nbung hpe shachyut ai zawn rai nga ai. Nang lu ai hta myit dik lu ai gaw arai lama ma hpe tut e ra marit nga ai hta grau kaja nga ai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.