HPAJI NINGLI 6:7 - Jinghpaw Common Language Bible 2009

⁷ Anhte gaw shahpa lama mi lu hkra nga, anhte a makan amu yawng mayawng hpe galaw shakut ti mung galoi mung hkru kat hkraw ga ai n rai.

Jinghpaw Hanson Version Bible

⁷ Makan shakut ai yawng gaw kan a matu sha rai nga timung, sha mayu ai myit gaw hkru kat hkraw ai n rai.

HPAJI NINGLI 6:7 ပူးပေါင်းရင်းမြစ်များ

GA SHAGAWP 16:26

Amu galaw ai wa a n-gup namta gaw shi hpe bungli grau shaja shangun nga ai; hpa majaw nga yang, shi gaw shi a kawsi ai hpe jahkru shakat mayu nga ai majaw rai nga ai.

HPAJI NINGLI 1:8

Yawng mayawng gaw hki ba ai de woi sa ai-hki ba ai ngu ai ga gaw nau wa kaba la nga ai. Anhte a myi ni gaw myit dik hkra galoi mung n mu lu nga ai; anhte a na ni na lu na daram galoi mung n na lu nga ai.

HPAJI NINGLI 5:10

Nang gumhpraw marin ndai rai yang, galoi mung myit dik lu na ndai n rai; sut su na matu marit nga ai rai yang, nang ra ai arai yawng mayawng galoi mung lu la na ndai n rai; dai mung kaman lila rai nga ai.

HPAJI NINGLI 5:9

Hkawhkam wa du hkra pyi hkauna hta shamyet shanat nga ai.

HPAJI NINGLI 6:3

Anhte gaw shaning law law nga lu nna kashu kasha latsa shaprat let kade ning mi hkrung nga lu ti mung, anhte a kabu gara ai kamhtaw n lu la ai hte atsawm sha makoi mayang n hkam la lu ga ai rai yang, nbya bya mat ai pyi grau kaja nga ai ngu ngai tsun mayu nngai.

HPAJI NINGLI 6:8

Hpaji rawng ai wa gaw angawk ai wa hta kade wa grau kaja nga a ni? Asak hkrun lam hpe kaning rai hkrum kadup na chye na na matu matsan mayan wa gaw mai kaja ai amu hpa hpe galaw nga a ta?

MAHTE 6:25

“Dai rai nna ngai nanhte hpe tsun made ai gaw, asak hkrung nga lu na matu hpa lu hpa sha na, shing n rai hkum hkrang a matu hpa bu hpa hpun na lam hkum tsang myit; dai asak gaw lu sha hta, hkum hkrang gaw hpun palawng ni hta grau hpu ging nga ai n rai ni?

LUKA 12:19

Dai hpang, nye a myit masin hpe ning ngu na we ai, gam kaja ai masha wa e! Law law ning a matu nang ra ai arai kaja law law nang shinggyin da lu nit dai rai nna, asak hkrung ai lam hta asan apan rai nga nu, lu nu, sha nu, pyaw pyaw rai nga nu, ngu na we ai,’ nga nna shi hkum hpe shi tsun wu ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.