HPAJI NINGLI 6:6 - Jinghpaw Common Language Bible 2009

⁶ shaning hkying lahkawng ning hkrung nga lu ti mung, kabu gara ai asak hkrun lam hpe galoi mung n hkam la lu ai wa hta chyawm gaw grau nga ai. Hpang jahtum e shan gaw shara mi de sha sa mat wa na mara ai.

Jinghpaw Hanson Version Bible

⁶ Gaja wa shi gaw shaning hkying mi hkrung shagup nga lu timung, ngamu ngamai n hkam la lu ai rai yang, hpalam la a ta? Yawng mayawng gaw shara mi de sha du na ma ai, n rai ni?

HPAJI NINGLI 6:6 ပူးပေါင်းရင်းမြစ်များ

NINGPAWT NINGHPANG 5:5

hpe mung shaprat nhtawm asak 930 ning hta si mat sai.

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

YOBA 30:23

Nang gaw ngai hpe masha shagu a hpang jahtum na lam san da ya ai shara de mung, nye a si hkrung si htan lam de woi sa wa nga ndai hpe mung ngai chye nga nngai.

YOBA 7:7

O Karai Kasang e, nye a asak gaw nsoi nsa langai sha rai nga ai hpe dum u law. nye a kabu gara ai mung htum mat sali ai.

SHAKAWN KUNGDAWN 34:12

Nang gaw kabu gara ai asak hkrun lam hpe ra sharawng nga n ni? Asak galu ai hte kabu gara ai hpe nang ra nga n ni?

HPAJI NINGLI 12:7

Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

HPAJI NINGLI 2:14

Hpaji chye ai ni gaw shanhte gara de sa wa nga ai hpe mu lu ma ai, angawk ai ni chyawm gaw mu lu ai n rai.” Rai ti mung anhte yawng a matu ala nga ai hpang jahtum na lam gaw maren rai nga ai hpe ngai chye nngai.

HPAJI NINGLI 3:20

Shan lahkawng gaw shara langai mi de sha sa mat wa nna ga nhpu tai mat na mara ai. Shan lahkawng yan gaw ga nhpu kaw na pru wa nhtawm ga nhpu de bai shang mat wa nga ma ai.

HPAJI NINGLI 6:3

Anhte gaw shaning law law nga lu nna kashu kasha latsa shaprat let kade ning mi hkrung nga lu ti mung, anhte a kabu gara ai kamhtaw n lu la ai hte atsawm sha makoi mayang n hkam la lu ga ai rai yang, nbya bya mat ai pyi grau kaja nga ai ngu ngai tsun mayu nngai.

HPAJI NINGLI 6:5

Dai ma gaw shani nhtoi hpe galoi mung n mu lu ai hte asak gaw hpa hte bung nga ai hpe mung n chye lu nga ai; rai ti mung dik nna ban sa lam hpe mu tam la nga ai;

HPAJI NINGLI 7:2

Pyaw hpa poi de sa lawm na hta sharung shayawt nga ai nta de sa na mahtang grau kaja nga ai, hpa majaw nga yang, si hkrung si htan gaw anhte yawng hpe ala nga ai rai nna hkrung nga ai ni tinang hkum hpe nan tut nawng shadum ang mai nga ai.

HPAJI NINGLI 9:2

Dai gaw hpa mung galai shai shangun nga ai n rai. Ding man ai hte tara n lang ai, kaja ai hte n kaja ai, nawku kam sham ai hte n kam n sham ai, shagu hkungga ni hpe nawng jau ai ni hte n nawng jau ai ni a jahtum na maka gaw maren sha rai nga ai. Mai kaja ai wa gaw yubak kap ai wa hta grau kaja nga ai n rai; dagam shaka ai wa gaw n dagam shaka ai wa hta grau kaja nga ai n rai.

ESAIA 65:20

Ma chyangai ni ma prat hta galoi mung si na mara ai n rai, amyu masha ni yawng hte gaw shanhte a asak hpring hkra nga lu na mara ai. Asak latsa ning du hkra hkrung nga lu ai wa hpe pyi, ma kaji ngu nna myit la na mara ai. Dai latsa ning a shawng e si mat ai rai yang, ngai shanhte hpe ari jaw sai masat kumla tai na ra ai.

YEREMIA 17:6

Shi gaw zaibru jang hte katsi katsang hkun hkraw ai shara hta tu nna hpa mung n nga ai jum ga hta tu ai sumwum langai hte bung nga ai. Mai kaja ai amu shi hta galoi mung byin ai n rai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.