HPAJI NINGLI 6:3 - Jinghpaw Common Language Bible 2009

³ Anhte gaw shaning law law nga lu nna kashu kasha latsa shaprat let kade ning mi hkrung nga lu ti mung, anhte a kabu gara ai kamhtaw n lu la ai hte atsawm sha makoi mayang n hkam la lu ga ai rai yang, nbya bya mat ai pyi grau kaja nga ai ngu ngai tsun mayu nngai.

Jinghpaw Hanson Version Bible

³ Masha wa gaw shaning law law hkrung nga lu nna, kasha latsa shaprat timung, shi a myit masin gaw ngamu ngamai n hkam la lu ai hte, makoi mayang n hkrum ai si wa rai yang, san mat ai nbya gaw shi hta grau kaja nga ai, ngu nna ngai tsun nngai:

HPAJI NINGLI 6:3 ပူးပေါင်းရင်းမြစ်များ

NINGPAWT NINGHPANG 33:5

Esaw gaw grup yin de mada yu wu yang, numsha ni hte kasha ni hpe mu ai shaloi, “Nang hte rau hkan ai ndai masha ni gaw kadai ni rai nga ma ta?,” ngu nna san wu ai. Hpu ba e, ndai ni gaw ra n rawng hkra ngai hpe Karai Kasang jaw ya ai ma ni rai nga ma ai,” ngu nna Yaku htan wu ai.

NINGPAWT NINGHPANG 47:9

Yaku gaw, “Bu htawt hkawm ai nye a prat gaw latsa e sumshi ning tup na mat sali ai; dai shaning ni gaw nye a kaji kawa ni a shaning galu bu hkawm ai zawn n re ai sha, kadun ai hte yak la nga li ai,” ngu nna tsun dan wu ai.

2 HKAWHKAM 10:1

Hkawhkam Ahab a amyu matu ni marai sanit shi hte gaw Samari mare e nga nga ma ai. Yehu gaw laika langai ka nhtawm kanan law law shapraw nna mare up hkang ai ni hpe mung, mare agyi salang ni hpe mung, Ahab a amyu matu ni hpe bau maka nga ai ni hpe mung, shagun dat ya wu ai. Dai laika hpe ning ngu hti na rai myit dai:

2 HKAWHKAM 9:35

Rai ti mung shi hpe lup makoi na masha ni mahtang shi a pungkum, lagaw hte lata lahpan nra hta kaga hpa mung n nga nga ai hpe sa mu ma ai.

1 HKAWHKAM LABAU 28:5

Shi ngai hpe shadang sha law law jaw ya ai hta na dai Madu a mungdan ngu ai Israela mung ting hpe up hkang na matu Shawlumon hpe shi lata la nu ai.

2 HKAWHKAM LABAU 11:21

Rehoboam hta madu jan ni yawng shi matsat hte lashi num kru shi lu nga ai. Shi gaw shadang sha hkun matsat, shayi sha kru shi a kawa tai nga ai. Shi a madu jan ni hte lashi num ni yawng hta Mahka hpe mahtang kaja htum ai hku shi tsaw ra wu ai rai nna,

ESHTA 5:11

Shi gaw shanhte hpe shi gade sut su nga ai lam hpe mung, shi lu ai shadang sha ni gade daram law nga ma ai hpe mung, hkawhkam wa shi hpe gade wa shagrau shatsaw da sai lam hpe mung, kaga hkawhkam wa a du salang ni hta shi hpe gade daram ahkyak tawn ai lam hpe mung tsun shakawng dan wu ai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

YOBA 3:11

Ngai gaw nye nu a hkritung hta hpa majaw n si mat a ta? shing n rai ngai gaw shangai wa ai aten hta hpa majaw n si mat a ta?

YOBA 3:16

shing n rai nbya ma langai zawn yup pyaw nga na nngai.

SHAKAWN KUNGDAWN 58:8

Hkoi lapawp gaw shi a bawp nen byawng mat ai zawn rai mat mu ga; nhtoi hpe galoi mung n mu yu ai nbya ma zawn, shanhte rai mat mu ga.

GA SHAGAWP 17:6

Shadang sha ni gaw kawa ni a majaw, asak kaba ugut gu sai ni gaw shanhte a kashu ni a majaw gumrawng nga ma ai.

HPAJI NINGLI 4:3

Rai ti mung, galoi mung garai n shangai sa wa ai ni gaw ndai mungkan ga hta byin nga ai n rap ra ai lam hpe galoi mung n mu yu ai ni hta grau kaja nga ma ai.

HPAJI NINGLI 6:4

Dai ma gaw n shangai na mahtang grau kaja nga ai; dai gaw n dum shangun lu ai shara ngu ai nsin kata hta hkoi mat na ra ai.

YEREMIA 22:19

Lawze hpe shagrau sha-a lup makoi kau ai zawn shi gaw dun garawt ai hkrum nna Yerusalem a chyinghka ni a shinggan de kabai kau hkrum na ra ai,” ngu nna tsun ai.

YEREMIA 36:30

Ya chyawm gaw, Dawi a mungdan hpe up hkang na na a aru arat ni kadai mung paw pru na ra ai n rai, nga nna nang hkawhkam Yehoiakim hpe dai Madu ngai nan tsun nga nngai. Na a moi mang gaw shani na nhtoi hta jan prang hte shana e hkyen hta kabai tawn da ai hkrum na ndai.

YEREMIA 8:2

Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

MAHTE 26:24

Chyum laika hta ka da nga ai hte maren, dai Masha Kasha gaw si hkam na matu sa wa lu na rai nga ai; rai ti mung dai Masha Kasha hpe ap kau ai wa gaw dingnye lu na ra ai. Dai masha n shangai taw gaw shi a matu grau kaja nga ai!,” ngu wu ai.