HPAJI NINGLI 6:2 - Jinghpaw Common Language Bible 2009

² Karai Kasang gaw anhte hpe ja gumhpraw sut gan, arawng sadang hte sut rai ni jaw ya na ra ai, rai sa, anhte ra sharawng ai arai shagu lu la ti mung dai hta kabu gara shangun mi ai n rai. Kaga tsasam masha wa mahtang de a malai kabu gara na ra ai. Dai gaw kaman lila rai nga ai, de a teng man lam gaw n jaw nga ai.

Jinghpaw Hanson Version Bible

² Karai Kasang gaw masha langai mi hpe aja gumhpraw, sutgan hte arawng sadang jaw ya nna, shi myit masin ra mara lu ai hte hpa n kadawn timung, dai hpe sha na ahkang, Karai Kasang n jaw ai majaw, maigan wa langai mi shang sha nga ai: dai mung kaman lila hte jung ai ana rai nga ai.

HPAJI NINGLI 6:2 ပူးပေါင်းရင်းမြစ်များ

1 HKAWHKAM 3:13

Nang n hpyi shalawm ai na a asak hkrun lam yawng hta nang hkam la na sut gan hte arawng sadang hpe mung ngai jaw na de ai; dai gaw kaga hkawhkam ni hkam la ai hta grau na ra ai.

1 HKAWHKAM LABAU 29:25

Dai Madu gaw amyu baw ting Shawlumon hpe hkrit hkungga shangun ai hte Israela mung hpe up hkang lai wa sai kaga hkawhkam ni kadai hta mung shi hpe grau nna dan hkung shangun nga ai.

1 HKAWHKAM LABAU 29:28

Dawi gaw sut su ngamu ngamai ai hte shagrau hkungga hkam la let dingla ugut gu ai aten hta si mat wa sai; shi a kasha Shawlumon gaw shi a hkang hta hkawhkam tai wa sai.

2 HKAWHKAM LABAU 1:11

Karai Kasang gaw Shawlumon hpe, “Nang lata la ai lam jaw nga nit dai. Sut gan, manu dan ai sut arung arai, mying dan hkung ai, na a gumlau hpyen ni a si hkrung si htan lam, nang hkum nan asak galu na lam ni hpe hpyi na malai, ngai nang hpe hkawhkam shatai ai amyu masha ni hpe nang up hkang lu hkra nga, hpaji byeng-ya hte chye chyang ai nyan hpaji hpe sha nang hpyi nga ndai.

SHAKAWN KUNGDAWN 17:14

Ndai prat hta shanhte ra mara mahkra hkam la lu ai ni a lata kaw nna, ngai hpe hkye hkrang la e; shanhte a matu, nang mahkawng da ya sai nni nkri lam ni hte shanhte hpe ari jaw u. Dai hpe shanhte a kashu kasha ni alaw ahtam hkam sha mu ga hte matut nna shanhte a shu mashi shu masha ban prat du hkra hkam sha nga mu ga.

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 73:7

Shanhte a myit masin gaw n hkru n shawp ai lam hpe ru jaw dat nna; shanhte a kraw lawang ni gaw n hkru n shawp ai hku maw mawn ai hte kyin nga ma ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

HPAJI NINGLI 5:13

Ndai mungkan ga hta hkrit hpa amu langai naw nga nga ai hpe ngai mu se ai. Masha gaw aten ladaw langai a matu shanhte a gumhpraw hpe mahkawng da ma ai; dai hpe shanhte ra kadawn jang,

HPAJI NINGLI 5:16

Dai gaw n jaw nga a hka! Shanhte sa wa ma ai hte maren bai pru mat wa ma ai. Nbung lu rim hkra shakut ai anhte galaw shakut ai gaw hpa baw akyu hkam la lu na rai ta?

HPAJI NINGLI 5:18

Yu u, Karai Kasang shi hpe jaw da sai aprat kadun mi laman, shi galaw da sai amu hta, lu let, sha let, kabu gara rai ngamu ngamai hkra galaw lu ai wa kadai mung mai kaja htum ai lam rai nga ai hpe ngai mu tam da se ai. Dai gaw masha a gam maka rai nga ai.

HPAJI NINGLI 5:19

Karai Kasang gaw anhte hpe sut gan hte sut rai jaw nga ai, dai hta anhte hpe kabu gara shangun ai rai yang anhte gaw chyeju dum ang ai hte anhte galaw sai amu magam a ngamu ngamai ai hta kabu gara lu na rai ga ai; dai gaw Karai Kasang kaw na kumhpa rai nga ai.

ESAIA 55:2

Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

SHARUNG SHAYAWT 5:2

Anhte a sut gan sali wunli gaw tsasam masha ni a lata de shang mat nna; maigan masha ni mung anhte a dum nta ni hkan e shanu nga ma ai.

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

HOSEA 7:9

dai zawn maigan masha ni hpe shamyet shanat ai gaw shanhte a n-gun hpe hpya sha kau ya na rai nga ma ai hpe n dum n chye nga ma ai. Shanhte a nhtoi hti hkum ni htum mat wa nga ti mung de a lam hpe pyi shanhte n chye nga ma ai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

TARA JAHPRANG 28:43

“Nanhte a mungdan hta nga ai maigan masha ni mahtang daru magam n-gun grau grau rawng wa na mara ai; nanhte chyawm gaw angwi ngwi sha grit mat wa na marin dai.

TARA AGYI 18:10

Nanhte dai de du myit dai shaloi, arai lama mi hpe pyi n tsen ai myit n rawng ai masha ni hpe nanhte sa mu na rai myit dai; dai mung gaw kaba ai mung rai nga ai; masha langai mi shi ra ai lam magup hpe lu la mai ai ga rai nga ai. Karai Kasang gaw dai lamu ga nanhte hpe jaw ya manit dai,” ngu nna htan mu ai.