HPAJI NINGLI 6:12 - Jinghpaw Common Language Bible 2009

¹² Masha a asak gaw shingnip zawn lai mat wa ai rai nna, akyu n rawng nga ai majaw ndai zawn kadun la ai aten hta anhte a matu mai kaja htum ai gaw hpa baw rai nga ai hpe kadai wa kaning rai chye lu na rai ta? Anhte si mat ai hpang mungkan ga hta hpa byin wa na hpe kadai wa kaning rai chye lu na rai ta?

Jinghpaw Hanson Version Bible

¹² Masha gaw, shi kaman lila hkrung nga ai prat tup, shingnip zawn lai mat wa sayang, shi a matu kaja nga ai lam hpa re ai, kadai chye lu a ta? Jan a npu e htawm hpang de hpa byin na ra ai lam, shi hpe kadai tsun lu a ta?

HPAJI NINGLI 6:12 ပူးပေါင်းရင်းမြစ်များ

1 HKAWHKAM LABAU 29:15

O Madu e, anhte a kaji kawa ni hkrum sha ai zawn, bawng dung hkrum ai hte tsasam masha ni hte maren, anhte a asak hkrun lam hpe lai di nga ga ai. Anhte a shani nhtoi ni gaw shingnip zawn lai mat wa nna si hkrung si htan kaw na n lawt lu nga ga ai gaw nang chye nga ndai.

YOBA 14:2

Anhte kaba wa nna nampan ni zawn alawan nyip mat ga ai; shingnip shingna zawn anhte hkoi mat ga ai.

YOBA 14:21

Anhte a kashu kasha ni shagrau sha-a hkrum nga ma ai, rai ti mung de a lam anhte galoi mung n chye ga ai, shanhte kaya hkrum nga ma ai shaloi, anhte tsun hkrum nga ga ai n rai.

YOBA 8:9

Anhte a asak sumri sumdam kadun nga ai, anhte hpa mung n chye ga ai; anhte gaw ginding aga ntsa e shingnip zawn lai mat wa ga ai.

SHAKAWN KUNGDAWN 102:11

Nye a asak gaw jan shang wa yang na shingnip zawn rai nga nna; hkraw ai tsingdu hte bung nga nngai.

SHAKAWN KUNGDAWN 109:23

Shana de na shingnip zawn, ngai wai mat wa magang nga nngai; latung shingtai zawn tsan tsan de shapoi kau ai ngai hkrum nga nngai.

SHAKAWN KUNGDAWN 144:4

Shinggyim masha gaw nsa sa lai nbung hte bung nga ai, shi a nhtoi ni lai mat wa ai shingna zawn rai nga ai.

SHAKAWN KUNGDAWN 16:5

Madu e, ngai lu ai arai yawng mayawng hte gaw na a rai nga ai. nang gaw ngai hta ra kadawn ai lam yawng mayawng hpe mung jaw ya nga ndai; du na ra ai nye a aten ni gaw na a lata hta rai nga ai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

SHAKAWN KUNGDAWN 4:6

“Madu e, anhte hpe chyeju grau nna jaw ya mi; matsan dum ai myit hte anhte hpe mada mara ya mi,” nga nna masha law law wa akyu hpyi nga ma ai.

SHAKAWN KUNGDAWN 47:4

Dai Madu gaw anhte shanu nga na lamu ga hpe anhte a matu lata san ya nga sai; dai gaw shi tsaw ra ai shi a amyu masha ni a gumrawng mai ai sut gan rai nga ai.

SHAKAWN KUNGDAWN 89:47

Nye a asak kade daram kadun nga ai hpe dum nga u; si mat chye ai anhte yawng hte hpe nang hpan da nga ndai hpe mung dum u.

HPAJI NINGLI 10:14

Angawk ai wa gaw ga tut tut atsun nga ai. Hpang e hpa byin wa na ra ai hpe kadai mung n chye lu nga ai; anhte si mat ai hpang, hpa byin wa na lam kadai mung anhte hpe n tsun dan lu nga ai.

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

HPAJI NINGLI 2:24

Anhte galaw lu ai kaja htum ai amu gaw lu lu sha sha hte anhte galaw lu ai amu hta kabu gara na lam sha rai nga ai. Ti mung, dai pyi Karai Kasang kaw na rai nga ai hpe ngai dum hprang nngai.

HPAJI NINGLI 2:3

Hpaji byeng-ya a matu nye a myit ra sharawng ai hku shadut ai hta hkan let, nye a hkum hpe sabyi ntsin hte shapyaw nna mai kaja lam hkam la na nngai ngu daw dan da ni ai. Dai gaw ginding aga ntsa e hkring mi sha asak hkrung ai shinggyim masha ni aten shama kau lu ai kaja htum ai lam rai na re ngu, ngai myit nawn la nngai.

HPAJI NINGLI 3:22

Dai rai nna, anhte galaw lu sai amu hta kabu gara nga ai gaw anhte galaw lu ai kaja htum ai amu rai nga ai hpe ngai dum chye nngai. Anhte galaw lu ai amu hpa mung n nga nga ai. Anhte si mat ai hpang hpa byin wa na lam hpe anhte a matu chye na na lam hpa n nga nga ai.

HPAJI NINGLI 6:11

Aten na na dangrang hkat magang akyu n rawng ai baw law jat magang rai nna nang gaw mai kaja nga ndai n rai.

HPAJI NINGLI 7:15

Nye a asak hkrun lam gaw kaman lila nan rai mat sai, rai ti mung dai hta lam magup hpe ngai mu la se ai. Shanhte n hkru n hkra nga ai hte asak hkrung nga lu yang, mai kaja ai masha ni si mat chye nga ai.

HPAJI NINGLI 8:13

rai ti mung, dai chyawm gaw tara n lang ai wa a matu ngamu ngamai lam rai na ra ai n rai. Shanhte a asak hkrun lam gaw shingnip zawn rai nga ai; Karai Kasang a ga hpe shanhte n madat nga ma ai majaw asak naw kaji yang shanhte si mat na mara ai.”

HPAJI NINGLI 8:7

Anhte kadai mung hpa byin wa na lam n chye ga ai; anhte hpe tsun dan na masha kadai mung n nga nga ai.

HPAJI NINGLI 9:6

Shanhte a tsaw ra ai lam ni, n ju n dawng lam ni hte ra marit ai lam ni yawng gaw shanhte hte rau si mat nga ai. Shanhte gaw ndai mungkan hta byin hkrum hkra ai hpa lam hta mung galoi mung shang lawm lu sana ma ai n rai.

HPAJI NINGLI 9:9

Ndai mungkan ga hta Karai Kasang nang hpe jaw ya sai kaman lila aprat e, nang hkrung nga dingsa nang tsaw ra ai num hte pyaw pyaw rai nga u; Dai ru yak tsin-yam yawng hpe nang shakut malan na rai nga ndai majaw kaman lila nhtoi shagu hta kabu pyaw ai hte nga nga u.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.