HPAJI NINGLI 5:8 - Jinghpaw Common Language Bible 2009

⁸ Up hkang ai ni gaw matsan mayan ni hpe dip gamyet zingri zingrat ai hte teng man rap ra ai tara hpe ningdang kau nna shanhte a ahkaw ahkang ni hpe shanut kau ai hpe nang mu yang hkum yu mau et. Du shagu gaw shi a ntsa na wa a makawp maga la ai hkrum nga ai. Shan lahkawng mung grau tsaw ai du ni a makawp maga la ai naw hkrum nga ai.

Jinghpaw Hanson Version Bible

⁸ Mungdaw hkan e matsan mayan ni hpe zingri zingrat nna, adip arip re ai ni gaw tara lam hte dinghpring ai hpe shanut kau ai nang mu hkrup yang, hkum mau et: kaning rai nme law, tsaw htum ai shara hte grau tsaw nga ai wa langai mi yu matsing nga ai rai nna, shanhte hta grau tsaw ai ni mung rai nga ma ai:

HPAJI NINGLI 5:8 ပူးပေါင်းရင်းမြစ်များ

2 HKAWHKAM LABAU 26:10

Shi gaw bum ga hkan e ngang ai langchyi ni hpe gap da nhtawm, sinna maga de na bum lagaw ni hte pa layang hkan e nga ai yam nga hpung law law nga ai majaw hka lawng law law hpe mung galaw da wu ai. Shi gaw sun hkauna galaw sha ai amu hpe yu sharawng wu ai majaw bum ga hkan e sabyi sun galaw na matu mung, namhpun rawng ai ga hta hkauna galaw na matu mung amyu masha ni hpe n-gun jaw shadut wu ai.

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 55:9

O Madu e, nye a gumlau hpyen ni a tsun shaga ai ga ni hpe shanut kau ya u! Mare kata hta kashun kashe, du daw sai hkaw re ai hte aruk arak nga ai hpe ngai mu nngai;

SHAKAWN KUNGDAWN 82:1

Karai Kasang gaw sumsing lamu na kongsi hpe woi awn nga ai; karai ni a zup hpawng hta shi a daw dan ai lam hpe tsun dan nga ai;

SHAKAWN KUNGDAWN 83:18

Nang chyu sha Madu rai nga ai lam hte ga ntsa ting hta e, Tsaw Htum ai Wa rai nga ai lam hpe shanhte chye na la mu ga law.

SHAKAWN KUNGDAWN 95:3

Kaning rai nme law, Madu gaw Chyahtum Chyalai n-gun rawng ai Karai Kasang, karai ni yawng a ntsa e up nga ai n-gun hte hpring ai hkawhkam wa rai nga ai.

GA SHAGAWP 22:16

Sut gan shalaw na matu, matsan mayan wa hpe dip gamyet da nna sut su ai ni hpe kumhpa nang jaw ai rai yang, nang hkum nan matsan mayan hkrum na ra ai.

GA SHAGAWP 24:12

Nang gaw, dai lam nang hte hpa seng a ta? ngu mai nga ti mung, Karai Kasang gaw na a myit akyang hpe chye nga ai hte jeyang ya nga ai. Shi gaw nang hpe azi yu nga ai majaw shi chye nga ai. Shing rai, shi gaw nang galaw ai amu hte maren, nang hpe kumhpa shagrau na ra ai.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

HPAJI NINGLI 3:16

Dai hta kaga, ndai mungkan ga hta teng man rap ra ai tara hte ding man ai lam nga ang ai shara hta n hkru ai amu hpe nanhte mu myit dai gaw ngai mung yu matsing da nga nngai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

HPAJI NINGLI 5:9

Hkawhkam wa du hkra pyi hkauna hta shamyet shanat nga ai.

HPAJI NINGLI 7:7

Hpaji rawng ai wa marai langai ngai hpe masu hkalem yang, shi gaw angawk ai wa zawn galaw nga ai. Mayun kumhpa la sha ai rai yang, na a arawn alai hpe jahten kau nga ai.

HPAJI NINGLI 8:9

Ndai mungkan ga hta byin nga ai amu ni a lam ngai myit sumru yu yang, masha nkau mi daru magam n-gun rawng nna nkau mi mahtang shanhte a npu hta nni nkri hkrum sha nga ai mungkan rai nga ai hpe ngai mu se ai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

EZEKELA 18:18

Lam maga mi hku tsun ga nga yang, shi a kawa chyawm gaw maw lu maw sha nna adip arip di wu ai hte masha shagu hpe n hkru ai amu tut nawng galaw nga ai. Dai rai nna shi hkum nan shut hpyit kau ai yubak ni a majaw shi si nga ai.

AMO LAIKA (AMOS) 5:12

Nanhte galaw shut kau ai yubak ni gaw kade sha hkrit hpa rai nga ai hte nanhte shut hpyit kau sai ru hka amu ni kade law la nga ai hpe ngai chye nngai. Nanhte gaw mai kaja ai masha ni hpe zingri zingrat di ai, mayun kumhpa ni la ai hte tara rung ni hta matsan masha ni hpe teng man rap ra ai hku n daw dan nga myit dai.

AMO LAIKA (AMOS) 6:12

Gumra ni gaw lunghkrung ntsa hkan e gumlawt hkawm lu nga a ni? Kadai wa panglai hka hpe dumsu hte shawt lu a ni? Ti mung, nanhte gaw teng man rap ra ai tara hpe gung, jaw ai hpe shut ai de kayin kau nga myit dai.

MIHKA 2:9

Nanhte gaw nye a amyu masha num ma ni hpe shanhte myit manoi nga ai dum nta kaw na shaden kau nga myit dai; shanhte a ma kaji ni hpe jaw ya ai nye a htani htana shaman chyeju hpe nanhte hpya kau ya myit dai.

ZEHKARIA 8:6

“Dai gaw ya naw ngam nga ai masha amyu baw a matu n mai byin ai zawn rai nga ti mung nye a matu chyawm gaw mai byin nga ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

LUKA 1:32

Dai wa gaw galu kaba wa na ra ai rai nna, Tsaw Htum ai wa a kasha ngu, shi hkam la la na ru ai; Madu Karai Kasang mung, shi kawa Dawi a tingnyang shi hpe jaw na wu ai.

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

1 PETRU 4:12

Tsaw ra ai ni e, nanhte hta shawoi n byin yu ai baw zawn byin nga ai nanhte hkrum sha nga ai machyi la ai chyam dinglik ai lam hpe hkum mau nga myit.

1 YAWHAN 3:13

Dai rai nna, hpu nau ni e, mungkan masha ni nanhte hpe n dawng n yawt myit yang, hkum mau nga myit.