HPAJI NINGLI 5:6 - Jinghpaw Common Language Bible 2009

⁶ Na n-gup gaw na hkum hpe hkum shut shangun nga et; ngai shut ni ai nga nna Karai Kasang a hkinjawng wa a man e tsun na hkum shapraw et. Karai Kasang hpe hpa majaw masin pawt shangun nga n ta? Nang galaw ai amu hpa majaw shi hpe jahten kau shangun nga n ni?

Jinghpaw Hanson Version Bible

⁶ Na n-gup gaw na hkum hpe hkum shut shangun et; ngai shut ni ai, nga nna lamu kasa a man e tsun na lam hkum shapraw et: Karai Kasang gaw na nsen hpe pawt sindawng nna, na a lata amu hpe hpa majaw jahten na rai ta?

HPAJI NINGLI 5:6 ပူးပေါင်းရင်းမြစ်များ

NINGPAWT NINGHPANG 48:16

Machyi shoichyum ai yawng hta na ngai hpe hkye mawai la sai lamu kasa gaw shan hpe shaman ya u ga law! Nye a mying hte mung, nye a kaji Abraham hte nye wa Isak yan a amying hte mung, ndai ma yan matut nna hkrung nga mu ga law! Shan hta kashu kasha law law mayat maya wa nna amyu matu law law gumja gumhpra rai wa manu ga law!”

GA SHAGAWP 23:17

Yubak kap ai masha ni hpe hkum manawn et; Dai Madu hpe na a asak prat tup hkrit kamyin nga u.

HPAJI NINGLI 10:12

Hpaji rawng ai wa tsun ai ga gaw shi hpe shagrau sha-a hkam la shangun nga ai; rai ti mung angawk ai wa chyawm gaw shi tsun ai ga ni a majaw hten byak nga ai.

HPAJI NINGLI 3:14

Karai Kasang galaw ai amu yawng mayawng gaw htani htana agrin nga ai hpe ngai chye nngai. Dai hta hpa mung galaw jat lu ai n rai; dai kaw na hpa mung shayawm kau mai nga ai n rai. Karai Kasang galaw ai lam langai mi chyawm gaw anhte hpe shi hpe hkrit kamyin shangun nga ai.

JAW JAU 4:2

yubak mara shut hpyit nna dai Madu hkang da sai lam lama ma hpe n dum shami jahten kau hkrup ai kadai mung lawu de na hkang da ai lam ni hkan sa lu na matu Israela amyu masha ni hpe tsun dan na hkang da wu ai.

JAW JAU 4:22

Up hkang du wa gaw dai Madu hkang da ai lam lama ma hpe n dum shami shut hpyit tawt lai nna yubak galaw hkrup ai hte shi a yubak hpe shaloi jang chye ai rai yang,

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

BU HKAWM 15:25

Shanhte n dum shami shut kau ai yubak mara a matu mung, dai Madu hpang de shanhte a htingrai hkungga hpe lusha hkungga zawn la sa ma ai majaw, hkinjawng wa gaw shawa hpung ting a matu jasan jaseng ai amu galaw ya ai hte shanhte mung mara raw dat ai hkrum na mara ai.

1 KORINHTU 11:10

Dai rai nna, lamu kasa ni hpe hkungga ai hku nna numsha gaw tinang a ntsa e madu wa up nga ai ngu ai kumla shapraw na matu shi a baw magap na htuk nga ai.

1 TIMOHTI 5:21

Ndai matsun da ai lam ni hpe myi man n tau, nang galaw sa wa ai lam shagu hta maga ga de n lawm ai sha madat mara hkan sa na matu Karai Kasang hte Hkristu Yesu a man e mung, chyoi pra ai lamu kasa ni a man e mung, ngai nang hpe matsun dat de ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

YAKU 3:2

Anhte nga manga hte gaw ya sha ya sha shut chye ga ai. Rai ti mung masha langai mi gaw, shi tsun shaga ai hta galoi mung n shut ai rai yang gaw, dai wa gaw hkum tsup ai wa rai nna shi a hkum hkrang ting hpe hkang lu ai wa rai nga ai.

2 YAWHAN 1:8

Anhte galaw da ai amu hpe nanhte n shamat kau myit dai sha nanhte a shabrai hpe hpring tsup hkra hkam la lu myit ga, tinang dai sadi nga mu.