HPAJI NINGLI 5:5 - Jinghpaw Common Language Bible 2009

⁵ Ga sadi tawn nna dai hpe n hkan shatup na hta ga sadi hpa mung n jaw ai gaw grau nna kaja nga ai.

Jinghpaw Hanson Version Bible

⁵ Dagam nna rap n raw ai hta, n dagam ai nga na, grau mai nga ai.

HPAJI NINGLI 5:5 ပူးပေါင်းရင်းမြစ်များ

GA SHAGAWP 20:25

Karai Kasang hpang de, shagu hkungga nawng jau na ga sadi garai n hkam la yang, sadi maja let myit sawn yu u; shing n rai yang, hpang e nang shut dum wa na ndai.

JAW JAU 5:4

Masha langai ngai gaw hpa n ra ai nga nna n myit yu ai sha, dagam ai hte ga shaka da kau ai hpang, shi hpa galaw kau hkrup sai lam hpe shaloi jang chye na wa ai rai yang, shi mara lu nga ai.

YONA 2:9

Rai ti mung, ngai chyawm gaw nang hpe mahkawn shakawn na nngai; ngai gaw nang hpe shagu hkungga nawng ya ai hte ngai ga sadi tawn da sai hte maren galaw na we ai. Hkye hkrang la ai lam gaw dai Madu kaw na du sa nga ai!”

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

KASA 5:4

Ga dachyawk hpe nang garai n dut yang na a rai nga ai, dut kau ai hpang mung dai gumhpraw gaw na a rai nga ai. Dai rai yang hpa majaw dai hku galaw na myit daw dan n ta? Nang gaw masha hpe masu ai n rai, Karai Kasang hpe masu kau nu ai,” ngu wu ai.

TARA JAHPRANG 23:21

“Dai Madu nanhte a Karai Kasang hpe ga shaka tawn ai shaloi nanhte a ga sadi hpe n shatup ai hkum rai myit; dai Madu gaw nanhte a ga shaka hpe hpyi na wu ai; dai hpe n galaw shatup ai rai yang, dai gaw yubak rai na rai nga ai.

TARA JAHPRANG 23:22

Dai Madu hta ga shaka n tawn da ai rai yang chyawm gaw yubak n rai nga ai;

TARA AGYI 11:35

Yephta gaw shi hpe mu jang yawn let shi a hpun palawng ni hpe gang je kau nhtawm, “O nye a kasha e! Nang gaw nye a myit masin hpe shadaw ya nga ndai! Na a majaw ngai hpe hpa majaw nchyi nmu shabyin dat n ta? Dai Madu hpe ngai ga sadi shaka kau se ai; dai hpe ngai bai shaw la lu na n rai ni ai!,” ngu nna tsun wu ai.