HPAJI NINGLI 5:16 - Jinghpaw Common Language Bible 2009

¹⁶ Dai gaw n jaw nga a hka! Shanhte sa wa ma ai hte maren bai pru mat wa ma ai. Nbung lu rim hkra shakut ai anhte galaw shakut ai gaw hpa baw akyu hkam la lu na rai ta?

Jinghpaw Hanson Version Bible

¹⁶ Shi gaw shangai wa sai hte maren, hpa n shai ai sha nhtang wa ai lam gaw, yak la ai lam langai mi rai nga ai: nbung hpe lu la hkra, shakut sharang ai gaw, hpa akyu nga a ta?

HPAJI NINGLI 5:16 ပူးပေါင်းရင်းမြစ်များ

GA SHAGAWP 11:29

Tinang a dinghku kata de, ru yak jam jau lam la bang wa ai masha gaw, jahtum e, kaman lila rai na ra ai; angawk ai masha ni gaw hpaji rawng ai wa kaw tut nawng e, shangun ma tai nga na mara ai.

HPAJI NINGLI 1:3

Nang gaw na a asak hkrun lam hta bungli galaw, amu shachyen let aten shama nga ndai, dai amu galaw madun ai majaw nang hpa baw hkam la lu a ta?

HPAJI NINGLI 2:11

Dai hpang, ngai galaw da lu sai amu yawng hte seng ai lam hte dai amu hpe ngai kade ayak ahkak hte galaw da sai hpe mung, ngai myit sawn yu nngai, dai mung hpa lachyum n pru nga ai hpe ngai myit dum nngai. Dai gaw nbung hpe shachyut ai zawn rai nna hpa akyu mi n pru nga ai.

HPAJI NINGLI 3:9

Anhte gaw anhte a amu yawng mayawng kaw na hpa baw lu la na ga ta?

HPAJI NINGLI 5:13

Ndai mungkan ga hta hkrit hpa amu langai naw nga nga ai hpe ngai mu se ai. Masha gaw aten ladaw langai a matu shanhte a gumhpraw hpe mahkawng da ma ai; dai hpe shanhte ra kadawn jang,

ESAIA 26:18

Anhte gaw nchyi nmu hte tsin-yam hkrum lai wa saga ai, rai ti mung anhte gaw kaman sha shangai kau saga ai. Anhte gaw anhte a mungdan a matu awng padang hpa mung n lu la ga ai; anhte gaw hpa mung n lu shangut ga ai.

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

MARKU 8:36

Bai, masha gaw ndai mungkan ting hpe madu lu da nna, tinang a asak wenyi sum mat a yang gaw, shi a matu hpa akyu nga lu ta?

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

1 KORINHTU 16:16

Hpu nau ni e, shing re ai ni a woi awn ai lam hpe mung, shanhte hte rau shingdep shingtau nna amu bungli galaw daw jau nga ai ni a woi awn ai hpe mung, hkap la hkan sa na matu, nanhte hpe ngai hpyi nem dat made ai.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.