HPAJI NINGLI 5:11 - Jinghpaw Common Language Bible 2009

¹¹ Nang sut su wa magang, nang jaw sha na n-gup grau law magang rai nga ai. Nang hkam la lu ai arai yawng mayawng gaw machye machyang hpaji rai nga ai.

Jinghpaw Hanson Version Bible

¹¹ Sutgan law wa yang, sha ai ni mung law wa ma ai: sutgan madu gaw, myi hte mada yu lu ai akyu hta kaga, hpa akyu lu nga a ta?

HPAJI NINGLI 5:11 ပူးပေါင်းရင်းမြစ်များ

NINGPAWT NINGHPANG 12:16

Dai numsha a majaw hkawhkam wa gaw Abram hpe atsawm sha hku la nhtawm shi hpe sagu, bainam, dumsu, lawze, mayam ni hte gawla-uk ni hpe hpung hte hpung jaw ya wu ai.

NINGPAWT NINGHPANG 13:2

Abram chyawm gaw sagu, bainam hte nga dumsu sut hte mung, aja gumhpraw sut hte mung ja ja lu su nga ai.

GA SHAGAWP 23:5

Na a ja gumhpraw gaw singkaw tu wa ai zawn rai nna, galang zawn pyen mat wa na ra ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 2:9

Rai sa, ngai gaw galu kaba nga ni ai, Yerusalem hta shawng nga nga sai ni mahkra hta grau galu kaba nga nngai; nye a hpaji byeng-ya gaw ngai hpe galoi mung hkrat sum shangun ai n rai.

HPAJI NINGLI 5:12

Amu galaw ai wa gaw kaji sha mi sha lu ti mung, law law lu sha ti mung shi yup pyaw nga ai. Sut su ai wa chyawm gaw shi kade mi lu ti mung shi hpe myit ru shangun nga ai.

HPAJI NINGLI 6:9

Dai mung kaman lila rai nga ai; dai gaw nbung hpe shachyut ai zawn rai nga ai. Nang lu ai hta myit dik lu ai gaw arai lama ma hpe tut e ra marit nga ai hta grau kaja nga ai.

YEREMIA 17:11

N ding n man ai hku gumhpraw lu ai wa gaw tinang n di tawn ai udi hpum ai u hte bung nga ai. Shi gaw aprat hpungngang garai n du yang, shi a sut gan ni hpe shamat kau nna, jahtum e, shi gaw hpa mung n re ai angawk angak masha tai mat na ra ai.

HABAKU 2:13

Nanhte padang dip da ai masha amyu baw ni gaw akyu n rawng ai amu magam hta hki ba nga ma ai, shanhte yawng galaw da sai amu ni gaw wan numli hta hkru mat na ra ai. Chyahtum Chyalai N-gun rawng ai dai Madu nan ndai amu galaw nu ai.

1 YAWHAN 2:16

Dinghta ga hte seng ai arai nga manga, hkum shan a kayut ai lam ni, masha ni myi hte mu nna ra marit ai lam ni hte, ndai mungkan na masha ni a gumrawng gumtawng ai hte grang ai lam shagu gaw, gara mung Kawa kaw nna pru ai n rai; dai yawng mayawng gaw dinghta ga kaw na pru ai rai nga ai.