HPAJI NINGLI 5:10 - Jinghpaw Common Language Bible 2009

¹⁰ Nang gumhpraw marin ndai rai yang, galoi mung myit dik lu na ndai n rai; sut su na matu marit nga ai rai yang, nang ra ai arai yawng mayawng galoi mung lu la na ndai n rai; dai mung kaman lila rai nga ai.

Jinghpaw Hanson Version Bible

¹⁰ gumhpraw marin ai wa gaw, gumhpraw hte myit dik lu ai n rai; sut su mayu ai wa gaw, sutgan jat timung, myit dik lu ai n rai: dai mung kaman lila rai nga ai.

HPAJI NINGLI 5:10 ပူးပေါင်းရင်းမြစ်များ

SHAKAWN KUNGDAWN 52:1

Galu kaba ai masha wa e, nang gaw hpa majaw na a n hkru ai lam hta gumrawng nga n ta? Karai Kasang a tsaw ra myit gaw htani htana agrin nga ai.

SHAKAWN KUNGDAWN 52:7

“Yu u, ndai yang e, shi a shim lam a matu Karai Kasang hpe n kam hpa ai sha, de a malai shi a law la ai sut gan hte n hkru n shawp ai amu hta shim lam tam nga ai masha langai mi, nga nga ai,” nga nna tsun ma ai.

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

HPAJI NINGLI 1:17

Machye machyang hpaji hte angawk angak re ai lam hpe mung, hpaji byeng-ya hte myit n su ai lam hpe mung chye ginhka la na matu, ngai daw dan da ni ai. Rai ti mung, dai mung nbung hpe shachyut ai sha rai nga ai hpe ngai mu nngai.

HPAJI NINGLI 1:8

Yawng mayawng gaw hki ba ai de woi sa ai-hki ba ai ngu ai ga gaw nau wa kaba la nga ai. Anhte a myi ni gaw myit dik hkra galoi mung n mu lu nga ai; anhte a na ni na lu na daram galoi mung n na lu nga ai.

HPAJI NINGLI 2:10

Ngai ra ai hpa rai tim ngai lu la lu nngai; myit pyaw lam hpa hpe mung ngai hkum nan ningdang kau nngai n rai. Ngai galaw ai amu magup a majaw ngai gumrawng lu nngai. Dai yawng gaw nye a shagrau kumhpa rai nga li ai.

HPAJI NINGLI 2:11

Dai hpang, ngai galaw da lu sai amu yawng hte seng ai lam hte dai amu hpe ngai kade ayak ahkak hte galaw da sai hpe mung, ngai myit sawn yu nngai, dai mung hpa lachyum n pru nga ai hpe ngai myit dum nngai. Dai gaw nbung hpe shachyut ai zawn rai nna hpa akyu mi n pru nga ai.

HPAJI NINGLI 2:26

Karai Kasang gaw shi awng sharawng ai ni hpe hpaji byeng-ya, machye machyang hte kabu gara ai lam jaw nga ai, rai ti mung shi gaw mara kap ai ni hpe amu galaw shangun ai, asak kan bau shangun ai hte mahkawng da shangun nga ai, shaloi shanhte lu ai arai gaw shi awng sharawng ai ni a lata de jaw ya lu nga ai. Dai yawng mayawng mung kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 3:19

Hpang jahtum e chyawm gaw shinggyim masha hte dusat ni hta byin ai maka gaw maren sha rai nga ai. Kaga wa si ai zawn si nga ai. Shanhte gaw hkrung kanu ni sha rai ma ai. Shinggyim masha gaw dusat hta grau kaja nga ai n rai, hpa majaw nga yang, asak gaw kade a matu mung lachyum n pru nga ai.

HPAJI NINGLI 4:16

Hkawhkam wa up hkang ai masha amyu ni gaw shadawn shadang n nga hkra law nga ai; shi si mat jang, shi galaw ai amu hpe kadai mung chyeju dum na ma ai n rai. Dai mung laman lila rai nga ai. Dai gaw nbung hpe hkan shachyut ai zawn rai nga ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

HPAJI NINGLI 5:9

Hkawhkam wa du hkra pyi hkauna hta shamyet shanat nga ai.

HPAJI NINGLI 6:7

Anhte gaw shahpa lama mi lu hkra nga, anhte a makan amu yawng mayawng hpe galaw shakut ti mung galoi mung hkru kat hkraw ga ai n rai.

MAHTE 6:19

“Manut hte nhkan e sha jahten nhtawm, lagu lagut ni tawk htu nna lagu la lu ai, dinghta ga ntsa e, nanhte a matu sutgan hpe hkum mahkawng da mu.

MAHTE 6:24

“Kadai rai ti mung, madu lahkawng a nchyang n tai lu ai; shi gaw langai mi hpe n dawng nna langai wa hpe tsaw ra na wu ai; langai mi hta sadi dung nna, kaga hpe n kaw n law di na wu ai. Nanhte Karai Kasang hpe mung, mungkan ga a sutgan hpe mung rau chyang lu na myit dai n rai.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

1 TIMOHTI 6:10

Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.