HPAJI NINGLI 4:8 - Jinghpaw Common Language Bible 2009

⁸ Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

Jinghpaw Hanson Version Bible

⁸ Marai langai mi gaw kanawn manang, kashu kasha, kahpu kanau n lu timung, shi a amu n htum hkraw ai hte shi a myi sutgan hpe n yu krem nga ai. Dai rai nna shi gaw Ngai gade a matu shakut sharang ai hte, nji nmu hkrum nga nngai i? nga nna san nga ai: dai mung kaman lila hte hki ba ai amu kaba hkrai rai nga ai.

HPAJI NINGLI 4:8 ပူးပေါင်းရင်းမြစ်များ

NINGPAWT NINGHPANG 2:18

Shaloi dai Madu Karai Kasang gaw, “Dai shinggyim lasha gaw shi hkrai nga na n mai nga ai. Shi hpe karum shingtau na matu ram ging ai nrum ntau langai galaw na we ai,” nga nna tsun ai.

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 39:7

Madu e, ngai gaw kaning re ai hpe myit mada lu na rai nga a ta? Ngai nang hpe myit mada nga nngai.

GA SHAGAWP 27:20

Masha a ra marit ai gaw Katsan ga zawn rai nga nna, dai hta nga shara tut nawng e, law law nga nga ai.

HPAJI NINGLI 1:13

Ngai gaw ndai mungkan ga hta galaw ai amu yawng mayawng hpe sawk yu nna sharin la na ngu, myit daw dan da nngai. Karai Kasang gaw anhte a ntsa e myit daw hten hpa maka jaw da nu ai.

HPAJI NINGLI 1:8

Yawng mayawng gaw hki ba ai de woi sa ai-hki ba ai ngu ai ga gaw nau wa kaba la nga ai. Anhte a myi ni gaw myit dik hkra galoi mung n mu lu nga ai; anhte a na ni na lu na daram galoi mung n na lu nga ai.

HPAJI NINGLI 2:21

Na a hpaji byeng-ya, machye machyang hpaji hte kung kyang ai maka kumla yawng hte arai lama mi hpe nang galaw da ti mung, dai hpe n galaw shakut lawm ai marai langai ngai a lata de nang tawn kau da ya na rai nga ndai. Dai mung kaman lila rai nga ai hte dai amu mung n jaw nga a hka!

HPAJI NINGLI 2:23

Nang hkrung nga dingsa, nang galaw ai lam magup gaw kaman rai nga ai rai ti mung, myit ru ai hte baw machyi ai hkrai rai nga ai. Shana e pyi na a myit ban sa lu ai n rai. Dai yawng mayawng mung kaman lila rai nga ai.

HPAJI NINGLI 4:7

Ngai gaw asak hkrun lam hta hpa asung n shang ai lama mi matsing da ni ai.

HPAJI NINGLI 5:10

Nang gumhpraw marin ndai rai yang, galoi mung myit dik lu na ndai n rai; sut su na matu marit nga ai rai yang, nang ra ai arai yawng mayawng galoi mung lu la na ndai n rai; dai mung kaman lila rai nga ai.

HPAJI NINGLI 5:9

Hkawhkam wa du hkra pyi hkauna hta shamyet shanat nga ai.

ESAIA 5:8

Nanhte gaw dingnye hkrum nga myit dai! Nanhte gaw nanhte hkam la lu sai hta jat nna dum nta ni hte yi sun ni hpe grau mari da nga myit dai. Kade n na yang, dai shara hta marai langai mi nga na shara nga na ra ai n rai, nang chyu sha dai lamu ga hta nga na rai ndai.

ESAIA 55:2

Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

MAHTE 11:28

Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

1 YAWHAN 2:16

Dinghta ga hte seng ai arai nga manga, hkum shan a kayut ai lam ni, masha ni myi hte mu nna ra marit ai lam ni hte, ndai mungkan na masha ni a gumrawng gumtawng ai hte grang ai lam shagu gaw, gara mung Kawa kaw nna pru ai n rai; dai yawng mayawng gaw dinghta ga kaw na pru ai rai nga ai.