HPAJI NINGLI 4:13 - Jinghpaw Common Language Bible 2009

^13-14 Masha gaw matsan nga ai kaw na shi a mungdan hkawhkam tai wa lu nga ai zawn, htawng rawng nga ai kaw na hkawhkam tingnyang de rawt lung wa mai nga ai; rai ti mung shi asak kaba ugut gu ai aten du hkra hpaji jaw ai hpe n chye hkam la ai wa gaw nau wa angawk nga ai; shi gaw matsan tim hpaji machye machyang rawng ai shabrang wa zawn kaja nga ai n rai.

Jinghpaw Hanson Version Bible

¹³ Sharin achyin n chye hkam ai, dingla ugut gu nna, angawk ai hkawhkam wa hta, hpaji byeng-ya rawng ai matsan mayan ma gaw, grau hpu nga ai.

HPAJI NINGLI 4:13 ပူးပေါင်းရင်းမြစ်များ

NINGPAWT NINGHPANG 37:2

Da ndai gaw Yaku a dinghku ginru ginsa lam rai nga ai. Yosep gaw asak 17 ning re ai shabrang ma rai nna, shi a kahpu ni hte mung, shi a kawa a lashi num ni rai nga ai Bila hte Zilhpa yan a shadang sha ni hte mung sagu bainam ni rem wu ai.

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

2 HKAWHKAM LABAU 25:16

Dai lam tsun ai shaloi Amazia gaw, “Nang hpe hkawhkam wa a hpaji jaw hku anhte galoi aten kaw nna san da nga ga ni? Atsin zim rai nga u, shing n rai yang, ngai nang hpe sat kau na ra ai!,” ngu nna ginjang shawn wu ai.

GA SHAGAWP 19:1

Hkalem hkalau ga tsun nna angawk ai wa hta, myit malang nna matsan mayan rai nga na gaw, grau nna kaja nga ai.

GA SHAGAWP 28:6

Ding hpring ai hte matsan mayan hkrum na gaw masu magaw ai hte sut su na hta grau kaja nga ai.

HPAJI NINGLI 4:12

Marai lahkawng gaw marai mi sha htim gasat ai hpe manga kau lu nga ai. Rit sumri masum hte rit da ai sumri hpe gang di kau na yak la ai.

HPAJI NINGLI 7:19

Mare langai a matu up hkang du marai shi jawm galaw lu ai amu hta hpaji byeng-ya rawng ai marai langai mi gaw grau nna galaw lu nga ai.