HPAJI NINGLI 4:10 - Jinghpaw Common Language Bible 2009

¹⁰ Shan hta na langai wa kataw mat yang, kaga langai mi shi hpe karum shadaw ya lu nga ai. Rai ti mung, langai sha nga nna kataw ai rai yang, dai gaw n kaja nga ai; hpa majaw nga yang, kadai mung shi hpe karum shadaw na n nga nga ai.

Jinghpaw Hanson Version Bible

¹⁰ Langai mi kataw yang, langai mi shadaw na ra ai: langai sha nga ai wa kataw yang chyawm gaw, shadaw ai wa n nga nna akyu kata nga ai.

HPAJI NINGLI 4:10 ပူးပေါင်းရင်းမြစ်များ

NINGPAWT NINGHPANG 4:8

Dai hpang Ka-in gaw shi a kanau Abela hpe, “Pa hkan e hkawm chyai ga,” ngu nna tsun wu ai. Pa hkan e shan nga hkawm nga yang, Ka-in gaw shi a kanau hpang de kayin sa nna shi hpe sat kau wu ai.

2 SAMUELA 11:27

Batsheba sharung shayawt ai ladaw lai jang, Dawi gaw masha shangun dat nna hkawhkam hkaw de shi hpe shaga la wu ai. Shi mung Dawi a madu jan tai ai hte shi a matu shadang sha langai shangai ya wu ai. Rai ti mung dai Madu chyawm gaw Dawi galaw kau nu ai amu hpe n yu sharawng nga wu ai.

2 SAMUELA 14:6

Madu e, ngai shadang sha lahkawng lu nngai; lani mi na aten hta shan hpe je la na masha kadai n nga ai pa hkan e ga law ningdang hkat nna gasat hkat ma ai; shaloi langai wa mi gaw kaga langai wa hpe sat kau wu ai.

PRU MAT 32:21

Shi gaw Arun hpe, “Nang shanhte hpe ndai daram hkrit tsang ra ai yubak galaw shapraw shangun na gaw, dai amyu masha ni nang hpe kaning di kau ma ta?,” ngu nna san wu ai.

HPAJI NINGLI 4:11

Kashung ai shaloi, marai lahkawng rau yup yang lum nga ai, rai ti mung nang hkrai rai yang, kaning rai lum lu na rai ta?

HPAJI NINGLI 4:9

Marai lahkawng gaw marai mi hta grau kaja nga ai; hpa majaw nga yang, shan lahkawng rau galaw lu ai amu gaw grau nna tang du nga ai.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

1 HTESALONI 4:18

Dai re ai majaw, ndai ga ni hte shada da shangwi shapyaw n-gun jaw hkat nga mu.

1 HTESALONI 5:11

Ndai lam a majaw, nanhte ya e galaw nga ai hte maren, langai hte langai shada da n-gun jaw hkat ai lam, karum shingtau hkat ai lam agalaw nga mu.

1 SAMUELA 23:16

Yonahtan mung dai yang e nga ai Dawi hpang de sa nhtawm Karai Kasang a makawp maga ai chyeju teng teng hkam la lu na lam, shi hpe n-gun jaw let,