HPAJI NINGLI 4:1 - Jinghpaw Common Language Bible 2009

¹ Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

Jinghpaw Hanson Version Bible

¹ Bai, jan a npu e zingri zingrat ai lam yawng hpe ngai sumru yu nngai: zingri zingrat hkrum ai ni myi prwi pru timung, shalan shabran ai wa n nga ai; zingri zingrat ai ni adip arip di timung, shalan shabran ai wa n nga ai.

HPAJI NINGLI 4:1 ပူးပေါင်းရင်းမြစ်များ

YOBA 16:4

Nang gaw nye a shara hta nga nna ngai mung na a shara hta nga ai rai yang, nang shaga lu ai lam shagu hpe ngai shaga lu nngai. Ngai gaw hpaji hku nna nye a baw hpe ngai kanga lu nngai; ga mawru hte nang hpe marit si shangun nga lu ai.

YOBA 35:9

Amyu masha ni dip gamyet sha hkrum nga ai shaloi, shanhte yawn madai ma ai; shanhte gaw shanhte hpe hkye la na matu marai langai ngai hpe jahtau nga ma ai.

YOBA 6:29

Nanhte gaw grai hpyau manit dai. N teng n man ai hpe jahkring kau mu. Ngai hpe hkum daw dan myit. Ngai gaw ding hpring nga nngai.

YOBA 9:24

Karai Kasang gaw mungkan ga hpe n hkru ai ni a lata hta ap ya nga ai. Shi gaw tara agyi ni yawng hpe myi kyaw kau shangun nga ai. Dai amu hpe Karai Kasang n galaw yang, kadai galaw a ta?

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 142:4

Nye a makau mayang hkan e, ngai yu dat ai shaloi, ngai hpe karum la na masha kadai hpe mung ngai n mu nngai; ngai hpe makawp maga la na masha kadai mung n nga ai. Ngai hpe lanu lahku la na, kadai n nga nga ai.

SHAKAWN KUNGDAWN 142:5

Madu e, karum la na matu, ngai nang hpe jahtau nga nngai; Madu e, nang gaw ngai hpe makawp maga ai wa rai nga ndai; ndai asak hkrun lam hta, ngai ra ai lam yawng mayawng mung nang rai nga ndai.

SHAKAWN KUNGDAWN 42:3

Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

SHAKAWN KUNGDAWN 42:9

“Nang gaw ngai hpe hpa majaw malap kau nga n ni? Nye a gumlau hpyen ni a gumshem ai hta ngai nni nkri hpe hpa majaw matut hkam sha ra nga a ta?,” ngu nna nye a shingbyi shara Karai Kasang hpe ngai tsun ni ai.

SHAKAWN KUNGDAWN 69:20

N kaw n law re ai lam ni gaw nye a myit masin hpe gawng sharun ya nga ai majaw, ngai myit htum nga nngai. Matsan dum la na masha hpe ngai myit mada yu ni ai, rai ti mung, langai mi mung n nga nga ai; myit shalan shabran ya na matu mung, kadai hpe mung ngai n mu lu nngai.

SHAKAWN KUNGDAWN 69:21

Ngai kawsi ai hkrum yang, shanhte ngai hpe gung jaw mi ai; ngai hpang gara ai hkrum yang, shanhte ngai hpe ntsin jahkri jaw lu mi ai.

SHAKAWN KUNGDAWN 80:5

Nang gaw anhte a yawn hkyen ai hpe lusha zawn jaw sha nna; myi prwi hpe gawm kaba hta jaw lu nga ndai.

PRU MAT 1:16

Shi gaw dai yan hpe, “Nan Hebre numsha ni hpe ma shangai karum myit dai shaloi, lasha rai yang dai ma hpe sat kau mu; rai ti mung numsha rai yang chyawm gaw jahkrung da mu,” ngu nna hkang da wu ai.

PRU MAT 1:22

Jahtum e, hkawhkam wa gaw shi a mung masha ni yawng hpe, “Shangai wa sai lasha shagu hte hpe Nila hka nu de kabai bang kau ya mu, rai ti mung numsha ni yawng hpe chyawm gaw jahkrung da ya mu,” ngu nna hkang da ai ga hpe shabra dat wu ai.

GA SHAGAWP 19:7

Matsan mayan re ai masha wa a kahpu kanau ni pyi, shi hpe n ra sharawng ma ai; shi hta manaw manang n lu ai gaw mauhpa n rai. Shi gade wa shakut shaja nna hkan tam tim, kadai hpe mung n lu hku la nga ai.

GA SHAGAWP 28:3

Ahkaw ahkang lu nna, matsan mayan masha ni hpe dip gamyet sha ai wa gaw hkai nmai ni hpe agre jahten kau ya ai marang hte bung nga ai.

GA SHAGAWP 29:2

Ding hpring ai mung du, ngai hpe madun dan e, shaloi ngai nang hpe kabu gara ai amyu masha ni hpe madun dan na we ai. Tara n lang ai mung du, ngai hpe madun dan e, shaloi ngai nang hpe nchyi nmu re ai masha ni hpe madun dan na we ai.

HPAJI NINGLI 3:16

Dai hta kaga, ndai mungkan ga hta teng man rap ra ai tara hte ding man ai lam nga ang ai shara hta n hkru ai amu hpe nanhte mu myit dai gaw ngai mung yu matsing da nga nngai.

HPAJI NINGLI 5:8

Up hkang ai ni gaw matsan mayan ni hpe dip gamyet zingri zingrat ai hte teng man rap ra ai tara hpe ningdang kau nna shanhte a ahkaw ahkang ni hpe shanut kau ai hpe nang mu yang hkum yu mau et. Du shagu gaw shi a ntsa na wa a makawp maga la ai hkrum nga ai. Shan lahkawng mung grau tsaw ai du ni a makawp maga la ai naw hkrum nga ai.

HPAJI NINGLI 7:7

Hpaji rawng ai wa marai langai ngai hpe masu hkalem yang, shi gaw angawk ai wa zawn galaw nga ai. Mayun kumhpa la sha ai rai yang, na a arawn alai hpe jahten kau nga ai.

HPAJI NINGLI 8:9

Ndai mungkan ga hta byin nga ai amu ni a lam ngai myit sumru yu yang, masha nkau mi daru magam n-gun rawng nna nkau mi mahtang shanhte a npu hta nni nkri hkrum sha nga ai mungkan rai nga ai hpe ngai mu se ai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 51:23

Ngai gaw dai hpe nang hpe dip gamyet nga ai ni hpe mung, nmaw lam ni hta nang hpe kaleng shangun nna, nang hpe ga nhpu zawn nawn da ai hte na ntsa e kabye anut lai wa shangun ai ni hpe jaw na nngai.”

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

YEREMIA 16:7

Tinang tsaw ra ai wa si mat ai shaloi, shi hpe shalan shabran na matu kadai mung lu sha na ra ai n rai; shi a kanu yan kawa si mat tim pyi, kadai mung shi a matu matsan dum ai myit madun dan na ra ai n rai.

SHARUNG SHAYAWT 1:16

“Dai re ai majaw, nye a myi ni gaw myi prwi ni hte kabrat nga li ai. Kadai mung ngai hpe shalan shabran lu ai n rai; kadai mung ngai hpe nden marai shajat ya lu ai n rai. Gumlau hpyen gaw ngai hpe ka-up dang kau nu ai; nye a amyu masha ni hpa mung n lu mat manu ai.

SHARUNG SHAYAWT 1:17

“Ngai gaw nye a lata ladawn nngai, rai ti mung kadai mung ngai hpe karum la na ra ai n rai. Dai Madu gaw ngai hpe man grup grup kaw nna gumlang na matu, gumlau hpyen ni hpe shaga da nu ai; Shanhte gaw ngai hpe matsat shabat re ai lama mi zawn di mi ai.

SHARUNG SHAYAWT 1:2

Shi gaw shana tup hkrap nga ai rai nna shi a shabyi hku myi prwi ni lwi hkrat nga ai. Shi a shawng na jinghku ni yawng hta shi hpe shalan shabran na langai mi mung n nga nga ai. Shi a myit hkrum manang ni shi hpe gumle gumlau ai hte ya gaw shi hte nhtan shai nga masai.

SHARUNG SHAYAWT 1:9

Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

AMO LAIKA (AMOS) 3:10

Dai Madu gaw, “Ndai masha ni gaw shanhte a nga shara ni hta ru hka amu hte kashun kashe du daw sai hkaw amu ni hte jahpring da nga ma ai. Shanhte pyi gara hku ding man na lam hpe n chye nga ma ai.

AMO LAIKA (AMOS) 3:9

Egutu hte Ashdod na hkawhkam htingnu ni hta nga ai ni hpe ning ngu tsun ndau mu: “Samari makau grup yin na kawng ni hta hpawng shinggyin ai hte dai shara na kaba ai kabring kabrawng amu hte shut hpyit kau ai ru hka amu ni hpe yu yu mu.”

MALAHKI 2:13

Ndai gaw nanhte galaw ai kaga amu rai nga ai. Nanhte gaw dai Madu a tawn hkungri hpe myi prwi, hkrap ngu hkrap ngoi hte madai nna ka-up da myit dai, hpa majaw nga yang nanhte shi hpang de la sa ai shagu hkungga ni hpe loi mi mung hkap la ai n rai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 26:56

Rai ti mung ndai lam yawng hte byin wa ai chyawm gaw, myihtoi ni ka da ai laika ni dik wa mu ga majaw byin wa sai,” ngu mu ai. Shaloi jang sape ni yawng shi hpe kau da nna hprawng mat wa ma ai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

TARA JAHPRANG 28:48

Dai majaw nanhte hpe ninghkap na matu dai Madu shangun dat ai gumlau hpyen ni hpe mahtang daw jau na rai myit dai; shing rai ra kadawn ai lam shagu hta kawsi hpang gara ai hte singgu krin re ai tsin-yam ahkrum sha nga na rai myit dai. Dai Madu gaw nanhte hten run mat ai aten du hkra nanhte hpe ja ja dip gamyet da na ra ai.

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.

TARA AGYI 4:3

Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.