HPAJI NINGLI 3:8 - Jinghpaw Common Language Bible 2009

⁸ Shi gaw tsaw ra ai aten hte n dawng ai aten hpe mung, majan gasat ai aten hte ngwi pyaw sim sa ai aten hpe mung masat da ya nga ai.

Jinghpaw Hanson Version Bible

⁸ tsawra ai aten hte n dawng n yawt ai aten mung nga ai; hpyen gasat ai aten hte hpyen sim ai aten mung nga ai.

HPAJI NINGLI 3:8 ပူးပေါင်းရင်းမြစ်များ

1 HKAWHKAM 5:4

Rai ti mung, ya chyawm gaw nye a mungdan lamu ga jarit yawng hkan du hkra ngwi pyaw sim sa nga ai lam dai Madu nye a Karai Kasang ngai hpe jaw ya ni ai. Ngai hta gumlau hpyen ni n nga, hkrit hpa gasat gala lam mung n nga mat sai.

2 HKAWHKAM 9:22

Yoram gaw, “Nang gaw ngwi pyaw sim sa ai hte du sa wa nga n ni?,” ngu nna hkap san wu ai. Yehu gaw, “Na nnu Yezebela galaw hpang dat ai hpyi lamum shung sha ai hte hpara sumla nawku ai lai ni yawng nde wa anhte kaw naw nga nga ai rai yang, ngwi pyaw sim sa lam kaning rai lu la mai na rai nga a ta?,” ngu nna htan wu ai.

2 HKAWHKAM LABAU 19:2

Hkawhkam wa hpe sa hkrum na nga, Hanani a kasha myihtoi Yehu sa wa nhtawm, “N hkru ai ni hpe karum nna dai Madu hpe n dawng ai ni a maga de tsap nang ai gaw jaw ai ngu nang myit nawn da wu ni? Nang galaw kau nit dai amu gaw dai Madu a masin kahtet ai lam na a ntsa e du shangun nga nit dai.

SHAKAWN KUNGDAWN 101:3

n hkru n hkra ai lam hpe ngai galoi mung, hkam sharang na nngai n rai. Karai Kasang a man kaw nna myi man kayin mat wa ai ni a shamu shamawt ai lam ni hpe ngai n dawng nga nngai; ngai gaw shanhte hte hpa seng na nngai n rai.

SHAKAWN KUNGDAWN 105:25

Shi gaw Egutu masha amyu ni hpe shi a amyu masha ni hte n ju n dawng shangun nna; shi a shangun ma ni hte hkalem hkalau amu shabyin dat wu ai.

SHAKAWN KUNGDAWN 139:21

Madu e, nang hpe n ju n dawng ai ni hpe ngai mung kade wa n dawng nga a hka! Nang hpe gumlau ai ni hpe mung ngai kade wa matsat nga a hka!

GA SHAGAWP 13:5

Myit malang ai masha ni gaw masu magaw ga ni hpe n dawng nga ma ai; tara n lang ai masha ni a n-gup aga ni gaw kaya kahpa hte sari jahpoi ai hkrum nga ma ai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

LUKA 14:26

“Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

EHPESU 5:25

Madu wa ni e, Hkristu gaw dai hpung hpe tsaw ra nna de a matu asak nawng ya kau wu ai zawn, nanhte a madu jan ni hpe tsaw ra nga mu.

TITU 2:4

Shing rai Karai Kasang a mungga gaw shatan nhkan n hkrum u ga, shanhte mung tinang ni hta asak naw kaji ai hpawmi ni tinang a madu wa hte kashu kasha ni hpe tsaw ra ai,

YAWSHU 11:23

Yawshu gaw dai Madu Mawshe hpe hkang da nu ai hte maren, mungdan ting gasat la nhtawm Israela amyu masha ni hpe shanhte a sali ga hku shi jaw nhtawm amyu bawsang shagu hte hpe sali karan ya wu ai. Dai rai nna, shanhte gaw majan man hta na mung hkring sa la lu ma ai.

SHINGRAN 2:2

Nang galaw sai amu hpe ngai chye nga nngai. Nang gade yak la ai hte galaw sai lam, nang gade hkam sharang sai lam ngai chye nga nngai. Nang gaw n hkru n hkra re ai masha ni hpe ra mi n rai nga shangun lu ndai mung, Kasa n re ai ni kasa rai ga ai nga nna tsun ai kasa hpyi hpun ai ni hpe nang san dinglik yu nna, shanhte masu ai ni re ai lam shadan kau ya lu ndai mung, ngai chye nga nngai.