HPAJI NINGLI 3:20 - Jinghpaw Common Language Bible 2009

²⁰ Shan lahkawng gaw shara langai mi de sha sa mat wa nna ga nhpu tai mat na mara ai. Shan lahkawng yan gaw ga nhpu kaw na pru wa nhtawm ga nhpu de bai shang mat wa nga ma ai.

Jinghpaw Hanson Version Bible

²⁰ Yawng hte gaw shara langai sha hta, du na mara ai; yawng hte gaw ga nhpu na rai nga ai hte ga nhpu de bai nhtang wa na mara ai.

HPAJI NINGLI 3:20 ပူးပေါင်းရင်းမြစ်များ

NINGPAWT NINGHPANG 25:17

Ishmaela si mat ai shaloi shi a asak latsa e sumshi sanit ning rai nga wu ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

YOBA 14:10

Rai ti mung anhte gaw si mat ai hte dai gaw anhte a hpang jahtum na lam rai nga ai; anhte si mat ga ai, anhte kanang e rai nga ga ai kun?

YOBA 14:14

Masha gaw si wa yang, shi bai hkrung wa lu a ni? Rai ti mung, ru yak tsin-yam tsindam hkrum ai ndai aten htum mat ai aten du hkra ala nga let grau mai kaja ai aten ladaw ni hpe la nga na nngai.

YOBA 17:13

Nye a myit mada shara gaw katsan ga sha rai nga ai, dai nsin shara hta ngai yup kaleng taw nga na nngai.

YOBA 30:24

Nang gaw hten run mat sai wa hpe hpa majaw gasat nga n ta? Shi gaw matsan dum la na matu hpyi nem ai hta kaga hpa naw galaw lu a ta?

YOBA 34:15

hkrung mahkrung shagu gaw si mat wa nna, ga nhpu de nhtang mat wa na mara ai.

YOBA 7:9

Sumwi hkoi mat nna mat mat ai zawn, anhte shinggyim masha ni mung si mat wa nna, galoi mung nhtang wa ai n rai; anhte hpe chye yu sai ni anhte hpe malap kau na ma ai.

SHAKAWN KUNGDAWN 103:14

Anhte hpe hpa hte galaw da nga ai hpe shi chye nga ai; anhte ga nhpu ni rai nga ga ai hpe shi dum nga ai.

SHAKAWN KUNGDAWN 104:29

Nang myi man kayin mat wa ai shaloi, dai ni hkrit nga ma ai; dai ni a nsoi nsa ni hpe, nang dawm la kau ya ai shaloi, shanhte si wa nna, shanhte pru wa ai ga nhpu kaw nna dai ga nhpu de bai nhtang mat wa ma ai.

SHAKAWN KUNGDAWN 49:14

Shanhte gaw sagu ni zawn si na matu dingnye lu ma ai, Si du gaw shanhte hpe rem ai sagu rem wa rai na ra ai. Shanhte a hkum tsawp ni gaw shanhte a dum nta hte tsan ai Katsan ga kaw alawan yat mat wa yang; dai ding hpring ai masha ni gaw shanhte hpe padang dip lu na mara ai.

HPAJI NINGLI 12:7

Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

HPAJI NINGLI 3:21

Masha a wenyi gaw ntsa de lung wa nna dusat a wenyi gaw ga de yu mat wa ai ngu nna kadai wa hkrak tsun lu nga a ni?

HPAJI NINGLI 6:6

shaning hkying lahkawng ning hkrung nga lu ti mung, kabu gara ai asak hkrun lam hpe galoi mung n hkam la lu ai wa hta chyawm gaw grau nga ai. Hpang jahtum e shan gaw shara mi de sha sa mat wa na mara ai.

HPAJI NINGLI 7:2

Pyaw hpa poi de sa lawm na hta sharung shayawt nga ai nta de sa na mahtang grau kaja nga ai, hpa majaw nga yang, si hkrung si htan gaw anhte yawng hpe ala nga ai rai nna hkrung nga ai ni tinang hkum hpe nan tut nawng shadum ang mai nga ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

Daniela 12:2

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

BU HKAWM 27:13

Dai hpe nang mada la ngut jang, na a nhpu Arun zawn si na rai ndai; hpa majaw nga yang, Zin Nam Mali e nan lahkawng nye a hkang da ai ga hpe gumlau kau myit dai.