HPAJI NINGLI 3:2 - Jinghpaw Common Language Bible 2009

² Shi gaw shangai aten hte si aten hpe mung, gat hkai ai aten hte baw kau ai aten hpe mung,

Jinghpaw Hanson Version Bible

² shangai ai aten hte si wa na aten mung nga ai; gat hkai ai aten hte gat hkai ai hpe baw kau na aten mung nga ai;

HPAJI NINGLI 3:2 ပူးပေါင်းရင်းမြစ်များ

NINGPAWT NINGHPANG 17:21

Rai ti mung htaning ndai aten hta e, Sara shangai na ra ai shadang sha Isak hte mahtang nye a ga shaka hpe shagrin da na nngai,” ngu nna tsun wu ai.

NINGPAWT NINGHPANG 47:29

Yaku gaw si wa na nhtoi ni wa jang, shi a kasha Yosep hpe shaga la nhtawm shi hpe, “Na a lata nye a magyi lapran hta shawn bang nna ngai hpe Egutu mung e n lup makoi da na matu dagam shaka u.

1 HKAWHKAM 13:2

dai Madu a hkang da ai ga hta hkan sa na matu, tawn hkungri hpe ning ngu nna myihtoi wa htawn tsun wu ai: “O tawn hkungri e, Tawn hkungri e, dai Madu tsun ai ga gaw da ndai rai nga ai. Yoshia ngu ai ma langai mi Dawi a dinghku hta shangai wa na ra ai. Shi gaw tara maigan tawn hkungri hta na a matu shagu hkungga nawng ya let daw jau amu gun hpai ya nga ai hkinjawng ni hpe sat nawng ya nna masha a nrut nra ni hpe mung nang hpe nat nawng ya na ra ai.”

2 HKAWHKAM 4:16

Elisha gaw dai numsha hpe, “Htaning ndai aten hta, na a lata hta shadang sha lu pawn na rai ndai,” ngu nna tsun wu ai. Dai numsha gaw, “Oh! madu e, chyeju hte ngai hpe hkum masu et. Nang gaw Karai Kasang a masha langai mi rai nga ndai!,” ngu nna tsun wu ai.

YOBA 14:14

Masha gaw si wa yang, shi bai hkrung wa lu a ni? Rai ti mung, ru yak tsin-yam tsindam hkrum ai ndai aten htum mat ai aten du hkra ala nga let grau mai kaja ai aten ladaw ni hpe la nga na nngai.

YOBA 14:5

Anhte a asak sumri sumdam hpe jau jau daw dan da ya nga sai- anhte gaw shata law law nga lu na ra ai. Nang gaw dai aten ladaw ni hpe masat da ya nga ndai majaw dai gaw galai shai mat wa lu ai n rai.

YOBA 7:1

Shinggyim masha a asak gaw hpyen amu galaw shadut hkrum ai zawn mung, lata amu galaw shaja ai asak hkrun lam zawn mung,

SHAKAWN KUNGDAWN 113:9

Shi gaw maudung num dum nta hta dai jan hpe shagrau sha-a nna; kashu kasha shaprat shangun ai hte kabu gara shangun nga ai. Dai Madu hpe shakawn mu!

SHAKAWN KUNGDAWN 52:5

Dai majaw, Karai Kasang gaw nang hpe htani htana jahten sharun kau na ra ai; shi gaw nang hpe na a nta kaw nna gang gare la na ra ai. Shi nang hpe asak hkrung nga ai ni shanu nga ai mungkan ga kaw nna la kau na ra ai.

GA SHAGAWP 24:27

Na a yi hkauna makan amu ni hpe shajin ngut nna, kam lu ai kan bau bungli hpe garai n lu dingsa, na a nta hte dinghku hkum gaw gap et.

ESAIA 28:24

Hkauna galaw ai ni gaw shanhte a yi hkauna ni hpe tut nawng galau ai n rai; hkai lu na matu jin jin a galaw da nga ai n rai.

ESAIA 38:1

Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai Madu nang hpe tsun nga ai,” ngu nna tsun wu ai.

ESAIA 38:5

“Dai Madu na a nji nwa Dawi a Karai Kasang ngai gaw na a akyu hpyi ga hpe na ni ai; na a myi prwi ni hpe mu ni ai; ngai nang hpe asak shi manga ning jat ya na nngai.

ESAIA 54:1

Yerusalem e, nang gaw maudung num zawn rai nga ndai, rai ti mung, ya chyawm gaw nang mahkawn mangoi lu nna, kabu gara jahtau lu nga ndai. Ya chyawm gaw, madu wa galoi mung n kau da yu ai numsha hta pyi grau nna kashu kasha lu na rai ndai.

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

YEREMIA 45:4

“Rai ti mung, dai Madu ngai nan ngai gaw gap da ai hpe run kau na nngai; ngai hkai da ai hpe baw kau na nngai. Ndai zawn re ai amu hpe ga ntsa ting hta ngai galaw na we ai.

MAHTE 13:41

Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

MAHTE 15:13

Yesu gaw, “Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

LUKA 1:13

Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

LUKA 1:20

Yu u, dai ahkying du yang dik wa na ra ai nye a ga sadi hpe nang n kam ndai majaw, dai amu byin ai du hkra, ga n tsun lu ai ma-a na rin dai,” ngu nna shi hpe tsun wu ai.

LUKA 1:36

Dai hta kaga, yu u, na a amyu jan Elisabet mung, gumgai rai sayang, shadang sha na-um na sin hkum rai nga nna, maudung num ngu nna shamying hkrum ai jan hta ya shata kru rai wa sai.

YAWHAN 16:21

Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai.

YAWHAN 7:30

Shaloi shanhte gaw shi hpe rim la na maw ma ai, rai ti mung shi a ahkying garai n du lu ai majaw, gade e mung shi hpe n rim lu mu ai.

KASA 7:17

Ya Karai Kasang gaw Abraham hpe jaw da ai ga ndat hpe shadik shatup na aten ni wa magang yang, Egutu mung e Israela amyu masha ni law htam kaba wa ma ai.

KASA 7:20

Dai aten hte yang Mawshe shangai wa ai rai nna shi gaw ahpraw nsam grai tsawm ai ma rai nga ai. Shata masum tup nta e bau maka da ai hkrum wu ai,

GALATI 4:4

Rai ti mung aten ladaw gu jang Karai Kasang gaw shi a kasha hpe shangun dat wu ai; anhte gaw Karai Kasang e kasha yin la ai chyeju hkam la lu u ga,

TARA JAHPRANG 34:5

Dai rai nna dai Madu gaw shi hpe tsun nu ai hte maren, dai Madu a shangun ma kasa Mawshe gaw Moba mung dai shara e si mat sai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.

1 SAMUELA 2:5

Lang mi hkru hkru kat kat nga lai wa sai amyu masha ni lusha tam na matu, ya jang, shanhte nan nchyang shang nga masai, rai ti mung kawsi hpang gara ai ni kawsi hpang gara galoi mung hkrum na mara ai n rai. Dai maudung dung ai madu jan gaw kasha sanit shangai nu ai, rai ti mung law law a kanu chyawm gaw kasha langai mung n nga mat nga ai.