HPAJI NINGLI 3:19 - Jinghpaw Common Language Bible 2009

¹⁹ Hpang jahtum e chyawm gaw shinggyim masha hte dusat ni hta byin ai maka gaw maren sha rai nga ai. Kaga wa si ai zawn si nga ai. Shanhte gaw hkrung kanu ni sha rai ma ai. Shinggyim masha gaw dusat hta grau kaja nga ai n rai, hpa majaw nga yang, asak gaw kade a matu mung lachyum n pru nga ai.

Jinghpaw Hanson Version Bible

¹⁹ Kaning rai nme law, shinggyim masha ni hta byin ai gaw, ashu ashan ni hta mung byin nga ai; shanhte gaw lam langai sha hkrum nna, langai mi si ai zawn, kaga mung si nga ai; yawng hte gaw nsoi nsa langai sha rawng nga ai rai nna, masha wa gaw ashu ashan hta grau ai n rai: yawng hte gaw kaman lila rai nga ai.

HPAJI NINGLI 3:19 ပူးပေါင်းရင်းမြစ်များ

2 SAMUELA 14:14

Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.

SHAKAWN KUNGDAWN 104:29

Nang myi man kayin mat wa ai shaloi, dai ni hkrit nga ma ai; dai ni a nsoi nsa ni hpe, nang dawm la kau ya ai shaloi, shanhte si wa nna, shanhte pru wa ai ga nhpu kaw nna dai ga nhpu de bai nhtang mat wa ma ai.

SHAKAWN KUNGDAWN 49:12

Masha a galu kaba ai lam gaw si ai kaw nna shi hpe n lu hkum da nga ai; shi gaw dusat ni zawn naw si wa na ra ai.

SHAKAWN KUNGDAWN 49:13

Shanhte a hkum ni hpe kam hpa nga ai ni hta hpa byin wa na lam hte shanhte a sut gan ni hta myit dik dum nga ai ni a gam maka hpa rai na re ai hpe yu yu mu.

SHAKAWN KUNGDAWN 49:20

Masha a galu kaba ai lam gaw si ai kaw nna, dai ni hpe n lu hkum da nga ai; Shi gaw dusat ni zawn naw si wa na ra ai.

HPAJI NINGLI 1:14

Ngai gaw ndai mungkan ga ting hta galaw da ai amu magup shagu hte hpe mu ni ai; ngai nang hpe tsun de ga, dai yawng mayawng gaw kaman lila rai nga ai. Dai gaw nbung hpe shachyut ai zawn rai nga ai.

HPAJI NINGLI 1:17

Machye machyang hpaji hte angawk angak re ai lam hpe mung, hpaji byeng-ya hte myit n su ai lam hpe mung chye ginhka la na matu, ngai daw dan da ni ai. Rai ti mung, dai mung nbung hpe shachyut ai sha rai nga ai hpe ngai mu nngai.

HPAJI NINGLI 2:14

Hpaji chye ai ni gaw shanhte gara de sa wa nga ai hpe mu lu ma ai, angawk ai ni chyawm gaw mu lu ai n rai.” Rai ti mung anhte yawng a matu ala nga ai hpang jahtum na lam gaw maren rai nga ai hpe ngai chye nngai.

HPAJI NINGLI 2:16

Kadai mung hpaji rawng ai ni hpe dum ai n rai; kadai mung angawk angak ni hpe dum ai n rai. Anhte yawng gaw htawm hpang prat e malap kau hkrum na ni hkrai rai nga ga ai. Anhte yawng gaw hpaji rawng ai wa hte angawk ai wa zawn maren sha si ra na ga ai.

HPAJI NINGLI 7:2

Pyaw hpa poi de sa lawm na hta sharung shayawt nga ai nta de sa na mahtang grau kaja nga ai, hpa majaw nga yang, si hkrung si htan gaw anhte yawng hpe ala nga ai rai nna hkrung nga ai ni tinang hkum hpe nan tut nawng shadum ang mai nga ai.

HPAJI NINGLI 9:12

Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

HPAJI NINGLI 9:2

Dai gaw hpa mung galai shai shangun nga ai n rai. Ding man ai hte tara n lang ai, kaja ai hte n kaja ai, nawku kam sham ai hte n kam n sham ai, shagu hkungga ni hpe nawng jau ai ni hte n nawng jau ai ni a jahtum na maka gaw maren sha rai nga ai. Mai kaja ai wa gaw yubak kap ai wa hta grau kaja nga ai n rai; dagam shaka ai wa gaw n dagam shaka ai wa hta grau kaja nga ai n rai.

BU HKAWM 16:29

Ndai amyu masha ni Karai Kasang jaw ai ari hpa mung n hkrum sha ai sha, shingra htung tara hku si ma ai rai yang, dai Madu ngai hpe shangun dat nga ai n rai.