HPAJI NINGLI 3:18 - Jinghpaw Common Language Bible 2009

¹⁸ Anhte gaw dusat ni hta pyi grau nna n kaja nga ga ai lam anhte hpe madun dan na matu, Karai Kasang anhte hpe chyam dinglik yu nga ai hpe ngai daw dan se ai.

Jinghpaw Hanson Version Bible

¹⁸ Bai ngai gaw, Shinggyim masha ni ashu ashan hte bung nga ai hpe, shanhte nan chye lu hkra, Karai Kasang shanhte hpe chyam yu nga ai majaw, ning rai nga ai, nga nna nye a kraw e sumru yu nngai.

HPAJI NINGLI 3:18 ပူးပေါင်းရင်းမြစ်များ

YOBA 15:16

Anhte gaw n hkru ai amu hpe hka zawn lu ga ai; rai sa, anhte gaw hten mat chye ga ai; anhte gaw manu n dan ga ai.

YOBA 40:8

Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

SHAKAWN KUNGDAWN 49:12

Masha a galu kaba ai lam gaw si ai kaw nna shi hpe n lu hkum da nga ai; shi gaw dusat ni zawn naw si wa na ra ai.

SHAKAWN KUNGDAWN 49:14

Shanhte gaw sagu ni zawn si na matu dingnye lu ma ai, Si du gaw shanhte hpe rem ai sagu rem wa rai na ra ai. Shanhte a hkum tsawp ni gaw shanhte a dum nta hte tsan ai Katsan ga kaw alawan yat mat wa yang; dai ding hpring ai masha ni gaw shanhte hpe padang dip lu na mara ai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

SHAKAWN KUNGDAWN 73:22

dusat zawn ngai angawk mat wa ai hte na a myit ra ai lam hpe mung ngai n chye na mat nngai.

ROMA 3:4

Shing n rai law! Masha shagu masu magaw ai ni rai ma ti mung, Karai Kasang gaw sadi dung nga na sha rai nga ai. Dai Chyum Laika hta, “Na a ga gaw nang ding hpring nga ai hpe madun lu na rai nna nang tara dara hkrum yang awng dang lu na rai ndai,” nga nna ka da ai hte maren rai nga ai.

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.

1 PETRU 1:24

Dai gaw Chyum Laika hta, “Shinggyim masha amyu baw yawng gaw tsingdu zawn rai nga ai; shanhte a hpung shingkang yawng mung nam na nampan pu hte bung nga ai. Dai tsingdu gaw nyui mat wa nna nampan pu ni run hkrat mat ma ai.

2 PETRU 2:12

Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.