HPAJI NINGLI 3:17 - Jinghpaw Common Language Bible 2009

¹⁷ Ngai gaw nye hkum hpe, “Karai Kasang gaw ding man ai hte n hkru ai amu hpe mung jeyang na ra ai, hpa majaw nga yang, amu shagu, arawn alai shagu gaw shi a masat da ai aten hta byin wa na ra ai,” ngu nna tsun nngai.

Jinghpaw Hanson Version Bible

¹⁷ Shaloi ngai gaw, Maw mawn ai lam shagu hte amu bungli shagu a matu, san da ai aten rai nga ai majaw, Karai Kasang gaw dinghpring ai wa hte tara n lang ai wa hpe dawdan na ra ai, nga nna nye a kraw e tsun nngai.

HPAJI NINGLI 3:17 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

HPAJI NINGLI 1:16

Ngai gaw nye hkraw e, “Ngai gaw nye a shawng e Yerusalem hpe up nga ai ni kadai hta mung hpaji byeng-ya grau lu la ai hte galu kaba ai masha langai tai wa ni ai. Hpaji byeng-ya hte machye machyang hpaji gaw teng teng hpa rai nga ai hpe ngai chye ni ai,” ngu nna tsun ni ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 12:14

Karai Kasang gaw anhte galaw ai amu magup hpe kaja ai rai ti mung, n kaja ai rai ti mung, makoi magap da ai amu ni hpe pyi, jeyang na ra ai.

HPAJI NINGLI 2:1

Kabu gara ai lam hpe ngai nan ra sharawng ai hte mu tam la na matu daw dan da nngai. Rai ti mung dai mung kaman lila rai nga ai hpe ngai mu ni ai.

HPAJI NINGLI 3:1

Ndai mungkan hta byin ai lam yawng mayawng gaw Karai Kasang lata ai aten ladaw hta byin nga ai.

HPAJI NINGLI 8:6

Lam magup hpe galaw na matu jaw hkrak ai ahkying aten hte mai ang lam nga nga ai, rai ti mung, anhte mahtang kachyi mi sha she chye nga ga a hka!

Daniela 11:40

“Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

Daniela 12:4

Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

Daniela 12:9

Shi gaw, “Daniela e, nang ya jang sa wa lu na rai ndai. Ndai ga ni hpe ip da ra nga ai majaw hpang jahtum ai aten du hkra makoi da ra nga ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

YAWHAN 5:22

Kawa gaw kadai hpe mung tara n dara ai sha, tara dara ai ahkang ma hkra Kasha wa hpe ap ya nu ai.

KASA 1:7

Yesu gaw, “Wa gaw shi a ahkaw ahkang hte daw dan masat da ai aten ahkying ladaw hpe nanhte chye lu na ahkang n nga ai,” ngu nna tsun mu ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 KORINHTU 5:10

Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.

1 HTESALONI 5:1

Hpu nau ni e, ndai lam ni byin wa na ra ai aten hte ahkying ladaw galoi rai na lam nanhte hpe ka dat shara n nga ai.

SHINGRAN 11:18

Na a pawt sindawng ai aten ladaw mung, si ai ni hpe tara dara na aten ladaw mung, ya aten hta du ra ai majaw, masha amyu ni n yun bu nga masai. Na a shangun ma myihtoi ni hpe mung, na a amyu masha ni hpe mung, nang hpe hkrit hkungga ai kaji kaba ni hpe mung, shabrai shagrau sha-a na aten hte lamu ga hpe jahten shabyak kau ai ni hpe jahten shabyak kau na nhtoi du ra ai law!,” nga nna tsun nga ma ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.