HPAJI NINGLI 3:14 - Jinghpaw Common Language Bible 2009

¹⁴ Karai Kasang galaw ai amu yawng mayawng gaw htani htana agrin nga ai hpe ngai chye nngai. Dai hta hpa mung galaw jat lu ai n rai; dai kaw na hpa mung shayawm kau mai nga ai n rai. Karai Kasang galaw ai lam langai mi chyawm gaw anhte hpe shi hpe hkrit kamyin shangun nga ai.

Jinghpaw Hanson Version Bible

¹⁴ Karai Kasang galaw ai lam yawng mayawng htani htana prat dingsa agrin nga ai hpe, ngai chye nngai: dai hta hpa mung galaw jat lu ai, n rai, hpa mung shayawm lu ai, n rai; shinggyim masha ni shi a man e hkrit gari nga na lam, Karai Kasang dai hpe galaw da nu ai.

HPAJI NINGLI 3:14 ပူးပေါင်းရင်းမြစ်များ

2 SAMUELA 22:31

Karai Kasang gaw shi a amu gade sha hkum tsup nga ai hte shi tsun ai ga ni gade sha kam hpa mai nga a hka! Shi a makawp maga lam hkan tam ai ni yawng a matu shi gaw ninggang langai zawn rai nga ai.

SHAKAWN KUNGDAWN 33:11

Rai ti mung, shi a yaw shada ai lam ni gaw htani htana agrin nga ai; shatawng shada ai lam ni mung prat dingsa anga nga ai.

SHAKAWN KUNGDAWN 64:9

Shanhte yawng hte gaw hkrit wa na mara ai rai nna, Karai Kasang hpa galaw da sai lam hpe shanhte myit aru yu na mara ai hte shi a amu bungli lam hpe tsun hkai dan na mara ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

GA SHAGAWP 30:6

Shi galoi mung n tsun yu ai lam lama mi hpe, shi tsun nu ai ngu nna hkrak tsun ai rai yang chyawm gaw nang masu ai wa rai nga ai hpe, shi madun nna nang hpe daru sharin na ra ai,”

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

HPAJI NINGLI 5:6

Na n-gup gaw na hkum hpe hkum shut shangun nga et; ngai shut ni ai nga nna Karai Kasang a hkinjawng wa a man e tsun na hkum shapraw et. Karai Kasang hpe hpa majaw masin pawt shangun nga n ta? Nang galaw ai amu hpa majaw shi hpe jahten kau shangun nga n ni?

HPAJI NINGLI 5:7

Nang yup mang kade mi mu ti mung, nang galaw ai amu kade mi akyu n rawng ti mung, nang kade mi ga shaga ti mung, nang gaw Karai Kasang hpe naw hkrit hkungga lu na rai ndai.

HPAJI NINGLI 7:18

Ladu shalai ai lam ni hpe koi yen u. Nang Karai Kasang hpe hkrit kamyin ai rai yang, lam maga ga hku nna awng dang lu na rai ndai.

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

Daniela 8:8

Dai bainam gaw grau grau nna shakawng shakat nga ai; rai ti mung shi n-gun atsam an nga yang, shi a nrung daw mat nga ai. De a shara hta laklai dan dawng ai nrung mali tu pru wa nna dai ni gaw kaga ga de madun dan nga ma ai.

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

KASA 5:39

Karai Kasang kaw na rai yang chyawm gaw nanhte hpya jahten kau lu na n rai; nanhte gaw Karai Kasang hpe ninghkap ai lam sha tai na myit dai,” ngu mu ai. Yuda kongsi hpawng gaw Gamale a hpaji jaw ai hpe hkap la ma ai.

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

EHPESU 3:11

Karai Kasang gaw shi a htani htana shatawng shada ai lam nga ai hte maren anhte a Madu Yesu a marang e ndai lam hpe shi shabyin nu ai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

TITU 1:2

Dai Nawku htung gaw htani htana asak hpe myit mada ai lam hta npawt de da nga ai. Masu magaw n chye ai Karai Kasang gaw, moi chyaloi nhkoi kaw nna htani htana asak anhte hpe jaw na matu ga ndat jaw da mani ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.