HPAJI NINGLI 3:1 - Jinghpaw Common Language Bible 2009

¹ Ndai mungkan hta byin ai lam yawng mayawng gaw Karai Kasang lata ai aten ladaw hta byin nga ai.

Jinghpaw Hanson Version Bible

¹ Yawng mayawng a matu du hkra ladaw nga nna, sumsing lamu npu e ra mara matu aten nga nga ai:

HPAJI NINGLI 3:1 ပူးပေါင်းရင်းမြစ်များ

2 HKAWHKAM 5:26

Rai ti mung Elisha gaw, “Nang hte hkrum na nga, shi a leng kaw nna dai masha wa yu wa ai shaloi dai yang e wenyi hta ngai n nga ai zawn nawn da wu ni? Ya aten gumhpraw hte hpun palawng ni, tsanlun sun, sabyi sun, sagu hte dumsu yam nga ni hte shangun ma ni hpe hkap la na aten n rai nga ai law!

2 HKAWHKAM LABAU 33:12

Shi nni nkri hkrum wu ai majaw shagrit shanem ai myit hte dai Madu shi a Karai Kasang hpang de kayin wa nhtawm hpyi nem wu ai.

GA SHAGAWP 15:23

Ra ahkyak ai aten hta ra ahkyak ai ga hpe tsun shaga lu ai gaw gade wa kabu gara shara rai nga a hka!

GA SHAGAWP 24:27

Na a yi hkauna makan amu ni hpe shajin ngut nna, kam lu ai kan bau bungli hpe garai n lu dingsa, na a nta hte dinghku hkum gaw gap et.

HPAJI NINGLI 1:13

Ngai gaw ndai mungkan ga hta galaw ai amu yawng mayawng hpe sawk yu nna sharin la na ngu, myit daw dan da nngai. Karai Kasang gaw anhte a ntsa e myit daw hten hpa maka jaw da nu ai.

HPAJI NINGLI 2:17

Dai rai nna, asak hkrun lam hta ru yak tsin-yam tsindam hkrum hkra ai hta kaga lam magup gaw nye a matu kaman lila hkrai rai nga ai majaw nye a matu hpa lachyum n pru nga ai. Dai ni yawng gaw kaman lila hkrai rai nga sai; ngai mung nbung hpe hkan shachyut kau ni ai.

HPAJI NINGLI 2:3

Hpaji byeng-ya a matu nye a myit ra sharawng ai hku shadut ai hta hkan let, nye a hkum hpe sabyi ntsin hte shapyaw nna mai kaja lam hkam la na nngai ngu daw dan da ni ai. Dai gaw ginding aga ntsa e hkring mi sha asak hkrung ai shinggyim masha ni aten shama kau lu ai kaja htum ai lam rai na re ngu, ngai myit nawn la nngai.

HPAJI NINGLI 3:17

Ngai gaw nye hkum hpe, “Karai Kasang gaw ding man ai hte n hkru ai amu hpe mung jeyang na ra ai, hpa majaw nga yang, amu shagu, arawn alai shagu gaw shi a masat da ai aten hta byin wa na ra ai,” ngu nna tsun nngai.

HPAJI NINGLI 7:14

Nang ngamu ngamai wa ai shaloi, kabu gara nga u; ru yak tsin-yam tsindam hkrum ai shaloi, Karai Kasang gaw kabu gara ai hte ru yak tsin-yam tsindam lahkawng yan hpe dat da nga ai hpe dum u; hpang e, hpa baw bai byin wa na hpe nang galoi mung n chye nga ndai.

YEREMIA 46:17

“Egutu hkawhkam wa hpe, ‘Shi a Ahkaw Ahkang Hpe Ginlut Kau Ai Garu Shakawng Shakat Wa,’ ngu nna mying nnan langai shamying ya ma ai.

MAHTE 16:3

Bai, jahpawt manap jau e lamu hkyeng nna sin nga ai rai yang, ‘Lamu marang wa na ra ai, nga nna nanhte tsun ga myit dai.” Shing rai, lamu a man hpe yu nna lamu marang a lam hpe nanhte chye tau tsun lu myit dai, rai ti mung ndai prat na aten a kumla ni hpe n chye htai ginhka la myit dai.