HPAJI NINGLI 2:8 - Jinghpaw Common Language Bible 2009

⁸ Ngai up ai mungdan a hkawhkam sut rai ni hta na aja, gumhpraw hpe mung sumpum da nngai. Numsha lasha ni gaw ngai hpe shapyaw ya na matu mahkawn mangoi ma ai. Lasha langai yu ra lu ai numsha ni yawng mung ngai lu nngai.

Jinghpaw Hanson Version Bible

⁸ aja gumhpraw mung, hkawhkam ni a sutgan hte mungdaw ni hta na hkansi hpe ngai mahkawng da nngai; mahkawn mangoi chye ai, la rai timung, num rai timung, ngai shaga la nna, masha hpe chye shapyaw ai numdung hte lashi num law law lu nngai.

HPAJI NINGLI 2:8 ပူးပေါင်းရင်းမြစ်များ

2 SAMUELA 19:35

Ngai gaw asak matsat shi ning du nga sali ai; dai rai yang, pyaw hpa lam loi mi mung ngai hpe jaw ya lu sana n rai; lu ai sha ai mung chye chyim lu na n rai; yu ngwi shayi shadang sha ni a mahku nsen ni hpe na lu na nngai n rai. Ngai mahtang madu hkawhkam hpe lit mi a shali she rai na ra ai law.

1 HKAWHKAM 10:10

Shi gaw Hkawhkam Shawlumon hpe shi la sa ai ja tan manga daram, manam pyaw ai namji namya hte lungseng law law jaw ya wu ai. Hkawhkam Shawlumon hpe shi sak jaw ai dai manam pyaw ai baw namji namya gaw hkawhkam wa gara aten galoi mung lu la yu ai kumhpa hta grau law htum rai nga ai.

1 HKAWHKAM 10:14

Hkawhkam Shawlumon a laning mi hta lu la ai aja gaw tan 25 jan rai nga ai;

1 HKAWHKAM 10:21

Shawlumon a ntsin du lu ai gawm ni yawng hpe aja hte galaw da nga ai; Lebanon Nam Maling a htingnu hta lang ai wan ni yawng ja jet hkrai rai nga ai, gumhpraw hpe n lang da nga ai; Shawlumon a prat e gumhpraw gaw hpa manu n dan ai zawn nawn da mu ai.

1 HKAWHKAM 11:3

Shawlumon gaw hkawhkam shayi sha sanit tsa hte hpe hkungran la ai hta lashi num ni masum tsa mung naw lu wu ai. Shanhte gaw shi hpe Karai Kasang kaw nna kayin mat wa shangun nhtawm,

1 HKAWHKAM 14:27

Dai ni a malai Hkawhkam Rehoboam gaw magri mang ninggang ni hpe galaw nhtawm hkawhkam htingnu chyinghka ni hpe sin na lit lu ai du salang ni a lata de ap ya wu ai.

1 HKAWHKAM 9:14

Hiram chyawm gaw Shawlumon hpang de ja tan manga daram shagun dat ya wu ai.

1 HKAWHKAM 9:28

Shanhte gaw Ohpira mung de li jawn sa nhtawm Shawlumon hpang de ja tan shi kru daram la wa ya mu ai.

1 HKAWHKAM LABAU 25:1

Hkawhkam Dawi hte Lewi ningbaw ni gaw nawku daw jau ai amu hpe woi awn na Lewi lakung lama ni hpe lata san da ma ai; dai ni gaw Asap, Heman hte Yeduhtun ni rai ma ai. Shanhte gaw tingse sumpyi hte shupsheng ni hte hkan dum nang let Karai Kasang a mungga hpe htawn tsun ma ai. Ndai gaw nawku woi na matu hte hpung shagu na daw jau amu baw hpan gun hpai na matu lata san da hkrum ai masha ni a mying jahpan rai nga ai.

1 HKAWHKAM LABAU 25:6

Shi a shadang sha ni yawng gaw shanhte a kawa matsun madun ai npu hta Nawku Htingnu e nawku daw jau ai shaloi tingse madum sumpyi hte shupsheng ni hkan dum nang ma ai. Dai rai nna Asap, Yeduhtun hte Heman ni gaw hkawhkam a hkang da ai ga hte maren galaw ma ai.

2 HKAWHKAM LABAU 9:11

Shawlumon gaw Nawku Htingnu hte hkawhkam htingnu a lakang ni a matu dai hpun ni hpe lang wu ai; mahkawn mangoi ai ni a matu dawraw tingse galaw ai hta mung lang nga ai. Yuda mung hta dai hte bung ai hpun shawng de galoi mung n mu yu nga ai.)

HPAJI NINGLI 1:2

Dai gaw kaman lila, kaman lila, rai nga ai nga nna sumru ninghkrin wa tsun nga ai. Asak hkrun lam gaw kaman lila rai nga ai, yawng mayawng kaman lila rai nga ai.

Daniela 3:15

Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

Daniela 3:5

Nanhte gaw pahtau nsen hte rau pahke, tingse, sumpyi, chyingbau hte dawraw hkan dum nang ai nsen ni hpe na lu na rai myit dai. Dai madum sumpyi ni hpe dum hpang dat ai shaloi jang, Hkawhkam Nebuhkadneza shadun da ai hkrang sumla hpe nanhte gum dagup nna nawku lu na rai myit dai.

Daniela 3:7

Dai rai nna shanhte gaw dai madum sumpyi nsen na ai shaloi jang, masha amyu baw ni, amyu bawsang ni hte ga amyu myu shaga ai ni gaw Hkawhkam Nebuhkadneza shadun da nu ai ja hkrang sumla hpe gum dagup let nawku ma ai.

AMO LAIKA (AMOS) 6:5

Nanhte gaw Dawi galaw sai zawn mahkawn mangoi ka shagawp na hte tingse sumpyi dum na ra sharawng nga myit dai.