HPAJI NINGLI 2:6 - Jinghpaw Common Language Bible 2009

⁶ Ngai gaw dai ni hpe hka shalen jaw na matu nawng ni htu da nngai.

Jinghpaw Hanson Version Bible

⁶ hkai da ai hpun maling ni hpe ntsin jaw na matu hka lawng mung galaw da nngai:

HPAJI NINGLI 2:6 ပူးပေါင်းရင်းမြစ်များ

NEHEMIA 2:14

Dai hpang mare a sinpraw maga, Hka Hpawk Chyinghka hte hkawhkam wa a Hka Lawng nga ai dingdung maga de ngai sa wa nngai. Shaloi ngai jawn nga ai lawze a matu, wut shingyun lai lam kaga n mu tam lu sai,

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

NEHEMIA 3:15

Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.

NEHEMIA 3:16

Betzura ginwang ka-ang hkup up ai Azbuk a kasha Nehemia gaw dai hte yep kaw nna Dawi a lup, hka lawng hte hpyen dap nta ni de du hkra galaw nga ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

Shawlumon A Mahkawn Ga 7:4

Na a du gaw magwi kawng langchyi hte bung nga ai. na a myi ni gaw Heshbon mare dai mare kaba a chyinghka makau na hka lawng ni hte bung nga ai. Na a ladi gaw tsawm htap nga nna Damasku mare sin ai Lebanon langchyi hte bung nga ai.

YEREMIA 17:8

Shi gaw hka kau e tu nga ai hpun hte bung nna, hka de ru hkram sa wa nga ai. Ginhtawng ta du ai shaloi, kahtet kang ai hpe shi hkrit ai n rai; hpa majaw nga yang, de a hpun lap ni naw tsit lali nga ai; Marang n htu ai shaloi mung shi hta tsang shara hpa mung n nga nga ai; asi mung tut nawng asi nga ai.