HPAJI NINGLI 2:5 - Jinghpaw Common Language Bible 2009

⁵ Ngai gaw shat mai sun ni hte namsi namsaw sun ni hta namsi hpun amyu hkum sumhpa hkai sharing da nngai;

Jinghpaw Hanson Version Bible

⁵ shat mai sun ni, yu chyai sun ni ngai hpajang da nna, namsi hpun amyu myu hkai sharing da nngai:

HPAJI NINGLI 2:5 ပူးပေါင်းရင်းမြစ်များ

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

Shawlumon A Mahkawn Ga 4:12

Nye a nja jan, nye a num nnan e, nang gaw makoi magap da ai sun, shakum kum ai sun hte madu da sai hka hpawk rai nga ndai;

Shawlumon A Mahkawn Ga 4:13

dai yang hkan e hkai bawng ni tu kaba wa nga ai. Dai ni gaw hkainu si hpun tu ai namsi sun zawn kaba wa nna kaja htum ai asi ni si nga ai. Nardu hte kayau ai hena hpun,

Shawlumon A Mahkawn Ga 4:16

Dingdung nbung e rawt u. Dingda nbung e nye a sun de manam pyaw bat hte hpring ai nbung bung wa u ga. Nye a tsaw ra ai wa shi a sun de sa wa nna, dai sun na kaja htum ai asi sha lu u ga.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

Shawlumon A Mahkawn Ga 6:2

Nye a tsaw ra wa gaw balsam hpun tu ai shi a sun de sa mat wa nu ai. Shi gaw yam nga hpung hpe sun hta e ushat jaw nna hka law pan ni hpe di shinggyin la nga ai.

YEREMIA 39:4

Hkawhkam Zedekia hte shi a share shagan hpyen masha ni mahkra dai byin nga ai masa hpe mu ma ai shaloi, shanhte gaw dai shana jang mare kaw nna hprawng pru mat wa na matu shakut nga ma ai. Shanhte gaw hkawhkam wa a sun de sa wa ai lam hku pru mat wa nhtawm bunghku lahkawng hpe matut da ai lapran chyinghka lam hku Yawdan Kadit de hprawng mat wa ma ai.