HPAJI NINGLI 2:4 - Jinghpaw Common Language Bible 2009

⁴ Ngai gaw amu kaba ni shangut ni ai. Ngai hkum nan nta ni gap ai hte sabyi sun ni hkai da ni ai.

Jinghpaw Hanson Version Bible

⁴ Ngai gaw amu kaba hpajang da nngai: nta ni gap da nngai; tsabyi sun ni hkai da nngai:

HPAJI NINGLI 2:4 ပူးပေါင်းရင်းမြစ်များ

NINGPAWT NINGHPANG 11:4

Shanhte gaw, “Lamu dep langchyi hte mare langai mi hpe anhte jawm galaw ga, shaloi anhte a matu amying gumhkawng shangun lu nna ga ntsa ting hta anhte n bra mat na ga ai,” ngu nna tsun ma ai.

2 SAMUELA 18:18

Absalom chyawm gaw shi a prat tup hta shi a mying matut hkrung nga na matu shi hta shadang sha n lu nga sai majaw, Hkawhkam Kadit shara e shi hkum nan a matu masat dingsat shadaw langai hpe gaw da wu ai. Dai rai nna dai hpe shi nan mying shamying da wu ai majaw, dai ni du hkra dai gaw Absalom a masat dingsat ngu nna gumhkawng nga ai.

1 HKAWHKAM 15:19

“Anhte a kawa ni zawn anhte mung jinghku tai nga ga law. Ndai aja, gumhpraw gaw na a matu kumhpa rai nga ai. Dai rai nna nang hte jinghku ga shaka shagrin da nga ai Israela Hkawhkam Basha a ga shaka hpe ya jang run kau u; shaloi nye a mung daw kaw na shi a hpyen hpung ni hpe dawm la kau na ra ai.”

1 HKAWHKAM 9:1

Hkawhkam Shawlumon gaw Nawku Htingnu hpe mung, hkawhkam htingnu hpe mung, shi galaw mayu ai arai yawng mayawng hpe galaw ngut jang,

2 HKAWHKAM LABAU 26:10

Shi gaw bum ga hkan e ngang ai langchyi ni hpe gap da nhtawm, sinna maga de na bum lagaw ni hte pa layang hkan e nga ai yam nga hpung law law nga ai majaw hka lawng law law hpe mung galaw da wu ai. Shi gaw sun hkauna galaw sha ai amu hpe yu sharawng wu ai majaw bum ga hkan e sabyi sun galaw na matu mung, namhpun rawng ai ga hta hkauna galaw na matu mung amyu masha ni hpe n-gun jaw shadut wu ai.

2 HKAWHKAM LABAU 8:11

Shawlumon gaw shi a madu jan rai nga ai Egutu hkawhkam a shayi sha hpe Dawi a Mare kaw nna shi a matu gap da ya ai nta de htawt la wu ai. Shi gaw, “Ga Shaka Sumpu tawn da ai shara gaw Chyoi Pra nga ai majaw hkawhkam jan gaw Israela Hkawhkam Dawi a hkawhkam htingnu hta nga lu na n rai,” ngu nna tsun wu ai.

SHAKAWN KUNGDAWN 49:11

Shanhte gaw shanhte a lamu ga ni hpe kalang mi madu da yu sai ni rai nga ma ti mung; shanhte a lup sung hku ni gaw shanhte a htani htana dum nta rai nga ma ai; shanhte gaw dai shara hta aten tup rawng nga ma ai.

Shawlumon A Mahkawn Ga 1:14

Nye a tsaw ra wa gaw Engedi sabyi sun ni hta pu ai nam nampan ni hte bung nga ai.

Shawlumon A Mahkawn Ga 7:12

An gaw jahpawt jau rawt nna sabyi ru tu wa, n tu wa ai hpe mung, pu majawm, n majawm ai hpe mung, hkainu si hpun ni pu ai, n pu ai hpe mung sa mada yu ga. Dai yang e, nye a tsaw ra myit nang hpe ap ya na de ai.

ESAIA 5:1

Ndai mahkawn ga, na a matu ngai mahkawn nga yang madat la u. dai gaw nye manang a mahkawn hte shi a sabyi sun a lam rai nga ai: Nye a manang wa gaw namhpun grai kaja ai kawng langai a ntsa e sabyi sun langai lu ai.

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.