HPAJI NINGLI 2:23 - Jinghpaw Common Language Bible 2009

²³ Nang hkrung nga dingsa, nang galaw ai lam magup gaw kaman rai nga ai rai ti mung, myit ru ai hte baw machyi ai hkrai rai nga ai. Shana e pyi na a myit ban sa lu ai n rai. Dai yawng mayawng mung kaman lila rai nga ai.

Jinghpaw Hanson Version Bible

²³ Shi gaw shi a prat tup yawn hkyen ai hkrum sha nna, shi a amu bungli ni ruyak ai hkrai rai nga ai; gaja wa shana e pyi shi myit awai lu ai n rai. Dai mung kaman lila rai nga ai.

HPAJI NINGLI 2:23 ပူးပေါင်းရင်းမြစ်များ

NINGPAWT NINGHPANG 3:17

Shi gaw lasha hpe mung, “Na madu jan a ga hpe nang madat nna, hkum sha ngu nna ngai tsun da ai hpun hta na asi hpe nang sha kau nit dai. Nang galaw kau nit dai amu a majaw aga gaw dagam dala hkrum na ra ai. Nang hkrung nga ai hte yang bungli shaja sha ra nna na a matu lusha hpe mung dai hta alaw alam galaw shapraw ra na ndai.

NINGPAWT NINGHPANG 47:9

Yaku gaw, “Bu htawt hkawm ai nye a prat gaw latsa e sumshi ning tup na mat sali ai; dai shaning ni gaw nye a kaji kawa ni a shaning galu bu hkawm ai zawn n re ai sha, kadun ai hte yak la nga li ai,” ngu nna tsun dan wu ai.

ESHTA 6:1

Hkawhkam wa gaw dai shana e n lu yup ai rai nna mungdan e tara shang labau gawn ka matsing da ai ni la shapraw nhtawm shi hpe hti dan na hkang da wu ai.

YOBA 14:1

Anhte yawng gaw n-gun kya ai hte shangai wa nna matsan mayan hkrum ai ni hkrai rai nga ga ai. Yawng gaw aprat kadun nna ruyak tsin-yam tsindam hte hpring ai asak hkrun lam hkrai rai nga ai.

YOBA 5:7

Teng teng n rai a hka! wan num-ya ni ntsa de kaja wa poi lung wa ai zawn, anhte gaw tinang a matu ru yak tsin-yam tsindam jahkrum la nga ga ai.

SHAKAWN KUNGDAWN 127:2

Jahpawt manap jau jau rawt nna, shana aten lai hkra kan bau makan amu a matu, hki ba let galaw ti mung kaman lila rai nga ai. Hpa majaw nga yang, dai Madu gaw shi tsaw ra ai ni hpe naw yup nga yang pyi, shanhte hta ra nga ai lam ni hpe jaw ya nga ai.

SHAKAWN KUNGDAWN 32:4

Madu e, nang ngai hpe shani shana ari jaw nit dai; ginhtawng ta na kang kahtet ai a majaw, madi manyap shara ni hkun hkraw mat wa ai zawn, nye a n-gun atsam mung tsep kawp htum mat nga sali ai.

SHAKAWN KUNGDAWN 90:15

Anhte nni nkri hkrum sha nga ai shaning ni yawng hte hta nang anhte hpe jaw ya sai yawn hkyen hkrum shangun ai daram anhte hpe ya e, kabu gara ai lam jaw ya mi.

HPAJI NINGLI 1:13

Ngai gaw ndai mungkan ga hta galaw ai amu yawng mayawng hpe sawk yu nna sharin la na ngu, myit daw dan da nngai. Karai Kasang gaw anhte a ntsa e myit daw hten hpa maka jaw da nu ai.

HPAJI NINGLI 1:18

Nang hpaji grau chye magang, grau nna myit ru magang rai nga ai; nang grau nna chye na magang, dai gaw grau nna nni nkri hkrum magang rai nga ai.

HPAJI NINGLI 2:11

Dai hpang, ngai galaw da lu sai amu yawng hte seng ai lam hte dai amu hpe ngai kade ayak ahkak hte galaw da sai hpe mung, ngai myit sawn yu nngai, dai mung hpa lachyum n pru nga ai hpe ngai myit dum nngai. Dai gaw nbung hpe shachyut ai zawn rai nna hpa akyu mi n pru nga ai.

HPAJI NINGLI 5:12

Amu galaw ai wa gaw kaji sha mi sha lu ti mung, law law lu sha ti mung shi yup pyaw nga ai. Sut su ai wa chyawm gaw shi kade mi lu ti mung shi hpe myit ru shangun nga ai.

HPAJI NINGLI 5:17

Anhte gaw nsin kata e nga nga ga ai rai nna yawn hkyen ai, myit ru myit tsang ai, masin pawt ai hte machyi makaw hkrai hkrum sha nga ga ai.

HPAJI NINGLI 8:16

Ngai gaw hpaji chye ai wa tai wa lu hkra shakut ai hte ndai mungkan ga hta hpa byin wa nga ai hpe sharin la ai aten shagu, shani shana n lu yup ai hpe ngai dum chye nngai.

Daniela 6:18

Dai hpang hkawhkam wa gaw shi a hkawhkam htingnu de nhtang mat wa nna, lana mi n lu yup ai sha nga shalai kau wu ai; shat lusha mung n sha, shangwi shapyaw ai lam hpa mung n hkam la nga wu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.