HPAJI NINGLI 2:22 - Jinghpaw Common Language Bible 2009

²² Nang gaw amu galaw ai hte na a asak hkrun lam ting hta myit ru ai hte de a matu madun dan na nang hpa lu a ta?

Jinghpaw Hanson Version Bible

²² Masha gaw jan a npu e amu galaw ai mahkra hte, shi a myit shakut sharang ai lam a majaw, hpa akyu lu la a ta?

HPAJI NINGLI 2:22 ပူးပေါင်းရင်းမြစ်များ

SHAKAWN KUNGDAWN 127:2

Jahpawt manap jau jau rawt nna, shana aten lai hkra kan bau makan amu a matu, hki ba let galaw ti mung kaman lila rai nga ai. Hpa majaw nga yang, dai Madu gaw shi tsaw ra ai ni hpe naw yup nga yang pyi, shanhte hta ra nga ai lam ni hpe jaw ya nga ai.

GA SHAGAWP 16:26

Amu galaw ai wa a n-gup namta gaw shi hpe bungli grau shaja shangun nga ai; hpa majaw nga yang, shi gaw shi a kawsi ai hpe jahkru shakat mayu nga ai majaw rai nga ai.

HPAJI NINGLI 1:3

Nang gaw na a asak hkrun lam hta bungli galaw, amu shachyen let aten shama nga ndai, dai amu galaw madun ai majaw nang hpa baw hkam la lu a ta?

HPAJI NINGLI 2:11

Dai hpang, ngai galaw da lu sai amu yawng hte seng ai lam hte dai amu hpe ngai kade ayak ahkak hte galaw da sai hpe mung, ngai myit sawn yu nngai, dai mung hpa lachyum n pru nga ai hpe ngai myit dum nngai. Dai gaw nbung hpe shachyut ai zawn rai nna hpa akyu mi n pru nga ai.

HPAJI NINGLI 3:9

Anhte gaw anhte a amu yawng mayawng kaw na hpa baw lu la na ga ta?

HPAJI NINGLI 4:6

Dai hku mung mai byin nga ai, rai ti mung dai gaw ngwi pyaw sim sa ai myit kachyi mi lu ai gaw lata lahkawng hte aten tup amu galaw ai hta grau kaja nga ai. Dai gaw nbung hpe hkan rim shakut ai rai nga ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

HPAJI NINGLI 5:17

Anhte gaw nsin kata e nga nga ga ai rai nna yawn hkyen ai, myit ru myit tsang ai, masin pawt ai hte machyi makaw hkrai hkrum sha nga ga ai.

HPAJI NINGLI 8:15

Dai rai nna, anhte gaw anhte hkum nan kabu gara ang nga ga ai ngu nna ngai myit hkawn nngai, hpa majaw nga yang, anhte gaw ndai asak hkrun lam hta lu lu sha sha rai nna anhte hkum nan kabu pyaw nga ga ai. Ndai mungkan ga hta Karai Kasang anhte hpe jaw da sai asak hkrung nga ai laman magam amu anhte galaw ra ai zawn yawm dik ndai amu hpe anhte galaw lu nga ai.

MAHTE 16:26

Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

MAHTE 6:11

Anhte hta ra ai lusha, dai ni anhte hpe jaw mi;

MAHTE 6:25

“Dai rai nna ngai nanhte hpe tsun made ai gaw, asak hkrung nga lu na matu hpa lu hpa sha na, shing n rai hkum hkrang a matu hpa bu hpa hpun na lam hkum tsang myit; dai asak gaw lu sha hta, hkum hkrang gaw hpun palawng ni hta grau hpu ging nga ai n rai ni?

MAHTE 6:34

Dai rai nna, hpawt ni na matu myit hkum tsang myit; hpawt ni na hte seng ai myit tsang ai lam ni gaw hpawt ni na matu law nga ai. Lani mi na ru tsang ai gaw, dai shani na matu ram nga ai.

LUKA 12:22

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

LUKA 12:29

“Dai majaw nanhte hpa lu hpa sha na, ung ang ai myit hkum rawng myit:

1 KORINHTU 16:16

Hpu nau ni e, shing re ai ni a woi awn ai lam hpe mung, shanhte hte rau shingdep shingtau nna amu bungli galaw daw jau nga ai ni a woi awn ai hpe mung, hkap la hkan sa na matu, nanhte hpe ngai hpyi nem dat made ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

1 TIMOHTI 6:8

Dai rai nna anhte gaw lusha hte hpun palawng ni lu nga ga yang gaw, dai hte myit dik nga ga.

1 PETRU 5:7

Nanhte a myit tsang ai nlang hte hpe shi hta kabai ap da mu; hpa majaw nga yang shi gaw nanhte hpe lanu lahku tsang ya nga ai.