HPAJI NINGLI 2:21 - Jinghpaw Common Language Bible 2009

²¹ Na a hpaji byeng-ya, machye machyang hpaji hte kung kyang ai maka kumla yawng hte arai lama mi hpe nang galaw da ti mung, dai hpe n galaw shakut lawm ai marai langai ngai a lata de nang tawn kau da ya na rai nga ndai. Dai mung kaman lila rai nga ai hte dai amu mung n jaw nga a hka!

Jinghpaw Hanson Version Bible

²¹ Kaning rai nme law, marai langai mi hpaji byeng-ya, chye chyang ai hte maka kumla chye shapraw timung, dai amu hta hpa n shakut lawm ai wa a matu htawng da ya ang ai majaw, dai mung kaman lila hte yubak kaba rai nga ai.

HPAJI NINGLI 2:21 ပူးပေါင်းရင်းမြစ်များ

2 HKAWHKAM LABAU 34:2

Shi gaw dai Madu awng sharawng ai amu galaw nna shi a kaji kawa Hkawhkam Dawi a kasi hkan nang wu ai majaw Karai Kasang a tara yawng mayawng hte hpe ja ja madat mara nga ai.

2 HKAWHKAM LABAU 35:18

Myihtoi Samuela a prat kaw nna ndai zawn re ai Shalai wa Ai Poi galoi mung garai n galaw yu nga ai. Hkawhkam Yoshia, hkinjawng ni, Lewi masha ni hte Yuda, Israela hte Yerusalem mare masha ni galaw ai ndai zawn re ai Shalai wa Ai Poi shawng de na hkawhkam ni kadai mung n galaw yu ma ai.

SHAKAWN KUNGDAWN 39:7

Madu e, ngai gaw kaning re ai hpe myit mada lu na rai nga a ta? Ngai nang hpe myit mada nga nngai.

SHAKAWN KUNGDAWN 49:10

Hpaji chye chyang ai masha ni rai ti mung, angawk angak re ai hte mana ai masha ni du hkra pyi, si ai hpe n lai lu ai gaw, kadai mung chye lu nga ai. Shanhte yawng gaw shanhte a sut gan ni hpe shanhte a matu mara ni a matu, htawng da ya nga ai.

SHAKAWN KUNGDAWN 49:11

Shanhte gaw shanhte a lamu ga ni hpe kalang mi madu da yu sai ni rai nga ma ti mung; shanhte a lup sung hku ni gaw shanhte a htani htana dum nta rai nga ma ai; shanhte gaw dai shara hta aten tup rawng nga ma ai.

HPAJI NINGLI 2:20

Dai rai nna, ngai grai shakut shaja let galaw kau ai amu a majaw yu lahpawt dum kau nngai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

HPAJI NINGLI 9:18

Hpaji byeng-ya gaw hpyen laknak ni hta grau kaja nga ai; rai ti mung yubak kap ai wa mahtang mai kaja ai amu law law hpe jahten kau lu nga ai.

YEREMIA 22:15

Kaga hpun ni hta grau kaja tsawm ai arit hpun nta ni hpe nang gaw gap da ndai majaw, dai gaw nang hpe grau kaja ai hkawhkam shatai a ni? Na a nwa gaw hkum tsup ai asak hkrun lam hta kabu gara lu nu ai. Shi gaw tut nawng e teng man ai hte rap ra nga nna, shi galaw ai amu yawng mayawng hta ngamu ngamai nga wu ai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.