HPAJI NINGLI 2:19 - Jinghpaw Common Language Bible 2009

¹⁹ dai wa gaw hpaji rawng ai wa mung mai byin nga ai, shing n rai shi gaw angawk ai wa mung mai byin nga ai-kadai chye lu a ta? Ti mung, shi gaw ngai galaw da sai amu magup hpe mung, ndai mungkan ga hta nye a matu ngu nna nye a hpaji byeng-ya hte ngai tam da ai arai magup hpe madu la na ra ai. Dai yawng mayawng mung kaman lila rai nga ai.

Jinghpaw Hanson Version Bible

¹⁹ dai wa gaw hpaji rawng na kun, angawk ai wa tai na kun, kadai chye lu a ta? Rai timung, jan a npu e nye a hpaji byeng-ya hte ngai shangut ai magam bungli mahkra a ntsa e shi up na ra ai: dai mung kaman lila hkrai rai nga ai.

HPAJI NINGLI 2:19 ပူးပေါင်းရင်းမြစ်များ

1 HKAWHKAM 11:43

Shi si mat sai rai nna Dawi a Mare hta shi hpe lup makoi da nga ai; shi a hkang hta kasha Rehoboam hkaw dung nga ai.

1 HKAWHKAM 12:13

Hkawhkam wa gaw asak kaba sai masha ni a hpaji jaw ga hpe hpa n sawn kau ya ai sha,

HPAJI NINGLI 2:11

Dai hpang, ngai galaw da lu sai amu yawng hte seng ai lam hte dai amu hpe ngai kade ayak ahkak hte galaw da sai hpe mung, ngai myit sawn yu nngai, dai mung hpa lachyum n pru nga ai hpe ngai myit dum nngai. Dai gaw nbung hpe shachyut ai zawn rai nna hpa akyu mi n pru nga ai.

HPAJI NINGLI 2:20

Dai rai nna, ngai grai shakut shaja let galaw kau ai amu a majaw yu lahpawt dum kau nngai.

HPAJI NINGLI 3:22

Dai rai nna, anhte galaw lu sai amu hta kabu gara nga ai gaw anhte galaw lu ai kaja htum ai amu rai nga ai hpe ngai dum chye nngai. Anhte galaw lu ai amu hpa mung n nga nga ai. Anhte si mat ai hpang hpa byin wa na lam hpe anhte a matu chye na na lam hpa n nga nga ai.

HPAJI NINGLI 9:13

Ngai gaw lam lama mi naw nga nga ai hpe mu nngai. Hpaji byeng-ya gaw mai kaja ai kasi rai nna ndai mungkan ga hta hkungga ging nga ai.

LUKA 16:8

Ndai zawn, bawnu shachyai nna hpaji hte chye galaw ai majaw, madu gaw kunhting wa hpe shakawn wu ai, hpa majaw nga yang, ndai mungkan ga a kashu kasha ni gaw, shanhte a mungkan amu magam lam galaw gun hpai sa wa ai hta, nhtoi hte seng ai kashu kasha ni hta grau nna hpaji rawng nga ma ai.”

1 TIMOHTI 6:10

Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.