HPAJI NINGLI 2:16 - Jinghpaw Common Language Bible 2009

¹⁶ Kadai mung hpaji rawng ai ni hpe dum ai n rai; kadai mung angawk angak ni hpe dum ai n rai. Anhte yawng gaw htawm hpang prat e malap kau hkrum na ni hkrai rai nga ga ai. Anhte yawng gaw hpaji rawng ai wa hte angawk ai wa zawn maren sha si ra na ga ai.

Jinghpaw Hanson Version Bible

¹⁶ Kaning rai nme law, hpaji byeng-ya rawng ai wa hpe rai timung, angawk ai wa hpe rai timung, htawm hpang e kadai dum nga ai n rai; ya byin nga ai amu hpe htawm hpang prat e malap kau ai hkrai rai nga ai; dai hta n-ga, hpaji byeng-ya rawng ai wa gaw, angawk ai wa zawn, si wa a hka!

HPAJI NINGLI 2:16 ပူးပေါင်းရင်းမြစ်များ

2 SAMUELA 3:33

Dawi mung Abna a matu ndai sharung shayawt ga hte mahkawn mangoi wu ai: “Abna gaw Masha angawk langai zawn hpa majaw si mat nga a ni?

SHAKAWN KUNGDAWN 103:16

Dai hpang, de a ntsa e, nbung bung ahpawt wa nna, dai gaw mat mat nga ai; dai hpe kadai mung bai mu lu nga ai n rai.

SHAKAWN KUNGDAWN 49:10

Hpaji chye chyang ai masha ni rai ti mung, angawk angak re ai hte mana ai masha ni du hkra pyi, si ai hpe n lai lu ai gaw, kadai mung chye lu nga ai. Shanhte yawng gaw shanhte a sut gan ni hpe shanhte a matu mara ni a matu, htawng da ya nga ai.

SHAKAWN KUNGDAWN 88:12

Dai sin htat ai shara hta na a mauhpa lamik kumla ni hpe mu lu nga a ni? Malap kau hkrum ai masha ni a mung hta na a mai kaja ai lam hpe chye lu nga a ni?

PRU MAT 1:6

Yosep a aten hta shi a kahpu kanau ni hte dai ban na masha nlang ni yawng si mat masai;

PRU MAT 1:8

Dai hpang Yosep a lam hpa mung n chye ai hkawhkam ningnan langai mi Egutu mung hta paw pru wa sai.

GA SHAGAWP 14:8

Hpa majaw ram ai masha gaw hpaji rawng nga a ta? Shi chye nga ai majaw rai nga ai. Hpa majaw myit n kup ai masha wa gaw angawk nga a ta? Hpa majaw nga yang, shi grai chye dum nga ai majaw rai nga ai.

HPAJI NINGLI 1:11

Kadai mung lai sai aten ni hta hpa byin lai wa sai hpe n dum nga ai, htawm hpang de du sa wa na ni kadai mung ndai prat hte hpang na aprat lapran hta hpa byin na lam dum na n rai.

HPAJI NINGLI 2:14

Hpaji chye ai ni gaw shanhte gara de sa wa nga ai hpe mu lu ma ai, angawk ai ni chyawm gaw mu lu ai n rai.” Rai ti mung anhte yawng a matu ala nga ai hpang jahtum na lam gaw maren rai nga ai hpe ngai chye nngai.

HPAJI NINGLI 2:15

Ngai gaw nye a kraw kata e, “Angawk ai ni hta byin wa ai sha, ngai hta mung byin nga ai. Dai re ai majaw hpaji byeng-ya grau rawng ai hta na hpa baw lu la sahka?,” ngu nna tsun ni ai. Ngai chyawm gaw, “Kaman lila hkrai rai nga ai, arai langai mung n rai nga ai,” ngu nna htan we ai.

HPAJI NINGLI 6:8

Hpaji rawng ai wa gaw angawk ai wa hta kade wa grau kaja nga a ni? Asak hkrun lam hpe kaning rai hkrum kadup na chye na na matu matsan mayan wa gaw mai kaja ai amu hpa hpe galaw nga a ta?

HPAJI NINGLI 7:2

Pyaw hpa poi de sa lawm na hta sharung shayawt nga ai nta de sa na mahtang grau kaja nga ai, hpa majaw nga yang, si hkrung si htan gaw anhte yawng hpe ala nga ai rai nna hkrung nga ai ni tinang hkum hpe nan tut nawng shadum ang mai nga ai.

HPAJI NINGLI 8:10

Rai sa, n hkru ai masha ni shanhte a lup sung hku ni hta lup makoi da hkrum nga ma ai hpe ngai mu ni ai; rai ti mung, lup wa de na bai nhtang wa ai masha ni gaw n hkru ai amu galaw shapraw ai shanhte a mare hta sha shanhte hpe shakawn ma ai. Dai mung kaman lila rai nga ai.

HPAJI NINGLI 9:15

Dai mare hta matsan mayan re ai wa langai mi nga nga ai, rai ti mung shi gaw grai myit let ai rai nna dai mare hpe hkye la lu wu ai. Rai ti mung, shi a lam hpe kadai mung n myit dum ma ai.

HPAJI NINGLI 9:5

Rai sa, hkrung nga ai ni gaw shanhte si na hpe chye nga ma ai, rai ti mung si mat sai ni chyawm gaw hpa n chye ma ai. Shanhte gaw hpa shabrai mung n hkam la lu ma ai; shanhte gaw tsep kawp malap kau ai hkrum na ma ai.

MALAHKI 3:16

Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.