HPAJI NINGLI 2:15 - Jinghpaw Common Language Bible 2009

¹⁵ Ngai gaw nye a kraw kata e, “Angawk ai ni hta byin wa ai sha, ngai hta mung byin nga ai. Dai re ai majaw hpaji byeng-ya grau rawng ai hta na hpa baw lu la sahka?,” ngu nna tsun ni ai. Ngai chyawm gaw, “Kaman lila hkrai rai nga ai, arai langai mung n rai nga ai,” ngu nna htan we ai.

Jinghpaw Hanson Version Bible

¹⁵ Dai rai nna, Angawk ai wa hkrum ai zawn, ngai mung hkrum na rai yang, ngai shi hta hpa majaw hpaji byeng-ya grau rawng n ta? nga nna nye a kraw e ngai tsun nngai. Bai ngai gaw, Dai mung kaman lila hkrai rai nga ai, nga nna tsun nngai.

HPAJI NINGLI 2:15 ပူးပေါင်းရင်းမြစ်များ

1 HKAWHKAM 3:12

nang hpyi ai hte maren, ngai galaw ya na we ai. Shawng de mung n nga yu, htawm hpang de mung n nga yu na sai, masha kadai hta mung grau ai hpaji byeng-ya hte chye na hkawn hkrang ai hpaji ngai nang hpe jaw na de ai.

HPAJI NINGLI 1:14

Ngai gaw ndai mungkan ga ting hta galaw da ai amu magup shagu hte hpe mu ni ai; ngai nang hpe tsun de ga, dai yawng mayawng gaw kaman lila rai nga ai. Dai gaw nbung hpe shachyut ai zawn rai nga ai.

HPAJI NINGLI 1:16

Ngai gaw nye hkraw e, “Ngai gaw nye a shawng e Yerusalem hpe up nga ai ni kadai hta mung hpaji byeng-ya grau lu la ai hte galu kaba ai masha langai tai wa ni ai. Hpaji byeng-ya hte machye machyang hpaji gaw teng teng hpa rai nga ai hpe ngai chye ni ai,” ngu nna tsun ni ai.

HPAJI NINGLI 1:18

Nang hpaji grau chye magang, grau nna myit ru magang rai nga ai; nang grau nna chye na magang, dai gaw grau nna nni nkri hkrum magang rai nga ai.

HPAJI NINGLI 1:2

Dai gaw kaman lila, kaman lila, rai nga ai nga nna sumru ninghkrin wa tsun nga ai. Asak hkrun lam gaw kaman lila rai nga ai, yawng mayawng kaman lila rai nga ai.

HPAJI NINGLI 2:16

Kadai mung hpaji rawng ai ni hpe dum ai n rai; kadai mung angawk angak ni hpe dum ai n rai. Anhte yawng gaw htawm hpang prat e malap kau hkrum na ni hkrai rai nga ga ai. Anhte yawng gaw hpaji rawng ai wa hte angawk ai wa zawn maren sha si ra na ga ai.

HPAJI NINGLI 6:11

Aten na na dangrang hkat magang akyu n rawng ai baw law jat magang rai nna nang gaw mai kaja nga ndai n rai.

HPAJI NINGLI 6:8

Hpaji rawng ai wa gaw angawk ai wa hta kade wa grau kaja nga a ni? Asak hkrun lam hpe kaning rai hkrum kadup na chye na na matu matsan mayan wa gaw mai kaja ai amu hpa hpe galaw nga a ta?