HPAJI NINGLI 2:13 - Jinghpaw Common Language Bible 2009

¹³ Oh, “Nhtoi gaw nsin hta grau kaja nga ai zawn, hpaji byeng-ya gaw angawk angak re ai hta grau kaja nga ai hpe ngai chye nngai.

Jinghpaw Hanson Version Bible

¹³ shaloi jang, nhtoi gaw nsin hta grau nga ai hte maren, hpaji byeng-ya gaw angawk ai hta grau nga ai gaw ngai mu chye nngai.

HPAJI NINGLI 2:13 ပူးပေါင်းရင်းမြစ်များ

SHAKAWN KUNGDAWN 119:105

Na a mungga gaw ngai hpe lam woi ai pyengdin hte nye hkrun lam a matu, nhtoi rai nga ai.

SHAKAWN KUNGDAWN 119:130

Na a sharin achyin ai mungga ni hpe tsun shaleng ai lam ni gaw nhtoi hpe jaw ya nga ai rai nna, n chye n chyang ai ni hpe kunghpan wa shangun nga ai.

GA SHAGAWP 14:8

Hpa majaw ram ai masha gaw hpaji rawng nga a ta? Shi chye nga ai majaw rai nga ai. Hpa majaw myit n kup ai masha wa gaw angawk nga a ta? Hpa majaw nga yang, shi grai chye dum nga ai majaw rai nga ai.

GA SHAGAWP 16:16

Aja hte gumhpraw hta hpaji byeng-ya hte machye machyang hpaji lu la ai gaw grau kaja nga ai, dik hkra grau kaja nga ai.

HPAJI NINGLI 10:10

Na a nwa tawn mat nna, dai hpe nang n garang ai rai yang, dai hpe lang ai shaloi n-gun grau dat ra nga ndai. Tau nna myit mang ai lam gaw grau nna htuk manu nga ai.

HPAJI NINGLI 11:7

Ngwi pyaw ai shani nhtoi hta kabu gara lu ai gaw mai kaja nga ai.

HPAJI NINGLI 7:19

Mare langai a matu up hkang du marai shi jawm galaw lu ai amu hta hpaji byeng-ya rawng ai marai langai mi gaw grau nna galaw lu nga ai.

HPAJI NINGLI 9:16

Ngai chyawm gaw hpaji byeng-ya gaw n-gun atsam hta grau kaja nga ai ngu tut nawng tsun nga ti mung, dai matsan mayan rai nna hpaji rawng ai wa a lam hpe kadai n myit yu ma ai; shi tsun ai ga hpe kadai n madat ya ma ai.

HPAJI NINGLI 9:18

Hpaji byeng-ya gaw hpyen laknak ni hta grau kaja nga ai; rai ti mung yubak kap ai wa mahtang mai kaja ai amu law law hpe jahten kau lu nga ai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

MAHTE 6:23

Rai ti mung na a myi n kaja nga yang gaw, na a hkum ting nsin sin nga na ra ai. Dai rai nna nang hta rawng ai nhtoi nsin tai mat yang gaw, dai nsin gaw gade htat nga a hka!

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.