HPAJI NINGLI 2:10 - Jinghpaw Common Language Bible 2009

¹⁰ Ngai ra ai hpa rai tim ngai lu la lu nngai; myit pyaw lam hpa hpe mung ngai hkum nan ningdang kau nngai n rai. Ngai galaw ai amu magup a majaw ngai gumrawng lu nngai. Dai yawng gaw nye a shagrau kumhpa rai nga li ai.

Jinghpaw Hanson Version Bible

¹⁰ Nye a myi ra gasit ai hpa rai timung, ngai n gang kau nngai; ngai galaw ai amu mahkra hta, nye myit kabu nga lu ai majaw, nye myit pyaw hpa ra mara hpe ngai n dang nngai: dai gaw nye amu mahkra a amyat rai nga ai.

HPAJI NINGLI 2:10 ပူးပေါင်းရင်းမြစ်များ

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

NINGPAWT NINGHPANG 6:2

sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

YOBA 31:1

Ngai gaw numsha langai hpe ngang gayut ai myi hte galoi mung n mada yu na ngu, ga sadi dagam da se ai.

SHAKAWN KUNGDAWN 119:37

Kaman lila hpe myit manoi nga ai kaw nna ngai hpe shatsan kau ya e; na a ga sadi nga ai hte maren, mai kaja ai lam, ngai hpe madun dan e.

SHAKAWN KUNGDAWN 128:2

Na a lata amu gaw na a ra kadawn nga ai lam ni hpe jahkum shatsup ya lu na ra ai; nang kabu gara wa lu ai hte ngamu ngamai wa na rin dai.

GA SHAGAWP 23:5

Na a ja gumhpraw gaw singkaw tu wa ai zawn rai nna, galang zawn pyen mat wa na ra ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 2:1

Kabu gara ai lam hpe ngai nan ra sharawng ai hte mu tam la na matu daw dan da nngai. Rai ti mung dai mung kaman lila rai nga ai hpe ngai mu ni ai.

HPAJI NINGLI 2:22

Nang gaw amu galaw ai hte na a asak hkrun lam ting hta myit ru ai hte de a matu madun dan na nang hpa lu a ta?

HPAJI NINGLI 2:24

Anhte galaw lu ai kaja htum ai amu gaw lu lu sha sha hte anhte galaw lu ai amu hta kabu gara na lam sha rai nga ai. Ti mung, dai pyi Karai Kasang kaw na rai nga ai hpe ngai dum hprang nngai.

HPAJI NINGLI 3:22

Dai rai nna, anhte galaw lu sai amu hta kabu gara nga ai gaw anhte galaw lu ai kaja htum ai amu rai nga ai hpe ngai dum chye nngai. Anhte galaw lu ai amu hpa mung n nga nga ai. Anhte si mat ai hpang hpa byin wa na lam hpe anhte a matu chye na na lam hpa n nga nga ai.

HPAJI NINGLI 5:10

Nang gumhpraw marin ndai rai yang, galoi mung myit dik lu na ndai n rai; sut su na matu marit nga ai rai yang, nang ra ai arai yawng mayawng galoi mung lu la na ndai n rai; dai mung kaman lila rai nga ai.

HPAJI NINGLI 5:17

Anhte gaw nsin kata e nga nga ga ai rai nna yawn hkyen ai, myit ru myit tsang ai, masin pawt ai hte machyi makaw hkrai hkrum sha nga ga ai.

HPAJI NINGLI 5:18

Yu u, Karai Kasang shi hpe jaw da sai aprat kadun mi laman, shi galaw da sai amu hta, lu let, sha let, kabu gara rai ngamu ngamai hkra galaw lu ai wa kadai mung mai kaja htum ai lam rai nga ai hpe ngai mu tam da se ai. Dai gaw masha a gam maka rai nga ai.

HPAJI NINGLI 6:2

Karai Kasang gaw anhte hpe ja gumhpraw sut gan, arawng sadang hte sut rai ni jaw ya na ra ai, rai sa, anhte ra sharawng ai arai shagu lu la ti mung dai hta kabu gara shangun mi ai n rai. Kaga tsasam masha wa mahtang de a malai kabu gara na ra ai. Dai gaw kaman lila rai nga ai, de a teng man lam gaw n jaw nga ai.

HPAJI NINGLI 6:9

Dai mung kaman lila rai nga ai; dai gaw nbung hpe shachyut ai zawn rai nga ai. Nang lu ai hta myit dik lu ai gaw arai lama ma hpe tut e ra marit nga ai hta grau kaja nga ai.

HPAJI NINGLI 8:15

Dai rai nna, anhte gaw anhte hkum nan kabu gara ang nga ga ai ngu nna ngai myit hkawn nngai, hpa majaw nga yang, anhte gaw ndai asak hkrun lam hta lu lu sha sha rai nna anhte hkum nan kabu pyaw nga ga ai. Ndai mungkan ga hta Karai Kasang anhte hpe jaw da sai asak hkrung nga ai laman magam amu anhte galaw ra ai zawn yawm dik ndai amu hpe anhte galaw lu nga ai.

HPAJI NINGLI 9:6

Shanhte a tsaw ra ai lam ni, n ju n dawng lam ni hte ra marit ai lam ni yawng gaw shanhte hte rau si mat nga ai. Shanhte gaw ndai mungkan hta byin hkrum hkra ai hpa lam hta mung galoi mung shang lawm lu sana ma ai n rai.

HPAJI NINGLI 9:9

Ndai mungkan ga hta Karai Kasang nang hpe jaw ya sai kaman lila aprat e, nang hkrung nga dingsa nang tsaw ra ai num hte pyaw pyaw rai nga u; Dai ru yak tsin-yam yawng hpe nang shakut malan na rai nga ndai majaw kaman lila nhtoi shagu hta kabu pyaw ai hte nga nga u.

1 YAWHAN 2:16

Dinghta ga hte seng ai arai nga manga, hkum shan a kayut ai lam ni, masha ni myi hte mu nna ra marit ai lam ni hte, ndai mungkan na masha ni a gumrawng gumtawng ai hte grang ai lam shagu gaw, gara mung Kawa kaw nna pru ai n rai; dai yawng mayawng gaw dinghta ga kaw na pru ai rai nga ai.

TARA AGYI 14:2

Shi gaw nta de nhtang wa nhtawm shi a kanu yan kawa hpe, “Nye a myit gang la kau ya lu ai Hpilisti numsha langai Timna mare e nga nga ai. Shi hpe nye a matu hpyi ya mi; ngai shi hpe hkungran la mayu nngai,” ngu nna tsun wu ai.