HPAJI NINGLI 2:1 - Jinghpaw Common Language Bible 2009

¹ Kabu gara ai lam hpe ngai nan ra sharawng ai hte mu tam la na matu daw dan da nngai. Rai ti mung dai mung kaman lila rai nga ai hpe ngai mu ni ai.

Jinghpaw Hanson Version Bible

¹ Bai ngai gaw, Sa rit, ngwi ngawn ai hte ngai nang hpe chyam yu di ga; nang mai kaja ai lam mu hkrup na ndai, nga nna nye a kraw e ngai tsun nngai: yu mu, dai mung kaman lila sha rai nga ai.

HPAJI NINGLI 2:1 ပူးပေါင်းရင်းမြစ်များ

NINGPAWT NINGHPANG 11:7

Anhte yu sa nna, shanhte a ga hpe shanut kau ya ga; shaloi shada da tsun hkat ai ga hpe shanhte n chye na mat na mara ai,” ngu nna tsun wu ai.

2 HKAWHKAM 5:5

Dai hkawhkam wa gaw, “Israela hkawhkam wa hpang de sa nna ndai laika shi hpe la sa ya su,” ngu nna tsun wu ai. Dai rai nna Naman gaw gumhpraw dengga mun masum, ja dengga hkying kru hte mani tsawm ai hpun palawng gahti galai man shi hte hpe la gun nna pru mat wa wu ai.

SHAKAWN KUNGDAWN 10:6

Shi gaw, “Ngai galoi mung sum na n rai; ngai galoi mung ru tsang hkrum na n rai,” nga nna shi hkum shi tsun nga ai.

SHAKAWN KUNGDAWN 14:1

“Karai Kasang n nga ai,” nga nna angawk ai ni gaw shanhte a myit hta tsun nga ma ai. Shanhte yawng hte gaw myit tsam mat nga ma ai, hkrithpa amu ni hpe, shanhte galaw kau mu ai; dai teng man ai amu hpe galaw na masha kadai mung n nga nga ai.

SHAKAWN KUNGDAWN 27:8

“Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

GA SHAGAWP 14:13

Mani ai lam gaw yawn ai lam hpe magap da nga ai; kabu gara ai lam htum mat yang, yawn hkyen ai lam tut nawng e, hkan kanawng nang nga ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 2:10

Ngai ra ai hpa rai tim ngai lu la lu nngai; myit pyaw lam hpa hpe mung ngai hkum nan ningdang kau nngai n rai. Ngai galaw ai amu magup a majaw ngai gumrawng lu nngai. Dai yawng gaw nye a shagrau kumhpa rai nga li ai.

HPAJI NINGLI 2:15

Ngai gaw nye a kraw kata e, “Angawk ai ni hta byin wa ai sha, ngai hta mung byin nga ai. Dai re ai majaw hpaji byeng-ya grau rawng ai hta na hpa baw lu la sahka?,” ngu nna tsun ni ai. Ngai chyawm gaw, “Kaman lila hkrai rai nga ai, arai langai mung n rai nga ai,” ngu nna htan we ai.

HPAJI NINGLI 2:25

Nang nan lu sha nna nang hkum nan pyaw lu ai lam hpe kaning rai hkam la lu na n ta?

HPAJI NINGLI 7:4

Kabu gara ai lam hpe tut nawng myit aru yu nga ai wa gaw angawk angak re ai wa rai nga ai. Hpaji rawng ai wa chyawm gaw si hkrung si htan a lam hpe myit aru yu nga ai.

HPAJI NINGLI 8:15

Dai rai nna, anhte gaw anhte hkum nan kabu gara ang nga ga ai ngu nna ngai myit hkawn nngai, hpa majaw nga yang, anhte gaw ndai asak hkrun lam hta lu lu sha sha rai nna anhte hkum nan kabu pyaw nga ga ai. Ndai mungkan ga hta Karai Kasang anhte hpe jaw da sai asak hkrung nga ai laman magam amu anhte galaw ra ai zawn yawm dik ndai amu hpe anhte galaw lu nga ai.

ESAIA 5:5

“Ndai gaw nye a sabyi sun hta ngai galaw sa wa na amu rai nga ai: Ngai gaw dai sun hpe kum gawan da ai nhpan ni hpe la kau nna, dai hpe makawp maga da ai bunghku ni hpe jahten kau na we ai, matse labye dusat ni dai hpe sha kau mu ga, dai sun hpe kabye anut kau mu ga.

ESAIA 50:11

Kaga masha ni hpe jahten na maw mawn ai nanhte yawng hte gaw tinang a maw mawn ai amu ni hta jahten shaza ai hkrum na ra ai. Dai Madu gaw shi nan ndai amu hpe shabyin na ra ai; nang gaw nchyi nmu re ai gam maka hkam sha na rai ndai.

ESAIA 50:5

Dai Madu gaw ngai hpe chye na hkawn hkrang ai nyan jaw ya ni ai majaw, ngai shi hpe gumlau ai n rai, shi kaw na kayin mat wa nngai n rai.

LUKA 12:19

Dai hpang, nye a myit masin hpe ning ngu na we ai, gam kaja ai masha wa e! Law law ning a matu nang ra ai arai kaja law law nang shinggyin da lu nit dai rai nna, asak hkrung ai lam hta asan apan rai nga nu, lu nu, sha nu, pyaw pyaw rai nga nu, ngu na we ai,’ nga nna shi hkum hpe shi tsun wu ai.

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

LUKA 16:23

Shing rai katsan ga e nni nkri hkrum let sharawt mada dat yu yang, tsan tsan e Abraham hpe mung, shi a makau e dung nga ai Lazaru hpe mung, mu wu ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

YAKU 4:13

“Dai ni shing n rai hpawt ni e, anhte mare langai ngai de bu hkawm sa nna dai kaw laning mi nga nhtawm hpaga ga nna ja gumhpraw law law lu hkra galaw na ga ai,” nga nna tsun ai ni e, ngai tsun ai hpe madat yu mu.

YAKU 5:1

Lu su ai ni e, ya e ngai tsun ai hpe madat yu mu! Nanhte gaw du magang ra ai nni nkri nji nmu lam a majaw hkrap ngu hkrap ngoi rai nga mu!

YAKU 5:5

Ndai ga ntsa e nanhte a asak hkrung lam gaw hkum hkrang myit masin hpe shangwi shapyaw ya ai arung arai kaja ni hte pyaw daw lam hkrai hpring chyat rai nga malit dai. Nanhte gaw sat kau hkrum na nhtoi a matu nanhte a hkum ni hpe hpum sau hkra kawn da nga myit dai.