HPAJI NINGLI 12:7 - Jinghpaw Common Language Bible 2009

⁷ Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

Jinghpaw Hanson Version Bible

⁷ ga nhpu gaw ga de garai n htang wa ai hte, wenyi gaw, wenyi jaw ya ai Karai Kasang hpang de garai n wa wa gaw, Hpan Wa Ningsang hpe dum nga u law.

HPAJI NINGLI 12:7 ပူးပေါင်းရင်းမြစ်များ

NINGPAWT NINGHPANG 18:27

Abraham gaw, Madu e, ndai zawn matut nna wam tsun ai nye a ga hpe mara dat ya e law. Ngai gaw shinggyim masha sha rai nna hpa tsun na ahkaw ahkang pyi n lu ai wa rai nga nngai.

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

YOBA 20:11

Shanhte a hkum hkrang ni shabrang zawn n-gun rawng ma ai; rai ti mung shanhte gaw kade n na yang ga nhpu tai mat na mara ai.

YOBA 7:21

Nang gaw nye a shut hpyit mara hpe galoi mung n raw ya lu sani? Ngai galaw shut ai amu hpe nang mara n dat ya lu sani? Kade n na yang, nye a lup sung hku hta ngai taw nga na ni ai; nang ngai hpe tam ai shaloi, ngai nga na nngai n rai.

SHAKAWN KUNGDAWN 103:14

Anhte hpe hpa hte galaw da nga ai hpe shi chye nga ai; anhte ga nhpu ni rai nga ga ai hpe shi dum nga ai.

SHAKAWN KUNGDAWN 104:29

Nang myi man kayin mat wa ai shaloi, dai ni hkrit nga ma ai; dai ni a nsoi nsa ni hpe, nang dawm la kau ya ai shaloi, shanhte si wa nna, shanhte pru wa ai ga nhpu kaw nna dai ga nhpu de bai nhtang mat wa ma ai.

SHAKAWN KUNGDAWN 146:4

Shanhte si mat wa ai shaloi, ga nhpu de bai nhtang mat wa ai; dai shani jang, shanhte a maw mawn ai lam yawng htum mat nga manu ai.

SHAKAWN KUNGDAWN 31:6

N teng n man ai karai ni hpe nawku ai ni hpe nang n dawng nga ndai; rai ti mung, ngai gaw nang hpe kam hpa nngai.

SHAKAWN KUNGDAWN 90:3

Nang gaw shinggyim masha ni hpe ga nhpu de bai shabai kau nna; shanhte hpe mi na shara de nhtang wa masu, nga nna nang tsun nga ndai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

YEREMIA 38:16

Hkawhkam Zedekia gaw ngai hpe, “Anhte hpe asak jaw ya ai Karai Kasang, dai ahkrung nga ai Karai Kasang hta ngai dagam nngai. Ngai gaw nang hpe sat kau na n rai; nang hpe sat kau na matu tam nga ai masha ni a lata de mung ap ya na n rai,” ngu nna mayun ga sadi jaw da wu ai.

Daniela 12:2

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 27:16

Madu Karai Kasang e, ndai amyu masha ni hpe woi awn lu nna

LUKA 23:46

Yesu gaw, “Wa e! Na a lata de nye a wenyi ap ya de ai!” nga nna nsen kaba hte jahtau wu ai. Shing nga tsun ngut jang, nsa hti mat ai.

KASA 7:59

Shing rai kabai nga mayang Stehpan gaw akyu hpyi let, “Madu Yesu e Nye a Wenyi hpe hkap la ya rit law!,” nga ai.

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!